#yangi_yil

Rektor Yangi yilni tunislik talabalarimiz bilan birga nishonladi

Andijon mashinasozlik instituti 3-son talabalar turar joyida joriy o‘quv yilida o‘qishga qabul qilingan tunislik talabalar ishtirokida Yangi yil bayrami ko‘tarinki ruhda nishonlandi.
Bayram tadbirida institut rektori Umid Turdialiyev ishtirok etib, talabalarni bayram bilan qutladi va ularga kirib kelayotgan yangi yil kattadan-katta muvaffaqiyat va zafarlar olib kelishini tiladi.
Bayram davomida turli bayramona tunis va o‘zbek milliy taomlari tayyorlanib, dasturxonga tortildi.
Xorijlik talabalar institut rahbariyati tomonidan yaratilayotgan imkoniyatlar va qo‘llab-quvvatlash uchun o‘z minnatdorliklarini bildirdilar. Shuningdek, talabalar rektorga o‘z rejalari haqida gapirib, ushbu institutda  ta’lim olish ularga o‘z salohiyatlarini to‘liq ochishga va belgilangan maqsadlarga ishonch bilan intilishga yordam berayotganini ta’kidladilar.
Kech oqshom talabalar uchun shahar bo‘ylab, kechki sayohat tashkil etildi.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube