Ibrohim Abdurahmonov

Xorazm: sohada natijadorlikka erishish va samaradorlik taraqqiyot demak

📍Amaliy tashrif bilan Xorazm viloyatida bo‘lib turgan vazir Ibrohim Abdurahmonov rahbarligidaXonqa tumani Madaniyat uyi binosida viloyatda faoliyat olib boruvchi klaster, fermer va dehqon xo‘jaliklari rahbarlari, shuningdek, soha mas’ullari uchun seminar-trening tashkil etildi.

🗣Seminarda yangi agrotexnologiyalarni qo‘llash, dala chetlaridan unumli foydalanish, ariq va zovurlarni betonlashtirish, daraxt shoxlarini butlash orqali yuqori samaraga erishish masalalariga e’tibor qaratildi.

💬Zamonaviy ilmiy yondashuvlarni an’anaviy dehqonchilik uslubi bilan uyg‘unlashtirib, hosildorlikni oshirishga erishish mumkinligini ta’kidlashdi. Ammo buning uchun ilmga asoslangan holda vijdonan mehnat qilish zarur.

🔢Ishni tashkil etishda hudud ob-havo, tuproq va suv imkoniyatlariga alohida yondashish muhim. Vazir joriy yil 875,5 ming gektarga paxta ekish rejasini e’lon qilib, zamonaviy texnologiyalarni qo‘llash orqali mehnat qilish bugungi davr taqozosi ekanini urg‘uladi.

🟢Paxtachilikda yuqori samaraga erishish bir qator omillarga bog‘liq. Bu maqsadga erishish uchun har bir mas’ul joriy yilda urug‘larni 76/10 sxemada plyonka ostiga ekish va tomchilatib sug‘orish orqali mahsulot yetishtirishni tavsiya etdi.

ℹ️Vazir paxtachilikda "BT" g‘o‘za navlarini yetishtirish, kasallik va zararkunandalarga chidamlilikni boshqarish, mahalliy intensiv agrotexnologiyalarni joriy etish zarurligini ta’kidladi. Shuningdek, mahalliy va xorijiy g‘o‘za navlarini joylashtirishda e’tibor qaratilishi kerak bo‘lgan jihatlar ham ilmiy faktlar asosida tushuntirildi.

✅Paxtachilik, g‘allachilik va qishloq xo‘jaligi mahsulotlarini yetishtirishdagi asosiy ustuvor vazifalarga yana bir bor to‘xtalar ekan, har bir qishloq xo‘jaligi mutasaddilari agrar tarmoqning jonkuyarlari timsolida eng chekka hududlargacha yetib borib ishni to‘g‘ri tashkil qilishda bevosita ishtirok etishi lozimligini ta’kidlandi.

✍️Seminar-treningdan so‘ng, shu yerda fermer va klaster xo‘jaliklari vakillari uchun sayyor qabul tashkil etildi. Unda, fermerlar va dehqonlarning huquqlarini himoya qilish, ularning mehnat sharoitlarini yaxshilash, ishlab chiqarish samaradorligini oshirish va mavjud muammolarni hal etish bo‘yicha aniq tavsiyalar berildi.

💬Sayyor qabul davomida har bir muammo individual tarzda ko‘rib chiqilib, aniq va tizimli yondashuvlar orqali ko‘plab masalalar hal etildi.

📌Vazir, ishtirokchilarning barcha savollariga javob berar ekan, Davlatimiz rahbari tomonidan imzolangan yangi qaror va farmonlar fermerlar va dehqonlarning huquqlarini himoya qilish, mehnat sharoitlarini yaxshilash va samaradorlikni oshirishga xizmat qilishi bilan ahamiyatli ekanini qayd etib o‘tdi.

🌐Website 💬Telegram 💬Facebook 📺YouTube 📷Instagram

Qishloq xo‘jaligi texnikalari mavsum uchun shay holatga keltirilmoqda

📍Hududlarda agrar sohada olib borilayotgan ishlar bilan tanishish va 2025-yilgi ekin mavsumiga tayyorgarlik jarayonlarini ko‘zdan kechirish maqsadida Xorazm viloyatida ishchi tashrif bilan bo‘lib turgan qishloq xo‘jaligi vazirli Ibrohim Abdurahmonovning navbatdagi tashrif obyekti Xonqa tumanidagi “Xonqa MTP” MCHJ bo‘ldi.

💬Vazir mazkur maskanda 2025-yil hosili uchun qishloq xo‘jaligi texnikalarini ta’mirlash va mavsumga tayyorlash ishlarining borishi bilan tanishdi.

ℹ️Hozirda ushbu hududdagi texnikalar mavsumga tayyorlanmoqda. Traktorlar paxta urug‘larini 76/10 sxemada ekishga moslangan zamonaviy uskunalar bilan jihozlanayotgani va yerni tekislashda foydalaniladigan Barana texnikalarini shay holatga keltirish ishlari amalga oshirilayotgani hududdagi agrotexnik amaliyotlar samaradorligini oshirishga qaratilgan.

