🛡ADOLAT (huquqiy maʼlumotlar kanali)

@Adolat_huquq

Гео и язык канала: Узбекистан, Узбекский

Категория: Блоги

Adolat huquqiy maʼlumotlar kanalida oʻzingizga kerakli boʻlgan huquqiy hamda boshqa ma'lumotlarni olishingiz mumkin.
⚖️Fuqarolik huquqi
⚖️Jinoyat huquqi
⚖️Mehnat huquqi
⚖️Mamuriy huquq
⚖️Oila huquqi

Связанные каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

🛡ADOLAT (huquqiy maʼlumotlar kanali)

1 Mar, 17:50

Rasman: tabiiy gaz uchun isitish mavsumida belgilangan bazaviy meʼyor (500 kub) 1-aprelga qadar uzaytirildi

Xabaringiz bor, 1-mart sanasidan eʼtiboran mamlakatimizda isitish mavsumida tabiiy gaz uchun joriy qilingan 500 kubometrlik bazaviy meʼyor 100 kubometrga tushirilishi belgilangan edi.

Biroq mart oyida havo haroratining past boʻlishi, hatto ayrim kunlari kechasi va kunduzi harorat 0°C darajadan tushib, odatdagidan koʻra sovuqroq kelishi kutilayotgani, qolaversa, aholiga qulaylik yaratish maqsadida, Prezident topshirigʻiga muvofiq, Vazirlar Mahkamasining tegishli qarori bilan isitish mavsumi uchun belgilangan 500 kubometr bazaviy meʼyor 2025-yilning 1-apreligacha uzaytirildi.

MINENERGY.UZ

Tabiiy gaz uchun isitish mavsumida belgilangan bazaviy meʼyor 1-aprelga qadar uzaytirildi Xabaringiz bor, 1-mart sanasidan eʼtiboran mamlakatimizda isitish mavsumida tabiiy gaz uchun joriy qilingan 500 kubometrlik bazaviy meʼyor 100 kubometrga tushirilishi belgilangan edi. Biroq mart oyida havo ha...

12 0 0

🛡ADOLAT (huquqiy maʼlumotlar kanali)

27 Feb, 21:18

Репост из: GENERALISSIMUS

Шахсий ҳаёт дахлсизлиги қонун билан мустаҳкамланади

Олий Мажлис Қонунчилик палатаси депутати Шерзод Тўхташевнинг таъкидлашича, ҳар бир инсон шахсий ҳаёт дахлсизлиги, шахсий ва оилавий сирларини ҳимоя қилиш ҳуқуқига эга. Бу ҳуқуқ Конституцияда мустаҳкамланган бўлса-да, афсуски, баъзи ҳолларда бузиляпти. Масалан, фуқароларнинг шахсий маълумотлари оммага чиқарилиб, ижтимоий тармоқлар ва ОАВда муҳокама қилинишгача ҳам боряпти. Оқибатда одамлар ва уларнинг яқинларига маънавий зарар етиб, ҳатто оилалар бузилиб кетаётганини ҳам кўряпмиз.

Шунинг учун ҳам Олий суд ўз қонунчилик ташаббуси асосида ёпиқ суд мажлиси маълумотларини ошкор қилганлик учун жавобгарликни назарда тутувчи қонун лойиҳасини илгари сурди. Шерзод Тўхташевнинг фикрига кўра, қонун лойиҳаси фуқароларнинг конституциявий ҳуқуқларини янада мустаҳкамлашга хизмат қилади. Унга кўра, шахс ёпиқ суд мажлиси маълумотларини ошкор қилмаслик ҳақида огоҳлантирилган ва бу ҳақда мажбуриятни шахсан имзолаган тақдирдагина жавобгарлик чоралари қўлланади.

Депутатнинг айтишича, шахсий ҳаёт дахлсизлигини ҳимоя қилишга қаратилган бундай қонуний тартиблар халқаро амалиётда ҳам кенг қўлланади. Хусусан, Қирғизистон, Қозоғистон, АҚШ ва бошқа ривожланган давлатларда шунга ўхшаш жавобгарлик чоралари бор экан.

Қонун лойиҳаси Олий Мажлис Қонунчилик палатаси томонидан биринчи ўқишда қабул қилинибди.

