📣Диққат танлов!

🏆Ахборот ва оммавий коммуникациялар агентлиги Ўзбекистон Республикаси Президентининг 2025 йил 30 январдаги ПФ–16-сон Фармони билан тасдиқланган “Ўзбекистон–2030” стратегиясининг қонун устуворлигини таъминлаш, халқ хизматидаги давлат бошқарувини ташкил этиш йўналиши бўйича 2025 йилга мўлжалланган амалий тадбирлар режаси”нинг 83-мақсади, 14-бандига асосан ахборот хизматлари ўртасида “Энг яхши ахборот хизмати” танлови ўтказилишини эълон қилади.

Танлов 2 та – республика даражасидаги ташкилот ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда ҳудудий ташкилотлар, туман ва шаҳар ҳокимликлари йўналишида 3 та босқичда ўтказилади.

✅ Ахборот хизматлари Танловга иштирок этиш учун 2024 йил давомида амалга оширилган ишлари ҳақидаги маълумотни белгиланган шаклда 2025 йил 20 мартга қадар Ахборот ва оммавий коммуникациялар агентлигига тақдим этишлари лозим.

Танлов ғолиблари 27 июнь – Матбуот ва оммавий ахборот воситалари ходимлари куни арафасида ҳар бир йўналиш бўйича:

🥇1-ўрин – базавий ҳисоблаш миқдорининг 50 баравари;

🥈2-ўрин – базавий ҳисоблаш миқдорининг 40 баравари;

🥉3-ўрин – базавий ҳисоблаш миқдорининг 30 баравари;

📌ҳар бир йўналиш бўйича рағбатлантирувчи ўрин – базавий ҳисоблаш миқдорининг 10 баравари миқдоридаги пул мукофоти билан тақдирланади.

✉️Танлов материаллари Агентликнинг қўйидаги электрон манзиллари бўйича қабул қилинади info@aimc.uz, aoka@exat.uz

☎️Қўшимча маълумот учун телефон: 71 244-24-79

Telegram | Facebook | Instagram | Youtube | Медиабанк