O'zbekistonda autstaffing xizmatlarini ko‘rsatishga ruxsat berildi

Hukumat qarori bilan autstaffing (outstaffing) xizmatlarini ko‘rsatish tartibi tasdiqlandi.

Ma'lumot uchun, autstaffing xizmati autstaffer tomonidan o‘z xodimlarini ularning roziligi bilan boshqa tashkilotga mazkur xodimlarni vaqtincha yuborish yo‘li bilan ko‘rsatiladigan xizmat turi.

Unga ko'ra, ish beruvchi va xodimlarni vaqtincha ishga qabul qiluvchi tashkilotlarga qo‘yilayotgan majburiyatlar, bajarilishiga yo‘l qo‘yilmaydigan ishlar belgilianmoqda.

Shuningdek, autstafferlarga o‘z xodimlarini O‘zbekistondan tashqarida xizmat ko‘rsatishi uchun yuborishga ruxsat berilmaydi. Ish beruvchi qabul qiluvchi tashkilot bilan autstaffing shartnomasini tuzishi kerak. Unda zarur miqdordagi xodimlar soni va pulli xizmatlar aniq ko‘rsatilishi lozim.

To‘lov autstafferga qabul qiluvchi tashkilot tomonidan to‘lanadi va quyidagilarni o‘z ichiga oladi:

- xodimlar ish haqi, unga tenglashtirilgan boshqa to‘lovlar va nafaqalarni to‘lash uchun autstaffer xarajatlari;
- qo‘shimcha xarajatlar;
- autstafferning ko‘rsatilgan xizmat uchun tadbirkorlik daromadlari.

Autstaffing orqali xodimlarni qabul qiluvchi tashkilotga yuborish muddati bir yil davomida 9 oydan oshmasligi kerak.

Obuna bo'ling: @tangauzb