AOKA - Rasmiy kanali

📢 4 декабрь, чоршанба куни АОКАда ўтказилиши режалаштирилган тадбирлар:

😉😉😉😉😉

🗣 Матбуот анжумани

⚫️Мавзу: Янги таҳрирдаги Конституцияни амалга ошириш доирасида қилинган ишлар таҳлили
⚫️Вақти: 12:00
⚫️Иштирок этади: Олий суд, Бош прокуратура, Адлия, Ички ишлар вазирлиги раҳбарияти

➡️ Матбуот анжуманига саволларни @Rasmiy_aloqabot га жўнатишингиз мумкин.
😉😉😉😉😉

🗣 Брифинг

⚫️Мавзу: Қийноққа солиш ҳолатларини аниқлаш ва олдини олиш юзасидан амалга оширилган ишлар
⚫️Вақти: 14:00
⚫️Иштирок этади: Фотима Мадраҳимова, Олий Мажлиснинг Инсон ҳуқуқлари бўйича вакили (омбудсман) ахборот хизмати раҳбари
😉😉😉😉😉

❔ Тадбирларга ОАВ ходимлари таклиф этилади.

Telegram |WhatsApp| Youtube | Facebook | Instagram | Медиабанк | Сайт

✔️ "Инсон ҳуқуқлари уйи" – инсон шаъни, қадр-қимматининг янги мустаҳкамланган кафолати

Бугун Ахборот ва оммавий коммуникациялар агентлиги ҳамда Алишер Навоий номидаги Ўзбекистон Миллий кутубхонаси билан ҳамкорлигида Инсон ҳуқуқлари бўйича Ўзбекистон Республикаси Миллий марказининг Ахборот-ресурс маркази негизида “Инсон ҳуқуқлари уйи” очилиш маросими бўлиб ўтди.

Тадбирга фаолияти инсон ҳуқуқларини ҳимоя қилиш ва ҳуқуқий нормаларни тарғиб қилиш билан боғлиқ бўлган халқаро ва минтақавий ташкилотлар вакиллари, Ўзбекистонда аккредитациядан ўтган дипломатик ваколатхоналар раҳбарлари, оммавий ахборот воситалари вакиллари, давлат органлари мутахассислари, етакчи экспертлар, илм-фан ва жамоат арбоблари иштирок этди.

Тантанали очилиш тадбирида одатий анъана тасма қирқиш маросими ўтказилди.

Очилиш маросимида сўзга чиққанлар Президент Шавкат Мирзиёевнинг бевосита ташаббуси билан бунёд этилган “Инсон ҳуқуқлари уйи”нинг очилиши мамлакатимиз инсон ҳуқуқларини ҳимоя қилиш тизими тараққиёти йўлида ғоят муҳим қадам эканлигини эътироф этдилар.

Жумладан, АОКА директори Асаджон Ходжаев “Инсон ҳуқуқлари уйи” фаолияти йўлга қўйилганлиги билан барчани қутлаб: "Инсон ҳуқуқлари бўйича Ўзбекистон Республикаси Миллий маркази, асосий вазифалари қаторида инсон ҳуқуқларини таъминлаш соҳасида амалга оширилаётган ислоҳотларнинг солномасини юритиш, фуқаролар ва илмий тадқиқотчиларга инсон ҳуқуқлари бўйича тизимлашган илмий-ҳуқуқий манбалардан фойдаланиш учун кенг имкониятлар яратиш масалалари бўйича масъул ҳисобланади", деди.

Инсон ҳуқуқлари бўйича Ўзбекистон Республикаси Миллий маркази, асосий вазифалари қаторида инсон ҳуқуқларини таъминлаш соҳасида амалга оширилаётган ислоҳотларнинг солномасини юритиш, фуқаролар ва илмий тадқиқотчиларга инсон ҳуқуқлари бўйича тизимлашган илмий-ҳуқуқий манбалардан фойдаланиш учун кенг имкониятлар яратиш масалалари бўйича ҳам масъул ҳисобланади, дея таъкидлади А.Ходжаев сўзи давомида.

Тантанали тадбир якунида меҳмонлар “Инсон ҳуқуқлари уйи”нинг фаолияти билан танишдилар.

Маълумот учун: тантанали тадбир 8 декабрь – Ўзбекистон Республикаси Конституцияси қабул қилинган кун ва 10 декабрь – Инсон ҳуқуқлари халқаро куни тимсолидаги иккита муҳим санага бағишланади.

Telegram |WhatsApp| Youtube | Facebook | Instagram | Медиабанк | Сайт

🔈 "Эътибор": АОКА томонидан суратга олинган илк дебют фильм премьераси бўлиб ўтди

Бугун Ахборот ва оммавий коммуникациялар агентлигида жамиятдаги энг долзарб муаммоларни ўзида акс эттирган, ҳаётий реал воқеалар асосида суратга олинган қисқа метражли "Эътибор" фильмининг премьераси ўтказилди.

