#премьера
Исмингдан ўтгану, ўт кетган жонга,
Олов аямаган бошдан оёғим.
Ерга малол бўлди, эриш осмонга,
Куйиб тугаётган юртда юрмоғим.
Муштумдек ишқ сабаб синган, сочилган,
Минг битта бўлакка бўлинган гардман.
Мен ўша Кумушга берилган оғу,
Тохирни сандиқда оқизган дардман.
Толдинга, меҳрнинг мўлидан толдинг,
Бўғзинга етдими ишқнинг сероби.
Севилмоқ гаштига ўрганиб қолдинг,
Ўзимга сийловдек ҳолим хароби.
Ичимда оловли дарёлар оқди,
Ишқингда Қақнусга айланганимга.
Сен эса шунчалар бахтиёр, сарҳуш,
Қиё ҳам боқмадинг қийналганимга!
Сен чиққан қоялар забардаст, мағрур,
Бошимдан тошларин тўкиб ўйнайди.
Сен билан ҳаловот нелиги унут,
Не ажаб, сенсиз ҳам яшаб бўлмайди!
Малика Тавфиқ
@Malika_Salimova_sheriyati
Исмингдан ўтгану, ўт кетган жонга,
Олов аямаган бошдан оёғим.
Ерга малол бўлди, эриш осмонга,
Куйиб тугаётган юртда юрмоғим.
Муштумдек ишқ сабаб синган, сочилган,
Минг битта бўлакка бўлинган гардман.
Мен ўша Кумушга берилган оғу,
Тохирни сандиқда оқизган дардман.
Толдинга, меҳрнинг мўлидан толдинг,
Бўғзинга етдими ишқнинг сероби.
Севилмоқ гаштига ўрганиб қолдинг,
Ўзимга сийловдек ҳолим хароби.
Ичимда оловли дарёлар оқди,
Ишқингда Қақнусга айланганимга.
Сен эса шунчалар бахтиёр, сарҳуш,
Қиё ҳам боқмадинг қийналганимга!
Сен чиққан қоялар забардаст, мағрур,
Бошимдан тошларин тўкиб ўйнайди.
Сен билан ҳаловот нелиги унут,
Не ажаб, сенсиз ҳам яшаб бўлмайди!
Малика Тавфиқ
@Malika_Salimova_sheriyati