IIV Farg'ona akademik litseyi

Izoh: Yuqoridagi har bir bosqich “5” ballik tizimda baholanadi. Maxsus-professional tanlov bosqichlarining natijalarini qo`shib hisoblaganda nomzodning to`plagan ballari “9” balldan kam bo’lgan taqdirda, u Maxsus-professional tanlovdan o’tmagan hisoblanadi va test sinovlariga qo‘yilmaydi.

Maxsus-professional tanlovning bosqichlari qabul yilining 1-iyunidan 25-iyuniga qadar o‘tkaziladi.
Maxsus-professional tanlov natijalariga ko‘ra nomzodni test sinovlarini topshirishga qo‘yish masalasi hal etiladi.
Test sinovlari belgilangan tartib asosida O‘zbekiston Respublikasi Vazirlar Mahkamasi huzuridagi Davlat test markazi tomonidan O‘zbekiston Respublikasi taʼlim muassasalariga qabul qilish bo‘yicha davlat komissiyasi belgilagan muddatlarda o‘tkaziladi.
Test sinovlari o‘tkaziladigan umumtaʼlim fanlari bloki O‘zbekiston Respublikasi taʼlim muassasalariga qabul qilish bo‘yicha davlat komissiyasi tomonidan tasdiqlanadi.
Nomzodlar test sinovlarini o‘zlarining tanlovi bo‘yicha uchta: davlat tili, rus tili va qoraqalpoq tilining birida topshiradilar.

Test sinovlari quyidagi fanlardan bo‘lib o‘tadi:

1. Tarix
2. Chet tili
3. Ona tili va adabiyot

Izoh: Fanlarga beriladigan ballar Bilim va malakalarni baholash agentligi tomonidan belgilandi.

Test sinovlari natijalari O‘zbekiston Respublikasi Vazirlar Mahkamasi huzuridagi Davlat test markazi tomonidan O‘zbekiston Respublikasi taʼlim muassasalariga qabul qilish bo‘yicha Davlat komissiyasi belgilagan muddatlarda O‘zbekiston Respublikasi taʼlim muassasalariga qabul qilish bo‘yicha Davlat komissiyasiga hamda tegishli IIV akademik litseyi qabul komissiyasiga taqdim etiladi.
Test sinovlariga belgilangan muddatda kelmagan nomzodlar uchun takroriy test sinovlari o‘tkazilmaydi.

Mandat test natijalariga asosan eʼlon qilinadi. Maxsus-professional tanlov natijalari test natijalariga qo‘shilmaydi.

Izoh: Davlat test sinovlari natijasiga ko‘ra bir necha nomzodlarning o‘tish ballari teng bo‘lgan hollarda, ularning barchasi IIVning akademik litseylariga belgilangan kvotadan tashqari qabul qilinadi.
Akademik litseyga qizlar belgilangan kvotaning 10% miqdorida qabul qilinadi.
IIV akademik litseyiga O‘zbekiston Respublikasi taʼlim muassasalariga qabul qilish bo‘yicha Davlat komissiyasining qaroriga muvofiq, dastlabki va maxsus-professional tanlov natijalariga javob beradigan quyidagi nomzodlar imtiyoz asosida qabul qilinadi:

- Tegishli ixtisoslik fanlari bo‘yicha xalqaro olimpiadalar va fan olimpiadalarining respublika bosqichi, shuningdek, O‘zbekiston Respublikasi Xalq taʼlimi vazirligi, Madaniyat vazirligi hamda Jismoniy tarbiya va sport vazirligi tomonidan o‘tkaziladigan tanlovlar va musobaqalarda gʼolib bo‘lgan, O‘zbekiston Respublikasi Oliy va o‘rta maxsus taʼlim vazirligining O‘rta maxsus, kasb-hunar taʼlimi markazining belgilangan namunadagi guvohnomasiga ega bo‘lganlar;
- O‘z xizmat vazifalarini bajarish chog‘ida halok bo‘lgan harbiy xizmatchilar va huquqni muhofaza qilish organlari xodimlarining farzandlari.

O`ZBEKISTON RESPUBLIKASI ICHKI ISHLAR VAZIRLIGI
FARG‘ONA AKADEMIK LITSEYI


Manzil: Farg’ona shahar Farg’ona ko’chasi 20a-uy
Telefon raqamlar: 73-244-16-10
73-244-16-35

Akademik litsey haqidagi to`liq ma`lumotni https://t.me/OzR_iiv_fargona_akademik_litseyi rasmiy telegram kanalidan olish mumkin.