📌Фильм премьерасида АОКА илк дебют фильмини тасвирга олишда яқиндан ёрдам берган ҳамкор ташкилотлар –

⏺Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази;

⏺Ўзбекистон Республикаси Миллий гвардияси;

⏺Ўзбекистон Республикаси Мактабгача ва мактаб таълими вазирлиги;

⏺Тошкент шаҳар Миллий гвардия бошқармаси;

⏺Шайхонтоҳур тумани 115-мактаб жамоаси ҳамда Агентлик ходимлари иштирок этди.

Тадбирда сўзга чиққанлар, бугунги глобаллашув, ахборий хуруж ва Интернет оммалашуви даврида ёшларнинг тарбияси, уларнинг ҳар томонлама соғлом камол топиши давлат сиёсати даражасида аҳамият касб этишини, бу борада ҳамкорликда тизимли ва изчил ишлар амалга оширилаётганини таъкидлашди.

Хусусан, "Эътибор" фильми ҳам ёшларни ташқи ёт ғоялардан, қабиҳ ниятли шахслар таъсиридан ва турли ҳуқуқбузарликлар содир этишилишидан ҳимоялашда самарали тарғибот воситаси бўлиб хизмат қилиши қайд этилди.

⚠️ Фильм омма учун мўлжалланган бўлиб, кенг жамоатчиликка тақдим этилади.

Маълумот учун: "Эътибор" фильми "Ўзбекистон Республикасида гиёҳвандлик ва наркожиноятларга қарши курашиш бўйича 2024-2028 йилларга мўлжалланган миллий стратегия" доирасида психотроп, таркибида кучли таъсир қилувчи дори воситалари ҳамда янги турдаги синтетик гиёҳвандлик моддаларининг айланишини олдини олиш ва барчани огоҳликка чақиришни назарда тутувчи МЕДИА-РЕЖА асосида суратга олинган.

Telegram |WhatsApp| Youtube | Facebook | Instagram | Медиабанк | Сайт

📢 3 декабрь, сешанба куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Халқаро илмий-маданий тадбирлардаги иштирок, амалга оширилган ишлар
⚫️Вақти: 10:00
⚫️Иштирок этади: Меҳрожиддин Умрзоқов, Ўзбекистон тарихи давлат музейи ахборот хизмати раҳбари
😉😉😉😉😉

⚫️Мавзу: “Бир миллион ўзбек дастурчиси” лойиҳасининг навбатдаги мавсумига старт берилиши, ёшлар учун замонавий касбларга йўналтирилган бепул онлайн курслар
⚫️Вақти: 12:00
⚫️Иштирок этади: Шерзод Аҳматов, Рақамли технологиялар вазирлиги ахборот хизмати раҳбари
😉😉😉😉😉

⚫️Мавзу: Тоғ-кон саноати ва геология вазирлиги тизимига аҳоли ва тадбиркорлардан келиб тушган мурожаатлар
⚫️Вақти: 14:00
⚫️Иштирок этади: Аброр Жамолов, Тоғ-кон саноати ва геология вазирлиги бошқарма бошлиғи
😉😉😉😉😉

Telegram | Youtube | Facebook | Instagram | Медиабанк | Сайт

❓ Болаларни зарарли ахборот ҳимоя қилиш Қонуни ижроси таъминланмоқда(ми)?

“Болаларни уларнинг соғлиғига зарар етказувчи ахборотдан ҳимоя қилиш тўғрисида”ги Ўзбекистон Қонуни ижросини мониторинг қилиш бўйича Болалар омбудсмани раҳбарлигидаги идораларо ишчи гуруҳининг навбатдаги йиғилиши ўтказилди.

Йиғилишда мамлакатимизда болаларни уларнинг соғлиғига зарар етказувчи ахборотдан ҳимоя қилишнинг реал ҳолати ҳамда бу борада масъул давлат органлари томонидан амалга оширилган ишлар муҳокама қилинди.

Қайд этилишича, 7 ёшдан 16 ёшгача бўлган 16 минг нафар ўқувчи болалар ўртасида ўтказилган сўровда ҳар 10 нафар боладан 8 таси бевосита ўз уйидан интернетга уланишини билдирган.

Идоралараро ишчи гуруҳ аъзоси АОКА Медиа-режалаштириш бўлими бошлиғи Улуғбек Курбанбаев тақдим этган маълумотларга кўра, жорий йилнинг ўтган даври мобайнида Ахборот ва оммавий коммуникациялар агентлиги томонидан Қонун талаблари бузилган ахборотларни бартараф этиш талаби билан 606 та хабарнома юборилган.

Шунингдек, мазкур йўналиш бўйича 5250 та ахборот ресурснинг идентификация маълумотлари тақиқланган ахборот мавжуд бўлган бутунжаҳон Интернет тармоғининг ахборот ресурслари реестрига киритилган.

Йиғилишда Қонун ижросини таъминлашдаги муаммолар, улрни ҳал қилиш чора-тадбирлари ҳамда қонунчиликни такомиллаштириш бўйича таклифлар билдирилди.

Маълумот учун: Ишчи гуруҳ таркибида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Оила ва хотин-қизлар қўмитаси, Ўқувчиларни касб-ҳунарга йўналтириш ва психологик-педагогик республика ташхис маркази ва Болалар ташкилоти вакиллари фаолият кўрсатмоқда.

Telegram |WhatsApp| Youtube | Facebook | Instagram | Медиабанк | Сайт