❄️ ❄️ ❄️ ❄️ ❄️ ❄️ ❄️

бир чиройли шеър...

Ketdingiz

Kecha muz ko‘nglimni eritib butkul,
Qajbimga bahorday kirib keldingiz.
Xali yuragim lov yonmasdan tugul,
Bugun indamasdan nega ketdingiz?
Nahot o‘ylamasdan men bechorani,
Jayron ko‘zlarimni yoshlab ketdingiz.
Chorasiz qoldirib men dilporani,
Quzg‘unlarga yolg‘iz tashlab ketdingiz.
Sizsiz dunyolarga sig‘masam netay,
Ko‘nglim huvillaydi, huvillar dunyo,
Mozorlarda daydib yuraman atay,
Ruhingiz soyasin topganday g‘o‘yo.
Kecha ikkimiz ham baxtdan sarmast, hush,
Yettinchi osmonda uchardik e, voh,
Nahot ko‘rganlarim bo‘lsa shirin tush,
Nahot visolingiz osmondan uzoq.
Yig‘ladim, yig‘ladim bir bora to‘yib,
Sizni izlab menday yig‘ladi bahor.
Samo yoshin to‘kdi ko‘zlarin o‘yib,
Sizsiz qolib ketdi bahor ham tanho.
Yomg‘ir yuvib ketdi izlaringizni,
Menga qo‘shilishib bo‘zladi armon.
Qanday unutayin ko‘zlaringizni,
Yolg‘iz xotirangiz dardimga darmon.
Kecha yuragimni bir bor suydirib,
Yeru samolarda birga uchdingiz.
Bugun kuygan jonim ming bor kuydirib,
Mensiz jannatlarni qanday quchdingiz?..

ZUHRAXON ABDULHAKIMXON qizi

@HASANvaZUHRA