Q A B U L - 2025


O'zbekiston Respublikasi Prezidentining 2017- yil 16-avgustdagi PQ 3216–son “Ichki ishlar organlarining xodimlarini tayyorlash, qayta tayyorlash va malakasini oshirish tizimini tubdan takomillashtirish chora–tadbirlari to'g'risida”gi qaroriga asosan O‘zbekiston Respublikasi Ichki ishlar vazirligining Farg'ona akademik litseyi tashkil etilgan.
Vazirlar Mahkamasining 2017-yil 26- sentabrdagi 767-son “O'zbekiston Respublikasi Ichki ishlar vazirligi akademik litseylarining faoliyatini tashkil etish chora-tadbirlari to'g'risida”gi qaroriga muvofiq O'zbekiston Respublikasi Ichki ishlar vazirligi akademik litseylariga o'quvchilarni qabul qilish amalga oshiriladi.
2021-yil 28-iyuldagi 466-son qaroriga asosan IIV akademik litseylarida o‘qish muddati ikki yil etib belgilangan.
IIV akademik litseylariga umumtaʼlim muassasalarining 9-sinfini tamomlaganligi to'g'risida shahodatnomaga ega bo‘lgan, sog'ligi jihatidan o‘qishga yaroqli deb topilgan, dastlabki, maxsus–professional tanlov va test sinovlaridan muvaffaqiyatli o‘tgan nomzodlar o‘qishga qabul qilinadi.

O‘zbekiston Respublikasi Ichki ishlar vazirligi akademik litseylariga o‘quvchilarni qabul qilish quyidagi bosqichlarda amalga oshiriladi:

Dastlabki tanlov;
Maxsus-professional tanlov;
Test sinovi.

Dastlabki tanlov IIV akademik litseylariga o‘qishga kirish istagini bildirgan nomzodga tegishli hujjatlar va uni tavsiflovchi maʼlumotlarni o‘rganishni, tibbiy komissiya ko‘rigidan o‘tkazishni, nomzodning individual-psixologik xususiyatlarini o‘rganishni, yakka tartibdagi dastlabki suhbat o‘tkazishni, dastlabki tanlov yakuni bo‘yicha nomzodlarning shaxsiy hujjatlar yigʼma jildini va tanlov natijalarini o‘rganish hamda ularni maxsus-professional tanlovga qo‘yish masalasini hal etishni o‘z ichiga oladi.
IIV akademik litseylariga o‘qishga kirish uchun murojaat qilgan nomzodlarning kelgusida ichki ishlar organlarida xizmat olib borishi uchun sog‘ligi va ruhiy mosligi, barqaror ichki eʼtiqodi, intellektual va maʼnaviy-axloqiy salohiyatini aniqlash dastlabki tanlovning asosiy maqsadi hisoblanadi.

Dastlabki tanlovda quyidagilar amalga oshiriladi:

1. IIV akademik litseylariga o‘qishga kirish istagini bildirgan nomzodlar tomonidan taqdim etilgan hujjatlarni o‘rganish;
2. Yakka tartibda dastlabki suhbat o‘tkazish;
3.Nomzodlarning individual-psixologik xususiyat -larini o‘rganish;
4. Tibbiy komissiya ko‘rigidan o‘tkazish.

Аrizalar 2025-yilning 1-fevralidan 15-apreliga qadar qabul qilinadi (15-apreldan so‘ng arizalar qabul qilinmaydi).
2025-yilning 15-aprelidan 15-mayiga qadar nomzodlarning individual-psixologik ususiyatlarini o‘rganilishi va tibbiy komissiya ko‘rigidan o‘tkazilishi tashkil etiladi.
Dastlabki tanlov yakuni bo‘yicha nomzodlarning shaxsiy hujjatlar yigʼma jildini va tanlov natijalarini o‘rganish hamda ularni maxsus-professional tanlovga qo‘yish masalasini hal etiladi.

Maxsus-professional tanlov nomzodning orfografik va punktuatsion savodxonlik darajasini, umumjismoniy tayyorgarligini aniqlash bo‘yicha sinov va yakka tartibdagi yakuniy suhbat o‘tkazish hamda ularni test sinovlariga qo‘yish masalasini hal etishni o‘z ichiga oladi.
Nomzodlar bilan yakuniy suhbat o‘zbek, qoraqalpoq va rus tilida yakka tartibda o‘tkaziladi.

Maxsus-professional tanlov quyidagilardan iborat:

1. Nomzodning orfografik va punktuatsion savodxonlik darajasini aniqlash bo‘yicha sinov o‘tkazish (diktant);
2. Nomzodlarning jismoniy tayyorgarlik darajasini aniqlash bo‘yicha sinov o‘tkazish;
3. Yakka tartibdagi yakuniy suhbat o‘tkazish.