Каракалпак 24

ТӘЛИМ КРЕДИТИ ҲАҚҚЫНДА ТОЛЫҚ МАҒЛИЎМАТ

✔️Кредит муғдары: 1-курслар ушын бир жыллық контракт муғдарына шекем ажыратылады.

Екинши ҳәм оннан жоқары курс студентлери ушын пәнлерди өзлестириўдиң орташа көрсеткиши "3" ден төмен болған жағдайда билимлендириў кредити төлем-контракт суммасының көби менен 80 проценти муғдарында ажыратылады (Социаллық қорғаўдың бирден-бир реестри"не киргизилген шаңарақлардың перзентлери буған кирмейди).

✅ Қайтарыў мүддети: оқыў мүддети (3, 4 ямаса 5 жыллық мүддет) тамамланганнан кейин жетинши айдан баслап 7 жыл мүддетке.

✅ Проценти: жигитлер ушын — Орайлық банктиң тийкарғы ставкасы муғдарында (ҳәзир 13,5% - 2024-жыл 10-сентябрь жағдайына);
Қызлар ушын - проценциз (0%);

✔️ Тийкарғы ставка өзгерсе: егер Орайлық банктиң тийкарғы ставкасы төменлесе, онда кредит проценти де төменлейди. Егер тийкарғы ставка көтерилсе, онда кредит проценти өзгермейди (ягный көтерилмейди).

✔️ Кимлерге бериледи:

✅ тек күндизги билимлендириў формасына
✅ бакалавр (соның ишинде екинши қәнигелик) ямаса магистрге
✅ төлемли-коньтракт тийкарында оқыўға кирген
✅ ямаса оқыўын көширген студентлерге бериледи.

✔️ Төмендегилерге берилмейди:

❌ супер-контракт ушын;
❌ сыртқы;
❌ кешки;
❌ аралықтан;
❌ арнаўлы сыртқы формалар ушын тәлим кредити берилмейди.

✔️ Қайсы ЖООлар ушын: тәлим кредити Өзбекстандағы мәмлекетлик, мәмлекетлик емес ямаса сырт ел:

✅ жоқары;
✅ орта арнаўлы;
Профессионал билимлендириў шөлкемлери ҳәм олардың филиаллары
✅ ямаса қоспа бағдарламада оқыўшы студентлерге бериледи.

❌ Сырт елде жайласқан ЖООларда оқыў ушын тәлим кредити берилмейди.

❌ HEMIS бағдарламасына жалғанбаған жеке меншик жоқары оқыў орынларының студентлерине тәлим кредити берилмейди.

✔️Кепиллик: кредит алыўшының турақлы дәрамат дерегине ийе болган шаңарақ агзалары (ата-анасы, ага-ини, апа-сиңлиси, ери яки ҳаялы) ямаса басқа үшинши шахслар билимлендириў кредити шәртнамасында биргеликте кредит алыўшы сипатында қатнасыўы мүмкин (ягний анық туўысқан болиўи шәрт емес).

✔️Кимлерге кепиллик талап етилмейди: "Социаллық қорғаўдың бирден-бир реестри"не кирген шаңарақлардың перзентлерине ажыратылатуғын билимлендириў кредити бойынша гиреў ҳәм кепиллик талап етилмейди.

✔️ Пуқаралық: тәлим кредити тек Өзбекстан пуқаралары ушын бериледи. Сырт ел пуқаралары ҳәм пуқаралығы болмаған шахсларға банклердиң өзи коммерциялық шәртлерде кредит бериўи мүмкин.

✔️Керекли ҳүжжетлер: банкке төмендеги ҳүжжетлер усынылады:

а) арза;
б) студент ҳәм билимлендириў мәкемеси арасындағы шәртнама (коньтракт);
д) кредиттиң қайтарылыўын тәмийинлеў бойынша ҳүжжет. Бунда "Социаллық қорғаўдың бирден-бир реестри"не кирген шаңарақлардың перзентлерине ажыратылатуғын билимлендириў кредити бойынша гиреў ҳәм кепиллик талап етилмейди;
е) "Социаллық қорғаўдың бирден-бир реестри"не киргизилгенлигин тастыйықлаўшы мағлыўматнама (егер бар болса);
ф) банктиң ишки ҳүжжетлеринде (сиясатында) белгиленген басқа ҳүжжетлер, соның ишинде, биргеликтеги кредит алыўшыға тийисли мағлыўмат ҳәм ҳүжжетлер.

✔️Арза көрип шығылыў ўақты: арза 5 жумыс күнинде көрип шығылыўы ҳәм кредит шәртнамасына қол қойылыўы керек. Егер бийкар етилсе бул ҳаққында студентке себеплери көрсетилген жуўап хаты бериледи.

✔️ Мүддетинен алдын қайтарыў: кредит алыўшы тәлим кредитин шәртнамада белгиленген мүддетлерден алдын қайтарыўға ҳақылы.

✔️ Арзаны қашан ҳәм қалай бериў керек: тәлим кредити алыў ушин арзаны бугин-ақ бериўиңиз мүмкин. Буның ушын әлбетте банкке барыўыңыз да шәрт емес, төмендеги 2 усыл арқалы онлайн арза жибериў де мүмкин:

1) https://talim-kredit.mf.uz сайты;
2) Бирден-бир портал арқалы (https://my.gov.uz/oz/service/677).

Банкке барыў мақул болса, онда бул вариантты да көриўиңиз мүмкин.

👉 @Karakalpak24