@generalissimo_marshal

11 0 0

🛡ADOLAT (huquqiy maʼlumotlar kanali)

27 Feb, 18:07

2025-yil uchun Subsidiya olish uchun arizalarni qabul qilish 3-martdan boshlanadi

Ariza berish usuli 2 xil:
1. Yagona interaktiv davlat xizmatlari portali orqali — onlayn
2. Davlat xizmatlari markazlari orqali

Kimlar subsidiya olishi mumkin?
— 18 yoshdan 60 yoshgacha bo‘lgan O‘zbekiston fuqarolari.
— Daromadi Qoraqalpog‘iston va viloyatlarda MHTEKM (hozirda 1 150 000 so‘m)ning 2,7-8 baravari, Toshkent shahrida esa 2,7-9,2 baravari oralig‘ida bo‘lgan oilalar.

Qanday tekshiruvlardan o‘tiladi?
Subsidiya olishda 10 ga yaqin mustaqil tashkilot xulosa beradi:
— Tibbiyot birlashmasi – surunkali kasallik yoki nogironlikni tasdiqlaydi.
— Soliq inspeksiyasi – rasmiy daromadni tekshiradi.
— Oila va xotin-qizlar bo‘limi – ijtimoiy ahvoli og‘ir onalarni aniqlaydi.
— Hokimlik moliya bo‘limi – chekka hududlardagi mutaxassislarni belgilaydi.
— Mahalla bo‘limi – ijtimoiy jihatdan nochor oilalarni ro‘yxatga oladi.

2025-yildan subsidiya foiz kompensatsiyasi Markaziy bank stavkasidan(13.5%) oshgan qismiga to‘lanadi. Birlamchi bozordan kvartira uchun 30 mln so‘m subsidiya ajratiladi.

Ipoteka kreditiga davlat subsidiyasini olishga ariza berish

Fuqarolar uy-joy sotib olishga ipoteka kreditining boshlang‘ich badali va foizlarning bir qismini O‘zbekiston Respublikasi Davlat budjeti mablag‘lari hisobidan qoplab beriladi. Agar siz uy-joyga muhtoj fuqarolarni aniqlashning ijtimoiy mezonlariga mos kelsangiz, ushbu xizmat orqali ariza yuborishing...

12 0 0

🛡ADOLAT (huquqiy maʼlumotlar kanali)

27 Feb, 08:00

#savoljavob

Savol: Agar talaba ish topa olmasa, unga ham ishsizlik nafaqasi to‘lanadimi?

Javob: “Aholi bandligi to‘g‘risida”gi qonunning 45-moddasiga ko‘ra, taʼlim muassasalarida va tashkilotlarida ishlab chiqarishdan ajralgan holda tahsil olayotgan shaxslar, bundan taʼlimning sirtqi shaklida tahsil olayotganlar mustasno ishsiz deb eʼtirof etilmaydi.

12 0 0

🛡ADOLAT (huquqiy maʼlumotlar kanali)

26 Feb, 16:22

#qonun

Tuhmat qilishdan oldin yaxshilab oʻylab koʻring

Tuhmat — biror shaxsni obroʻsizlantirish maqsadida ataylab yolgʻon va uydirma gaplar tarqatish.

Xususan, Ma’muriy javobgarlik to‘g‘risidagi kodeksning 40-moddasiga ko’ra tuhmat qilgan shaxsga nisbatan 7 mln 500 ming so‘mdan 22 mln 500 ming so‘mgacha miqdorda jarima solinishi belgilangan.

12 0 0

🛡ADOLAT (huquqiy maʼlumotlar kanali)

26 Feb, 11:37

#savoljavob

Savol: Assalomu alaykum 16 yoshli qizga uylansa bo‘ladimi hamma rozi qizning oilasi ota onasi bolaning uyidagilari bolaning yoshi 22 da qarindoshlik aloqalari mavjud ikkala tomoning ham buvisi mazasi yoq og‘ir betob yoshlarni baxtini ko‘ray deb yuribdilar maslahat bersangiz ushbu holatda nikoh qursa bo‘ladimi

Javob: O‘zbekistonda nikoh yoshi 18 yosh hisoblanadi. Ayrim hollarda hokim qarori bilan nikoh yoshi 1 yilga kamaytirilishi mumkin. Shu sababli kelin kamida 17 yoshga kirishi kerak va hokimlik qarori bo‘lsa undan keyin nikoh tuzilishi mumkin bo‘ladi. Boshqa hollarda nikoh tuzish qonunga binoan javobgarlikka tortishga asos bo‘ladi.

