BARCHINOY | qizlar jamoasi


Гео и язык канала: Узбекистан, Узбекский
Категория: Образование


Namangan zakovat klubi "Barchinoy" jamoasining kanali)
Ishtirok etmoqdamiz:
Ayollar ligasi;
Talabalar ligasi;
Professional liga;
Quizlarda "Opa-singil Bennetlar";
Oscar Quiz da "Backstreet girls";
QuizIQ va Vodiy Quizda "Alpomish" jamoasi tarkibidamiz❤️

Связанные каналы  |  Похожие каналы

Гео и язык канала
Узбекистан, Узбекский
Категория
Образование
Статистика
Фильтр публикаций


Mening shodligimsan, bolaligimsan,
Mening gʻussam oʻzing, mening armonim.
Seni osmonimga olib ketaman,
Yerda bizga kun yoʻq, kun yoʻqdir, jonim!..

Xato qildimmikan men erta kelib,
Yo sen adashdingmi kelib keyinmi?
Goho kimliging ham boʻlmaydi bilib,
Inim deymi seni, sevgilim deymi?

Ket, deb haydolmasam netaman,
Kel, deb aytolmasam netaman.
Seni osmonimga olib ketaman,
Seni osmonimga olib ketaman...

Oʻylamay deymanu oʻylamay boʻlmas,
Oʻtsang sen tomon bir boʻylamay boʻlmas.
Sen mening hammadan yashirgan sirim,
Mening ertagimsan, soʻylamay bo`lmas.

Ket, deb haydolmasam netaman,
Kel, deb aytolmasam netaman.
Seni osmonimga olib ketaman,
Seni osmonimga olib ketaman!..


Muhammad Yusuf


Mendan nima qolar
Ikki misra she'r...
🪶


Ezilib-ezilib yomgʻirlar yogʻdi,
Ezilib-ezilib ado boʻldi jon.
Kechani gohida chaqmoqlar yoqdi,
Gohida "oh" urding – oʻrtandi jahon.

Umrning qorongʻu koʻchalarida
Muhabbatu nafrat horgʻin kezindi.
Bahorning yomgʻirli kechalarida
Ezildi... ezildi... yurak ezildi.

Taqdirning beomon shiddat yomgʻiri
Aytar vidomizni aytdi tonggacha.
Endi bu yomgʻirning yoʻqdir oxiri –
Ezilib yigʻlaydi soʻnggi ongacha.

Soʻz kimga kerakdir? Lab ochmagin. Jim.
Taqdir soʻzga loyiq qoldirmadi sir –
Men ham yomgʻir kabi bir yogʻib oʻtdim,
Sen ham yomgʻir kabi yigʻlab oʻtding bir...


Usmon Azim


Oʻz qobigʻingdan chiqma, oʻzingni shu holingda hurmat qil. Yuraging va ruhiyatingni, ularga ehtiyoji yoʻq odamga tiqishtirma.

"Jeyn Eyr"
Sharlotta Bronte


— Qanday kitob oʻqiyabsiz?
— "Farengeyt boʻyicha 451 daraja"
— Farengeyt tomoq ogʻrigʻimidi?
— U faringit))

©️ Kvartiradagi opam bilan suhbatdan


#Suratlarda_tarix

"Osmono‘par bino cho‘qqisida tushlik"
– amerikalik fotograf Charlz Ebbets tomonidan olingan mashhur surat bo‘lib, u 1932-yilda Nyu-Yorkdagi RCA Buildings qurilishi vaqtida olingan.

BARCHINOY | qizlar jamoasi


#Old_facts

Vanitas (lotincha vanitas — behuda g‘urur, o‘tkinchilik) — Barokko davriga oid rassomlik janri bo‘lib, allegorik natyurmort hisoblanadi. Bu janrning markazida odatda insonning bosh suyagi, qum soati, globus, yonayotgan sham, qadimiy qo‘lyozma yoki inson hayotining o‘tkinchiligi va o‘lim bilan bog‘liq boshqa belgilar tasvirlanadi.

Vanitas janri memento mori (“o‘limni yodda tut”) falsafasi bilan chambarchas bog‘liq. Ushbu rasmlar tomoshabinni hayotning tez o‘tishi haqida o‘ylashga undab, ma’naviy qadriyatlarga e’tibor qaratishga chaqirgan.

Barchinoy | qizlar jamoasi


#Old_facts

Pugachyov qo‘zg‘oloni – bu 1773–1775-yillarda Yemelyan Pugachyov boshchiligida Rossiya imperiyasi hokimiyatiga qarshi bo‘lib o‘tgan xalq qo‘zg‘oloni. Bu Rossiya tarixidagi eng yirik dehqon qo‘zg‘olonlaridan biri hisoblanadi.

