Samarqand sadosi

#Ibrat

NIYATING - YO‘LDOSHING

Rivot qilishlaricha, Iso alayhissalom mayitni tiriltirgach ixlosmandlari qatori hasadgo‘y raqiblari ham ko‘payib ketadi. Shundaylardan biri "Mayitlarni tiriltiradigan duoni menga ham o‘rgatasan", deb turib olibdi. Iso masih bu kimsaning niyati nopok ekanligini bilgani uchun rad etibdi. Boyagi odam yaalinib-yolvorib, ming tavallo qipti, oxiri payg‘ambarni firibgarlikda ayblabdi... Iso masih "Ke, shu ham noumid bo‘lmay qo‘yaqolsin", deb duoni o‘rgatibdi.

Boyagi odam yo‘lda ketayotib, "Iso meni baribir aldadi, o‘rgatgan duosi yolg‘on", deb o‘ylabdi. Qarasa, yerda bir bo‘lak suyak yotganmish. Duo kuchini sinash uchun o‘qigan ekan, suyak bir zumda bahaybat sherga aylanibdi-da, uni parchalab tashlabdi...

Yaxshilikdan yomonlik izlashning jazosi shu bo‘lsa kerak...

©O‘tkir Hoshimov

🔰Bizni ijtimoiy tarmoqlarda kuzating:
Telegram | Facebook | Instagram | You Tube

#Ibrat

SAXIY KIM?

Kichkina qishloqlarning birida duradgor usta yashar edi. U yog‘ochlarga chiroyli naqshlar berib qimmat narxga sotardi. Kunlarning birida uning oldiga bir chol kelib:
– Sen bu mehnating orqali yaxshi topasan, lekin faqir muhtojlarga hech ham xayr-ehson qilmaysan. Ana u qassobni qara, u oz topsa ham, deyarli har kuni faqirlarga go‘sht tarqatadi, – debdi.

Duradgor cholga qarab jilmayibdi, lekin indamabdi, shunda chol javob olmagach duradgor yonidan g‘azablanib, chiqib ketibdi. Bu voqeadan keyin qishloqda “Usta boy, lekin xasis ekan”, degan gap tarqalibdi va qishloqdagilar duradgorni yomon ko‘rib qolishibdi. Kunlarning birida  duradgor xastalanib qolibdi. Hech kim undan xabar ham olmabdi. Xasta duradgor yolg‘izlanib olamdan ko‘z yumibdi.

Kunlar o‘tib, odamlar qassob go‘sht tarqatmay qo‘yganini payqashibdi. Shunda qassobdan nega oldingidek go‘sht tarqatmayotganini so‘rashsa, u:
– Duradgor usta hayotlik chog‘ida har safar pul olib kelib, mendan faqirlarga go‘sht tarqatishimni so‘rardi. Hozir esa duradgor yo‘q. Endi hech kim pul olib kelmayapti, – deb javob beribdi...

🔰Bizni ijtimoiy tarmoqlarda kuzating:
Telegram | Facebook | Instagram | You Tube

Yoshlar ma’naviy tarbiyasi va mafkuraviy immunitetini kuchaytirish boʻyicha loyihalar qoʻllab-quvvatlanadi

Bugungi kunda mafkuraviy xavf-xatarlar allaqachon kibermakonga ko‘chib o‘tgani qayd etildi.

Shu munosabat bilan yoshlarimizda internetdan foydalanish madaniyatini yanada yuksaltirish, ular yolg‘on ma’lumotlar qurboniga aylanishi, dunyoqarashi salbiy g‘oyalar ta’sirida shakllanishini oldini olish muhimligi ko‘rsatib o‘tildi.

Farzandlarimizning ma’naviy tarbiyasi va mafkuraviy immunitetini kuchaytirish, ularni yot g‘oyalardan asrash har birimizning vazifamizga aylanishi shartligi ta’kidlandi.

Shu bois mutasaddilarga yoshlarning mafkuraviy xavfsizligini ta’minlash, ularni dardiga malham bo‘lib, muammosini hal qilib, turli g‘oyaviy xurujlardan asrash, zararli axborotlardan himoya qilish ishlarini kuchaytirish topshirildi.

Ilm-fan va ta’lim yo‘nalishidagi foydali mahalliy internet resurslari reyestri shakllantirilib, ulardan bepul internet tarmog‘i orqali foydalanish yo‘lga qo‘yiladi.

Nuroniylarimiz ishtirokida “Ajdodlar merosiga munosib avlod” g‘oyasi ostida yoshlarni birlashtirish bo‘yicha yangi tizim joriy etiladi. Shuningdek, yoshlarda vatanparvarlik hissini oshirish maqsadida “Men buyuk el farzandiman” umummilliy harakatini yo‘lga qo‘yish bo‘yicha yoshlarning tashabbusi qo‘llab-quvvatlandi.

Yoshlar ma’naviyatini yuksaltirishda badiiy adabiyotning roli juda katta ekani ta’kidlandi. Bundan qirq yil oldin ustoz shoir Erkin Vohidov tashkil etgan “Yoshlik” jurnali faoliyatini kuchaytirib, uni yana yoshlarimiz sevib o‘qiydigan jurnalga aylantirish muhimligi ta’kidlandi.

🔰Bizni ijtimoiy tarmoqlarda kuzating:
Telegram | Facebook | Instagram | You Tube