13 0 0

🛡ADOLAT (huquqiy maʼlumotlar kanali)

25 Feb, 07:52

O‘zbekistonda “yo‘l bezoriligi” hamda drift qilganlik uchun javobgarlik belgilandi

Qonunga ko‘ra, quyidagi holatlar uchun ma'muriy javobgarlik belgilandi:

boshqa transport vositalarining harakatiga qasddan to‘sqinlik qilish;
harakatlanish burchagini va (yoki) tezligini saqlagan holda transport vositasini sababsiz sirpantirish (drift);
o‘z yo‘nalishida harakatlanish bo‘lagini sababsiz keskin ravishda uch va undan ortiq marta uzluksiz o‘zgartirish (bundan maxsus ajratilgan joylarda sodir etish mustasno);
yo‘l harakati ishtirokchilarining xavfsiz harakatlanishiga tahdid soluvchi yoxud transport vositasida yo‘l harakatining boshqa ishtirokchilariga nisbatan hurmatsizlikda ifodalangan boshqa xatti-harakatlarni namoyishkorona sodir etish.

Yuqoridagi qoidabuzarliklar uchun bazaviy hisoblash miqdorining 25 baravari (9 mln 375 ming so‘m) miqdorida jarima va (yoki) 1 yildan 2 yilgacha muddatga transport vositasini boshqarish huquqidan mahrum qilish nazarda tutilgan.

Xuddi shunday huquqbuzarlik transport vositalarini boshqarish huquqi bo‘lmagan yoki transport vositalarini boshqarish huquqidan mahrum etilgan shaxs tomonidan sodir etilgan bo‘lsa, bazaviy hisoblash miqdorining 50 baravari (18 mln 750 ming so‘m) miqdorida jarima yoki 15 sutkagacha ma’muriy qamoq jazosi tayinlanadi.

Shuningdek, yo‘l harakati xavfsizligiga tahdid soluvchi yoki avariya holatini keltirib chiqaruvchi guruh bo‘lib harakatlanishda qatnashgan transport vositalari haydovchilarining jarima miqdori BHMning 3 baravaridan 5 baravariga (1 mln 875 ming so‘m) oshirildi.

Mazkur qonun 21-fevraldan e'tiboran kuchga kirdi.

16 0 0

🛡ADOLAT (huquqiy maʼlumotlar kanali)

25 Feb, 06:34

#bilasizmi
Kimlarga benzini sotib olish xarajatlari qoplanadi?

VM-223-sonli qaroriga asosan:
— urush qatnashchilari va ularga tenglashtirilgan shaxslar;
— urush faxriylari va ularga tenglashtirilgan shaxslar;
— mehnatda mayib boʻlish va kasb kasalligi tufayli I va II guruh nogironlar;
— I va II guruh bolalikdan nogironlar.

Kompensatsiya olish uchun transport vositasiga ega bo‘lish va undan foydalanish talab qilinadi. Murojaatlar pensiya va nafaqa organlariga qilinadi.

15 0 0

🛡ADOLAT (huquqiy maʼlumotlar kanali)

23 Feb, 06:15

#savoljavob

Savol: Bolalar nafaqasi va moddiy yordam. Qancha to‘lanadi?

Javob: Hozirda bolalar nafaqasi miqdori oilada uch yoshgacha bo‘lgan bir bola uchun 325 000 so‘m. Eng birinchi farzand uch yoshdan katta bo‘lsa, unga 250 000 so‘m to‘lanadi. Ikkinchi farzandga ikki holatda ham 150 000 so‘mdan beriladi. Keyingi farzandlarning har biri uchun 100 000 so‘mdan qo‘shiladi. Moddiy yordam miqdori esa oyiga 380 000 so‘m.

504 0 2

🛡ADOLAT (huquqiy maʼlumotlar kanali)

23 Feb, 06:14

#savoljavob

Savol: Ijara shartnomasini tuzmasdan uy-joyni ijaraga berganlik uchun javobgarlik mavjudmi?