Qo‘zg‘olon dehqonlarning og‘ir ahvoli, soliqlarning oshishi va majburiyatlarning ko‘payishi natijasida kelib chiqqan.1773-yilda Pugachyov qo‘shin yig‘ib, hukumatga qarshi yurish boshlagan.Orenburg va Qozon kabi qal’alar bosib olingan. Pugachyov oʻzini Pyotr III deb e’lon qilgan va minglab odamlarni o‘ziga jalb qilgan.1774-yilda Pugachyov qo‘shinlari mag‘lubiyatga uchray boshlagan, oxir-oqibat u hukumat qo‘shinlariga topshirilgan.1775-yilda Pugachyov Moskvada qatl etilgan.

Pugachyov qo‘zg‘oloni Rossiyadagi so‘nggi yirik dehqon qo‘zg‘oloni bo‘lib, kelajakdagi inqiloblarning boshlanishi bo‘ldi.

BARCHINOY | qizlar jamoasi


#Asr_oshgan_asarlar⏳

"Kapitan qizi"
– Aleksandr Sergeyevich Pushkin tomonidan 1836-yilda yozilgan qissa. Asar 1773–1775-yillardagi Pugachyov qo‘zg‘oloni voqealariga asoslangan.

Asarning bosh qahramoni Pyotr Grinyov – dvoryan o‘g‘li bo‘lib, xizmat qilish uchun Belogorsk qal’asiga jo‘natiladi. U yerda qal’a qo‘mondoni kapitan Mironov, uning rafiqasi Vasilisa Yegorovna va qizi Mariya (Masha) Mironova bilan tanishadi. Pyotr Mashaga oshiq bo‘ladi, lekin bu sevgiga boshqa bir ofitser — Shvabrin to‘sqinlik qiladi.

Pushkin 1833-yilda tarixiy materiallarni o‘rganish uchun Orenburgga safar qiladi va Pugachyov qo‘zg‘oloni haqidagi hujjatlar bilan tanishadi.1836-yilda qissa "Sovremennik" jurnalida nashr etiladi.

BARCHINOY | qizlar jamoasi


Agar sen kunni qanday o'tkazishni bilmasang, uni bo'laklarga bo'l, har birini foydali bir mashg'ulot bilan to'ldir: har bir daqiqani bekor qo'yma, mana shu tartibning muntazamligini ta'minla. O'shanda kun qanchalik tez o'tganini sezmay qolasan, eng muhimi, afsuslanmaysan, o'tgan vaqtingga achinmaysan. O'shanda vaqtni maroqli o'tkazish uchun birovning ko'magiga ehtiyoj sezmaysan. O'zingga suhbatdosh axtarmaysan, darddosh, sirdosh izlamaysan — bir so'z bilan aytganda, o'zing xohlagan tarzda, mustaqil yashaysan.

"Jeyn Eyr"
Sharlotta Bronte


+ GTA da


Ular faqat PSda "yugurish"ni biladi))


Stadionga chiqib bir ikki krug yugurgan mashaqqatini bilgan odam bunday demaydiyoov)


Uyida oʻtirvolib: "oʻynashni bilmaydi, shunaqayam tepadimi, taktikasi yoʻq, professionalmas" deydigan ba'zi "erkak" larni oʻzini stadionga qóyvorsa nima boʻlarkina🤔


2:2


2:1


1:1


Erkinoooov


O'zbekiston 1:0 Eron


#Old_facts

Abbey Road – mashhur Ko‘cha va Albom

Abbey road – Londonning St. John's Wood tumanidagi ko‘cha bo‘lib, unda Abbey Road Studios joylashgan. The Beatles o‘zining eng mashhur qo‘shiqlaridan ko‘pini shu studiyada yozgan.

Abbey Road — bu The Beatles guruhining 1969-yilda chiqarilgan 11-studiya albomi. Bu guruhning eng mashhur albomlaridan biri bo‘lib, to‘rtala a’zo birgalikda yozgan oxirgi albom ham hisoblanadi. Albom muqovasida Abbey Road ko‘chasidagi piyodalar yo‘lakchasidan o‘tayotgan The Beatles a’zolari tasvirlangan.

Hozirda bu joy sayyohlar uchun diqqatga sazovor joylardan biri hisoblanadi. Ko‘p odamlar The Beatles albomi muqovasidagi sahnani takrorlash uchun shu yerga kelib, piyodalar o‘tish joyida suratga tushishadi.
2010-yilda ushbu piyodalar o‘tish joyi tarixiy meros ob'ekti sifatida himoya ostiga olingan.


BARCHINOY | qizlar jamoasi

Показано 20 последних публикаций.