Yarovizatsiyalangan baraka urug‘lari – mo‘l hosil garovi
Sirdaryo viloyatiga ishchi tashrif bilan kelgan Qishloq xo‘jaligi vaziri Ibrohim Abdurahmonov tashrif dasturi doirasida Oqoltin tumanining “Mustaqil diyor” hududida joylashgan g‘alla dalasini ko‘zdan kechirdi.
Mazkur dala maydoni jami 16 gektarni tashkil etib, uning 8 gektariga yarovizatsiyalangan baraka urug‘lari, qolgan 8 gektariga esa an’anaviy usulda ekilgan urug‘lik bug‘doy donlari ekilgan.
Vazir soha mas’ullari va tadqiqotchi olimlar bilan birgalikda g‘allaning rivojlanish bosqichlarini tahlil qilib, turli usulda ekilgan baraka urug‘larining unib chiqishi hamda nihollarning rivojlanish jarayonini solishtirdi.
O‘rganishlar davomida yarovizatsiyadan o‘tkazilgan urug‘ ekilgan maydonda nihollarning unib chiqishi va rivojlanish sur’ati an’anaviy usulda ekilgan maydondagi o‘simliklarga nisbatan taxminan 10 kun oldinda ekani aniqlandi. Shu bilan birga, nihollar teng va baravаr yuqori o‘sayotgani qayd etildi.
Mutasaddilarning ma’lumotlariga ko‘ra, ushbu maydonda bug‘doyning “Andijon-2” superelita navi ekilgan bo‘lib, har ikkala maydonda ham bir xil agrotexnik tadbirlar bir vaqtning o‘zida amalga oshirilgan.
Dala sharoitida agrar soha xodimlari bilan o‘tkazilgan suhbat davomida vazir Ibrohim Abdurahmonov qishloq xo‘jaligida ilm-fan yutuqlari va innovatsiyalarni keng joriy etish muhimligini ta’kidlab, baraka urug‘larini yarovizatsiyadan o‘tkazib ekish usuli o‘z samarasini berayotganini alohida qayd etdi.
Shuningdek, mas’ullarga g‘alla maydonlarida belgilangan agrotexnik tadbirlarni o‘z vaqtida va samarali bajarish bo‘yicha tegishli topshiriqlar berildi.
Sirdaryo viloyatiga ishchi tashrif bilan kelgan Qishloq xo‘jaligi vaziri Ibrohim Abdurahmonov tashrif dasturi doirasida Oqoltin tumanining “Mustaqil diyor” hududida joylashgan g‘alla dalasini ko‘zdan kechirdi.
Mazkur dala maydoni jami 16 gektarni tashkil etib, uning 8 gektariga yarovizatsiyalangan baraka urug‘lari, qolgan 8 gektariga esa an’anaviy usulda ekilgan urug‘lik bug‘doy donlari ekilgan.
Vazir soha mas’ullari va tadqiqotchi olimlar bilan birgalikda g‘allaning rivojlanish bosqichlarini tahlil qilib, turli usulda ekilgan baraka urug‘larining unib chiqishi hamda nihollarning rivojlanish jarayonini solishtirdi.
O‘rganishlar davomida yarovizatsiyadan o‘tkazilgan urug‘ ekilgan maydonda nihollarning unib chiqishi va rivojlanish sur’ati an’anaviy usulda ekilgan maydondagi o‘simliklarga nisbatan taxminan 10 kun oldinda ekani aniqlandi. Shu bilan birga, nihollar teng va baravаr yuqori o‘sayotgani qayd etildi.
Mutasaddilarning ma’lumotlariga ko‘ra, ushbu maydonda bug‘doyning “Andijon-2” superelita navi ekilgan bo‘lib, har ikkala maydonda ham bir xil agrotexnik tadbirlar bir vaqtning o‘zida amalga oshirilgan.
Dala sharoitida agrar soha xodimlari bilan o‘tkazilgan suhbat davomida vazir Ibrohim Abdurahmonov qishloq xo‘jaligida ilm-fan yutuqlari va innovatsiyalarni keng joriy etish muhimligini ta’kidlab, baraka urug‘larini yarovizatsiyadan o‘tkazib ekish usuli o‘z samarasini berayotganini alohida qayd etdi.
Shuningdek, mas’ullarga g‘alla maydonlarida belgilangan agrotexnik tadbirlarni o‘z vaqtida va samarali bajarish bo‘yicha tegishli topshiriqlar berildi.