Javob: Ha! Bunday munosabatlarni tartibga solish maqsadida qonunchiligimizda aniq normalar belgilab qo‘yilgan. Xususan, Ma’muriy javobgarlik to‘g‘risidagi kodeksning 159-1-moddasida fuqarolar o‘rtasida turar joyni ijara shartnomasisiz ijaraga berganligi uchun aybdor shaxslarga nisbatan bazaviy hisoblash miqdorining 5 baravaridan 10 barovarigacha miqdorda jarima solishga sabab bo‘ladi.

18 0 0

🛡ADOLAT (huquqiy maʼlumotlar kanali)

21 Feb, 13:20

"Bola huquqlari kafolatlari" to‘g‘risidagi Qonunga qo‘shimcha va o‘zgartirishlar kiritildi.

Endilikda ota-onalar yoki ularning o‘rnini bosuvchi shaxslar farzandini diniy va axloqiy jihatdan tarbiyalash huquqiga egaligi, ular tomonidan o‘z bolasini qonunga xilof ravishda diniy ta’lim olishga jalb etishga, ya’ni bolani ro‘yxatdan o‘tkazilmagan yoki litsenziyaga ega bo‘lmagan tashkilotlarga O‘zbekiston bo‘yicha markaziy boshqaruv organining ruxsatisiz diniy ta’limni amalga oshirayotgan shaxslarga diniy ta’lim olish uchun topshirishga yo‘l qo‘yilmasligi belgilandi.

Mazkur huquqbuzarlik, BHMning 5 baravaridan 10 baravarigacha miqdorda jarima solinishiga, agarda takroran sodir etilsa BHMning 10 baravaridan 15 baravarigacha miqdorda jarima yoki 15 sutkagacha muddatga ma’muriy qamoqqa olishga sabab bo‘lishi belgilandi.

21 0 0

🛡ADOLAT (huquqiy maʼlumotlar kanali)

21 Feb, 10:19

Ikkinchi jahon urushi qatnashchilari va nogironlariga 10 000 AQSH dollari, urush qatnashchilariga tenglashtirilgan shaxslarga 25 mln so‘m, mehnat fronti faxriylariga 3 mln so‘m bir martalik mukofot beriladi – Prezident farmoni.

21 0 0

🛡ADOLAT (huquqiy maʼlumotlar kanali)

21 Feb, 08:18

#Qonunchilikdagi_yangiliklar

Jarima ballari 12 balldan oshsa haydovchi transport vositasini boshqarish huquqidan mahrum qilinadi
Qonun bilan, Ma'muriy javobgarlik to'g'risidagi kodeksiga kiritilgan qo'shimchalarga ko'ra, quyidagilar uchun ma'muriy javobgarlik belgilandi:

Yo'l harakati qoidabuzarliklari bo'yicha hisoblanadigan jarima ballari belgilangan miqdordan oshganligi uchun ma'muriy jazo qo'llanilishi;

Bunda:

Belgilangan huquqbuzarliklar sodir etilganligi uchun transport vositasining haydovchisiga nisbatan mazkur huquqbuzarliklarda nazarda tutilgan asosiy jazo bilan birga jarima ballari hisoblanadi. Bunda sodir etilgan har bir huquqbuzarlik uchun hisoblanadigan jarima balining eng yuqori miqdori 2 balldan oshmasligi kerak.

Jarima ballari belgilangan huquqbuzarliklardan biri birinchi marta sodir etilgan kundan e'tiboran bir yil davomida hisoblab boriladi. Ushbu moddaning birinchi qismida nazarda tutilgan huquqbuzarliklar uchun hisoblangan jarima ballari bir yil o'tgach transport vositasining haydovchisidan avtomatlashtirilgan tarzda yechiladi.

Hisoblangan jarima ballari bir yil davomida 12 balldan oshgan hollarda, oxirgi sodir etilgan huquqbuzarlik uchun belgilangan tartibda qo'shimcha jazo tariqasida haydovchi transport vositalarini boshqarish huquqidan mahrum qilinadi. Bunday huquqdan mahrum qilish muddati 6 oydan kam bo'lmasligi belgilandi.

Siqilgan tabiiy gazda, suyultirilgan neft gazida yoki dizel va gazsimon yoqilg'i aralashmasida ishlaydigan transport vositalaridan foydalanishda xavfsizlik qoidalarini buzganlik uchun;

Transport vositasida odam tashish qoidalarini buzganlik uchun;

Transport vositalarini quvib o'tish qoidalarini buzganlik uchun;

Yo'l bezoriligi uchun;

Huquqni muhofaza qiluvchi organlar xodimlarining foto- va (yoki) videotasvirini ularning obro'sizlantirilishiga olib keladigan tarzda buzib tarqatganlik uchun.

