O'zbekiston XDP Toshkent shahar kengashi

Deputat Sanjar Sobirjonov Hasanboy mahallasida fuqarolar bilan uchrashdi

📌 Xalq deputatlari Yunusobod tuman Kengashi deputati Sanjar Sobirjonov Hasanboy mahallasida bo‘lib, mahalla yettilik vakillari va fuqarolar bilan uchrashdi. Shuningdek, 354-sonli umumta’lim maktabida joylashgan saylov uchastkasi faoliyati bilan yaqindan tanishdi.

✔️ Uchrashuv davomida mahalla hududidagi ijtimoiy va infratuzilma bilan bog‘liq mavjud muammolar, jumladan, ichimlik suvi ta’minoti, yo‘llarni ta’mirlash, bolalar o‘yingohlari qurilishi va hududni obodonlashtirish masalalari muhokama qilindi. Fuqarolar tomonidan bildirilgan fikr va takliflar tinglanib, ularni bartaraf etish bo‘yicha aniq vazifalar belgilandi.

🤝 Mahalla yettiligining aholiga ko‘rsatayotgan yordami, murojaatlarni o‘rganishdagi sa’y-harakatlari hamda dolzarb masalalarning hal etilishidagi o‘rni va roli yuzasidan ham fikr almashildi. Uchrashuv ochiq muloqot ruhida o‘tkazildi.
__
🌐XDPPOYTAXT
Telegram | Facebook | Instagram

🏛 Xalq deputatlari Uchtepa tumani Kengashi deputati Qirg‘izboyev Abdug‘affor Karimjonovich o'z okrugidagi mahalla fuqarolar yig‘inlariga tashrif buyurdi.

Tashrif davomida deputat mahalla raislari va ularning xodimlari bilan uchrashib, mahalla aholisi yashash tarzi, ularning kundalik hayoti va dolzarb muammolari bilan yaqindan tanishdi. Suhbat davomida fuqarolarning murojaatlari eshitilib, mavjud muammolarni hal etish yuzasidan aniq chora-tadbirlar belgilandi.

📢 Tinchlikobod va Farxod mahallalarining e’lonlar taxtalariga deputat A.Qirg‘izboyevning fuqarolarni qabul qilish kunlari haqida xabarnoma joylashtirildi. Bu fuqarolarga o‘z muammolari bilan bevosita deputatga murojaat qilish imkoniyatini yaratadi.

📝Bundan tashqari deputat tomonidan fuqaro S.To‘raqulovaning universitet kontrakt to‘lovini kechiktirish bo'yicha murojaati ijobiy hal qilindi. M.Shamirzayeva esa doimiy ro‘yxat va ijtimoiy uy olish so'rovi bo'yicha tushuntirishlar berildi.
__
🌐XDPPOYTAXT
Telegram | Facebook | Instagram

Zakovat – bilimdon yoshlar maydoni!

Bugun Toshkent irrigatsiya va qishloq xo‘jaligini mexanizatsiyalash muhandislari institutida Oʻzbekiston Xalq demokratik partiyasi Toshkent shahar kengashi tomonidan “Siyosatdagi yoshlar” loyihasi doirasida navbatdagi Zakovat intellektual turniri bo‘lib o‘tdi.

Mazkur musobaqada poytaxtimizdagi turli oliygohlarning talaba-yoshlari ishtirok etdi. Turnir davomida jamoalar o‘z bilim va tezkor fikrlash qobilyatlarini namoyish etishdi. Savollar siyosat, madaniyat hamda mantiqiy tafakkurni talab qiluvchi yo‘nalishlarni o‘z ichiga oldi.

Qizg‘in bahslardan soʻng, yakunda 1-o‘rin Sharqshunoslik universitetining “Sharqshunoslar” jamoasiga nasib etdi! 2-oʻrin va 3-oʻrin esa Fan va texnilogiyalar universitetining La ca sa de papel va Shedevr jamoalari egalladi. Gʻolib va ishtirokchilarga partiya esdalik sovgʻlari topshirildi.
___
🌐XDPPOYTAXT
Telegram | Facebook | Instagram

Deputatlik faoliyati

🔹 Xalq deputatlari Yunusobod tuman Kengashi deputati D.Musaeva muntazam ravishda o‘z saylov okrugi hududida joylashgan mahalla fuqarolar yig‘inlariga tashrif buyurib, aholining turmush tarzini yaxshilash, ularni qiynayotgan muammolarni o‘rganish va hal etish borasida samarali ish olib bormoqda.

Xususan, mahallalarda mavjud bo‘lgan suv ta’minoti muammolari deputat tashabbusi bilan bartaraf etildi. Suv quvurlaridagi nosozliklar aniqlanib, mutasaddi tashkilotlar tomonidan ta’mirlash ishlari olib borildi.

Ijtimoiy himoyaga muhtoj oilalarni moddiy va ma’naviy qo‘llab-quvvatlash, ularning yashash sharoitlarini yaxshilash hamda uy-joylarni ta’mirlash maqsadida amaliy ishlar qilindi.

Har bir tashrif, uchrashuv va tashabbus deputatning xalq oldidagi mas’uliyatini aks ettiradi. Musaeva fuqarolar bilan ochiq va do‘stona muloqot olib boradi, ularning ishonchini oqlashga harakat qilmoqda.

___
🌐XDPPOYTAXT
Telegram | Facebook | Instagram