➡️O‘rganishlar davomida Xonqa tumanida umumiy hisobda 500 ta paxta tashishga mo‘ljallangan traktor tirkamasi mavjudligi, ularning 360 tasida davlat raqami borligi ma’lum bo‘ldi. Vazir mavjud holatdan kelib chiqib, zudlik bilan qolgan 140 ta tirkamaga o‘rnatilgan tartibda, qonunchilik tamoyillari asosida davlat raqami berish hamda mavsumga tayyor qilish borasida mas’ullarga topshiriqlar berib o‘tdi.

🔢Bundan tashqari barana, seyalka, umuman olganda ekish uchun zarur bo‘lgan barcha qismlarni shay holatga keltirish bo‘yicha topshiriq va tavsiyalar berib o‘tildi. 76/10 sxema asosida chigit ekiladigan dalalar uchun texnikalarni "Mirzacho‘l tajribasi" asosida moslash, ya’ni traktor diskalarini qirqish, payvandlash ishlarini shu yerning o‘zida tashkillashtirish masalalari bo‘yicha ham mas’ullarga alohida ko‘rsatmalar berib o‘tildi.

🔵Ma’lumki, paxta mavsumi texnik mashinalarning yuksak darajada shay bo‘lishini talab qiladi. Ushbu jarayon urug‘ ekishdan tortib, hosilni yig‘ib olishgacha bo‘lgan barcha bosqichlarni qamrab oladi.

🗣Bunday holatda texnikalarning ishonchli ishlashi va ularni o‘z vaqtida yangilash dolzarb vazifa hisoblanadi. Shu nuqtayi nazardan, vazir maskandagi ishlarni tezlashtirgan holda, mavsumga qadar shay holatda tayyorlash zarurligini ta’kidlab o‘tdi.

✅Aytish kerak, bugungi kunda har bir dehqon va fermer paxtachilik hamda g‘allachilikda yangicha yondashuvlarni, ilmiy nazariyalarni dala maydonlariga joriy etishda ushbu texnikalarning muhim ahamiyat kasb etishini anglamoqda.

🌐Website 💬Telegram 💬Facebook 📺YouTube 📷Instagram

Sara va sifatli urug’lik chigit karrasiga daromad deganidir

🌱Paxta bugun o’zbekistonlik fermerlarning daromad manbaiga aylangan desak xato bo’lmaydi. Yuqori va sifatli hosil olish uchun esa urug’lik chigitning sifati ham shunga yarasha bo’lishi kerak. Bir paytlar paxtadan 30-35 sentner hosil olingan bo’lsa, yurtimizda qishloq xo’jaligida erishilgan yutuqlar, paxtachilikdagi ishlanmalar hosilning karrasiga oshishiga turtki bo’lmoqda.

📍Xorazm viloyatida ishchi tashrif bilan bo’lib turgan Qishloq xo‘jaligi vaziri Ibrohim Abdurahmonov Xonqa tumanidagi “XORAZM BEST-SEEDS” MChJga qarashli urug’lik chigitni saralash va dorilash korxonasida olib borilayotgan ishlar bilan tanishdi.

🌀Xorazm viloyati 2025-yil hosili uchun jami 2 ming 261 tonna tindirilgan urug’lik chigit zaxirasi yaratilgan bo’lib, 43 ming gektar maydonga ekish uchun yetarli. Bundan tashqari joriy yilda mahalliy navlardan 1 ming 431 tonna urug’lik tayyorlash rejalashtirilgan bo’lib, ayni vaqtga qadar 60 foiz urug’lik tayyor. Shuningdek, 2025-yil uchun mahalliy sharoitda yetishtirilgan 500 tonna xorijiy urug’lik chigit ham tozalash, saralash jarayonida.

➡️Vazir I.Abdurahmonov korxona faoliyati bilan tanishar ekan, bu yerda mahalliy va xorijiy navlar zamonaviy lazer texnologiyalari asosida ishlov berilayotganining guvohi bo’ldi. Korxonada urug’lik chigit yuqori aniqlikdagi lazer texnologiyalari tomonidan tozalash-saralash, tuksizlantirish, kimyoviy ishlov berish asosida amalga oshiriladi.

💬Korxona faoliyati bilan tanishgan vazir I.Abdurahmonov fermerlarga taqdim etilayotgan urug’lik chigitni standartlarga muvofiq tayyorlash, unuvchanligi birdek bo’lishi uchun saralash jarayoniga jiddiy ahamiyat berish borasida o’z tavsiyalarini berib o’tdi.

🌐Website 💬Telegram 💬Facebook 📺YouTube 📷Instagram