Huquqiy axborot | Lotin

#Qonunchilikdagi_yangiliklar ❗️Yo'l harakati ishtirokchilarining yo'l harakati qoidalariga qat'iy rioya etishi ta'minlanadi “Yo'l harakati xavfsizligi tizimi takomillashtirilishi munosabati bilan O'zbekiston Respublikasining Jinoyat, Jinoyat-prosessual kodekslariga hamda O'zbekiston Respublikasini...

23 0 0

🛡ADOLAT (huquqiy maʼlumotlar kanali)

18 Feb, 06:59

Intizomiy jazo choralarini qo‘llash tartibi bo’yicha yangilik…

#yangilik O‘zbekiston Respublikasining 13.02.2025 yildagi O‘RQ-1030-son "O'zbekiston Respublikasining Mehnat kodeksiga o'zgartirish va qo'shimchalar kiritish to'g'risida"gi Qonunning 1-moddasi 28-bandiga ko’ra, 313-modda ikkinchi qismining birinchi jumlasi quyidagi tahrirda bayon etildi https://lex.uz/pdfs/7380871 :

Ish beruvchi xodimdan intizomiy jazo chorasi qo’llanilguniga qadar, shu jumladan agar intizomiy qilmish xizmat tekshiruvi natijalariga ko’ra aniqlangan bo’lsa, yozma tushuntirishni talab qilishi shart ...

Oldingi tahrir: Ish beruvchi xodimdan intizomiy jazo chorasi qo‘llanilguniga qadar yozma tushuntirishni talab qilishi, shu jumladan, agar intizomiy qilmish xizmat tekshiruvi natijalariga ko‘ra aniqlangan bo‘lsa, talab qilishi shart ...

Mehnat huquqi

#qovuntushirish Mavzuni yana davom ettiramiz. Endi navbat MK 313-moddasi 2-qismiga: Ish beruvchi xodimdan intizomiy jazo chorasi qo‘llanilguniga qadar yozma tushuntirishni talab qilishi, shu jumladan, agar intizomiy qilmish xizmat tekshiruvi natijalariga ko‘ra aniqlangan bo‘lsa, talab qilishi shart....

25 0 0 1

🛡ADOLAT (huquqiy maʼlumotlar kanali)

17 Feb, 17:39

❗️O'zbekistonda tadbirkorlarga 12 turdagi litsenziya, ruxsat berish va xabarnoma olish talabi bekor bo'lishi kutilmoqda

O‘zbekistonda tadbirkorlar uchun 12 turdagi litsenziya, ruxsatnomalar va xabarnoma olish talabi bekor qilinishi mumkin. Qonun loyihasi birinchi o'qishda qabul qilingan.

Oliy Majlisda qabul qilingan qonun loyihasi bu jarayonlarni soddalashtirish va Davlat xizmatlari orqali ariza topshirish imkoniyatini kengaytirishni ko‘zda tutadi.

Loyiha doirasida 3 ta kodeks va 5 ta qonunga o‘zgartirishlar kiritish, 4 ta litsenziya va ruxsatnomani xabardor qilish tartibiga o‘tkazish, ayrim ruxsatnomalarni bekor qilish rejalashtirilgan. Bojxona kodeksidan ba’zi hujjatlar chiqarib tashlanadi, litsenziyalar esa birlashtiriladi.

Shuningdek, jarimalarning 50% qismini 15 kun ichida, 70% qismini esa 30 kun ichida to‘langanda, qolgan summadan ozod qilish mexanizmi joriy etiladi.

Oliy Majlis Qonunchilik palatasi

#Live 📎 Majlisda litsenziyalash, ruxsat berish va xabardor qilish tartib-taomillarini yanada takomillashtirishga qaratilgan qonun loyihasi birinchi o‘qishda ko‘rib chiqilmoqda. _______________________ 📎 На заседании концептуально в первом чтении рассматривается законопроект, направленный на дальн...

