ФУНЦИОНАЛ ҚАЙТ ҚИЛИШ

Бунда қуйидаги 3 хил ҳолатни бир-биридан ажратиб олишимиз керак бўлади:

1. ҚАЙТ ҚИЛИШ - мураккаб рефлектор жараён бўлиб, унинг амалга ошишида тананинг кўпгина гуруҳ мушаклари қатнашади (меъда, ингичка ичак, диафрагма, қорин бўшлиғи девори ва бошқалар). Қайт қилиш марказини ҳар-хил таъсиротлар қўзғатганлиги туфайли қусиш рефлекси пайдо бўлади.
2. РЕГУРГИТАЦИЯ - ошқозон ва қизилўнгачдаги овқатни қайтариб
чиқариш, ушбу ҳолатда фақат ошқозон мушаги иштирок этади.
3. РУНИНАЦИЯ - қизилўнгач ва оғиз бўшлиғидаги массани эмиш пайтида чиқариб юбориш. Иккинчи ва учинчи ҳолатлар бола 1ойлик вақтида кўп учрайди.

ЭТИОЛОГИЯСИ ВА ПАТОГЕНЕЗИ

∎ Томоқ-ҳалқум тизимининг анатомик тузилиши, турли хил туғма касалликлари;
∎ қизилўнгач перисталтикасидаги муаммолар;
∎меъда-ичак перисталтикасидаги муаммолар;
∎меъдадан эвакуациянинг секин бўлиши;
∎ пилороспазм.

КЛИНИКАСИ

Фунционал қайт қилишлардаги асосий клиник белги бу - қайт қилишдир. Ушбу ҳолатда қоринда оғриқ, ичакларда бузилишлар бўлмайди, қайт қилиш ҳам бошқа касалликлардаги каби оғир бўлмайди. Боланинг умумий аҳволи деярли ўзгаришсиз бўлади. Агар кўп қайт қилган бўлса, сувсизланиш
белгилари кузатилиши мумкин.

Яқинларга улашинг:
@Doctor_Azizov