Samarqand sadosi

#Ibrat

Onalarni oyog‘ini har kuni o‘pish kerak, bilasizmi nega?

Olimlar aniqlashganki, ayol bola tug‘ayotganida 20 ta suyak sinishiga teng og‘riqni boshidan o‘tkazarkan! Tasavvur qiling, 20 ta suyak sinishi! Qo‘limizni oddiygina urib olsak qanchalik og‘riydi. Biz uchun shuncha azobni boshidan o‘tkazgan odamni har kuni oyog‘ini o‘psak ham kam.

Qattiq gapirish, ranjitish, gap qaytarish degan narsalar esa umuman tasavvurga sig‘maydi. Onasini xafa qilganlar bo‘lsa fikr qilish uchun yaxshi mavzu. Hattoki, onalarimiz koyishsa ham yerga qarab turish kerak.
Nahotki, biz uchun shuncha azobga chidagan insonni bir og‘iz qatiq gapini ko‘tarolmaymiz! Shuning uchun ularning jahli chiqsa tezda uzr so‘rab onalarni ko‘ngliga qarash kerak. Aks holda, armon va afsusda qolishi hech gapmas...

Onalarimizni e’zozlaylik!

🔰Bizni ijtimoiy tarmoqlarda kuzating:
Telegram | Facebook | Instagram | You Tube

#Nazm

Fe’li torga, deydilar, mulki osmon yetmagay,
Oqibatni bilmasa, yuz bitta davron yetmagay.

Kim kibrni kasb qilur, unga tanbeh besamar,
Unga pushmon, tavbalar hamda armon yetmagay.

Kimki orom, tinchligi qadrini bilmas- gunoh,
Vodarig‘, jangu jadal vaqtida qurbon yetmagay.

Ishtiyoqsizning ishi hech tugal bo‘lmas ekan,
Landovurga, neiloj, lahza, bir on yetmagay.

Qancha shuhrat so‘rmasin, el  ishonmaydir, vale,
Va’dabozga har safar bitta yolg‘on yetmagay.

Ko‘p sinov oldida goho men karaxt bo‘ldim, ayo,
Goh imkon bedarak yo sabru  vijdon yetmagay.

Har satrni, Farmono, qalb farmonida yoz,
Bil’aks, so‘zlar go‘zal, ammo tug‘yon yetmagay.

© Farmon TOSHEV

🔰Bizni ijtimoiy tarmoqlarda kuzating:
Telegram | Facebook | Instagram | You Tube

#Ibrat
#Toʻylar_haqida_oʻylar

...To‘y tufayli xonadonimizga tashrif buyurajak shodlik va baxt umrining nechog‘li uzun bo‘lmog‘i o‘zimizning fahmu farosatimizga bog‘liq. «Qarz qutilar, xotin yonga qolar», maqoliga amal qilgan bo‘lsak, shodligimiz to‘y tugashi bilan tugab, tashvishimiz boshlanadi. Agar «Ko‘rpangga qarab oyoq uzat» degan hikmatdan yuz o‘girmasak, qarz tashvishi bizlarni azobga solmaydi.
    Biz ko‘pgina tashvishlarga o‘zimiz xaridor bo‘lamiz-da, so‘ng «bizni shuncha qiynoqlarga solasanmi», deb Xudoga da’vo ham qilib qo‘yamiz. «Topganingiz yaxshi to‘ylarga buyursin», deyilmish duoni «Topgan - tutganingning barchasini bitta to‘yga sovurib yubor, yetmaganiga qarz ol», degan ma’noda tushunmaslik kerak. Ko‘ngil xohishi bilan hayot haqiqatining murosaga kelmog‘i mushkulligi unutilmasa durust. To‘ydan keyin boshlanajak hayot, turmush tashvishlari nazardan chetda qolmasa yanada yaxshi. «Ortiqcha kuchanish belni sindirar», degan maqolni yodda tutish esa donolikdir. Siz bilan biz har qancha dang‘illama to‘y qilmaylik, uning shuhrati yengil shabada ham uchirib keta oluvchi xazon kabidir. Odamlar to‘yingizni oylab-yillab eslab, madh etib yurmaydilar. Yaqinlarimiz ko‘rishganda «Qalay to‘ylarning charchog‘i chiqdimi?» deb qo‘yishlari bilan hammasi tugaydi. To‘y har qancha dabdabali bo‘lmasin, kishining obro‘siga obro‘ qo‘shmaydi. Bugungi kuyov va kelinning ertangi totuv hayoti, saodat yo‘lidagi intilishi, ota-onalari, qarindosh-urug‘lari, qo‘ni-qo‘shnilariga bo‘lgan mehr-oqibati, hayo va odobi xonadonga hurmat va e’tibor keltiradi. Bilmog‘imiz joizki, manmanlik va maqtanchoqlikning eng xunuk ko‘rinishi to‘y-marosimlarda qilinayotgan soxta saxiylikdir.
    To‘y bahonasida manmanliklarini ko‘z-ko‘z qilmoqchi bo‘lgan qudalar havoyi polvonlarga o‘xshashadi. Kuch ham yo‘q, usul ham bo‘lmasa-da, gilamga tushgan polvonning beli singanidek, qudalarning nodonligi tufayli oilaning beli sinadi.
    To‘y qilish bo‘yicha aniq tavsiyalar yo‘q, bo‘lishi mumkin ham emas. Avval aytganimizday, to‘y – ko‘ngil ishi. KO‘NGILNI AQL BOSHQARADI. Yana bir gap: ko‘ngil talab qiluvchi dabdabani cho‘ntak ko‘tarolmasligi mumkin. Har bir shahar qishloqning to‘yga xos o‘z odatlari, udumlari bor. Afsus shundaki, asosiy e’tiborni dasturxon bezashga qaratib, yaxshi urf-odatlarimizni unutilishga mahkum etyapmiz. Barcha joy uchun
bir xilda bo‘lgan yaramas odatimiz – «kim o‘zar» musobaqasi.
    Bu musobaqaning shiori «Agar sendan ortda qolsam, qulog‘imni kesaman!» Ha, bizga aynan shu shior ma’qul bo‘lib qoldi.
Aqlni ishlatib, «Birov tomdan tashlasa, men ham tashlashim
kerakmi?» demaymiz...

©Tohir Malik
“Baxt saroyi” kitobidan

🔰Bizni ijtimoiy tarmoqlarda kuzating:
Telegram | Facebook | Instagram | You Tube