​​🔤🔤🔤🔤🔤🔤
🔤🔤🔤🔤🔤

​​27 ИЮЛЬ

Яна тонг, яна қуёш,
Яна очмоқда кўркин.
Иншааллоҳ бошланди,
Яна ёздан қайноқ кун.

Бугун давом этгайдир,
Умр деган узун йўл.
Бошланган бугунги кун,
Йигирма еттинчи июл.

Бугун кимнидир тўйи,
Кўтарар бахт жомини.
Кимдир нишонлар бугун,
Таваллуд айёмини!

Кимдир Ватан ишқида,
Ватан ичра минг ёнар.
Кимдир эса, ризқ териб,
Мусофирда уйғонар.

Қайда бўлманг, ким бўлманг,
Илинай ширин сўзни.
Ўзингизга билдирмай,
Яхши кўраман сизни!

Қалбингизда яшайман,
Кўнглингизда бор изим.
Худо берган яна бир,
Тонг муборак азизим!

АССАЛОМУ АЛАЙКУМ!
ЯНГИ ТОНГИНГИЗ МУБОРАК БЎЛСИН!

Самимият ила:
©️Ўлмасбек Самарқандий.

Бизни ижтимоий тармоқларда кузатинг:

⬇️⬇️⬇️⬇️⬇️

📱 𝐼𝑛𝑠𝑡𝑎𝑔𝑟𝑎𝑚 | 📱𝑇𝑒𝑙𝑒𝑔𝑟𝑎𝑚 | 🎞 @user-zw9mp7yi1g' rel='nofollow'>𝑌𝑜𝑢𝑡𝑢𝑏𝑒 | 📱 Facebook