28 0 0 1

🛡ADOLAT (huquqiy maʼlumotlar kanali)

17 Feb, 14:27

"Aliment to‘lovlari" jamg‘armasi mablag‘lari hisobidan alimentni to‘lab berish shartlari nimalardan iborat ?

Vazirlar Mahkamasining 2022-yil 4-avgustdagi 427-sonli qaroriga ko‘ra, Majburiy ijro byurosida tashkil etilgan aliment to‘lovlari jamg‘armasi mablag‘lari – aliment to‘lamaganlik uchun jinoiy javobgarlikka tortilgan qarzdor tomonidan to‘lanmaganda yoki qarzdorning undiruv qaratilishi mumkin bo‘lgan mol-mulki mavjud bo‘lmaganda undiruvchilariga to‘lab beriladi.

Ya’ni, bundan ko‘rinib turibdiki, aliment mablag‘ini jamg‘arma mablag‘laridan qoplab berish uchun eng birinchi sharti qarzdor aliment to‘lamaganlik uchun jinoiy javobgarlikka tortilgan bo‘lishi kerak.

Ushbu holatdan boshqa vaziyatlarda aliment to‘lovlari aliment to‘lovlari jamg‘arma mablag‘laridan qoplab berilmaydi.

24 0 0 1

🛡ADOLAT (huquqiy maʼlumotlar kanali)

16 Feb, 18:41

Ubu, kimnidir haqorat qilishdan oldin yaxshilab o‘ylab ko‘ring! Har bir so‘zning og‘irligi bor.

Maʼmuriy javobgarlik toʻgʻrisidagi kodeksning 41-moddasiga ko'ra, haqorat qilgan shaxsga nisbatan 7 500 000 soʻmdan 15 000 000 soʻmgacha miqdorda jarima solinishi belgilangan. Agar ushbu huquqbuzarlik bir yil ichida takroran sodir etilsa huquqbuzarga nisbatan jinoiy javobgarlik belgilanadi(140-modda).

Jinoyat kodeksiga asosan haqorat qilgan shaxsga:
- 9 mln 375 ming soʻmgacha miqdorda jarima;
- 1 yilgacha axloq tuzatish ishlari;
- 3 oygacha muddatga qamoq bilan jazolanadi.

Haqorat qilish nashr qilish, boshqacha usulda koʻpaytirilgan matnda yoki OAV(internet)orqali amalga oshirilsa
- 9 mln 375 ming soʻmdan 18 mln 750 ming soʻmgacha jarima;
- 1 yildan 2 yilgacha axloq tuzatish ishlari bilan jazolanishi mumkin.
- 3 oydan 6 oygacha muddatga qamoq bilan jazolanadi.

21 0 0 1

🛡ADOLAT (huquqiy maʼlumotlar kanali)

16 Feb, 13:22

Репост из: Axborot xizmati rahbari | Sirojiddin Bozarov🇺🇿

ПФ-17.pdf

12.2Мб

⭕️⭕️⭕️⭕️
“Aholini ijtimoiy himoya qilish tizimini moliyalashtirish tartib-taomillarini takomillashtirish to‘g‘risida”gi Prezident Farmoni (PF-17-son) 30.01.2025-yil.

2025-yil 1-apreldan Kamabag‘al oilalar reestriga kiritilgan oilalar “Ijtimoiy daftarlar” jamg‘armalari orqali qo‘llab-quvvatlanadi:

— Ijtimoiy loyihalar uchun grantlar – Ayollar, yoshlar va ehtiyojmand oilalar uchun katta miqdorda mablag‘ ajratiladi.

— Nogironligi bo‘lgan yoshlarga yordam – transport xarajatlari qoplanadi.

— Sport va san’at bilan shug‘ullanayotgan yoshlarga qo‘llab-quvvatlash – maxsus kiyim-kechak va musiqa asboblari bilan ta’minlanadi.

— Favqulodda vaziyatlarda yordam – tabiiy ofatlar yoki boshqa halokatlar tufayli zarar ko‘rgan oilalarga moliyaviy yordam beriladi.

Bu dastur kamabag‘al oilalar hayotini yaxshilashga qaratilgan.

👉Obuna bo‘lish ⭐

17 0 0 1

🛡ADOLAT (huquqiy maʼlumotlar kanali)

15 Feb, 14:32

Talabalar yotoqxonasi to‘lovida kimlarga imtiyoz beriladi?

Javob: Imtiyozni oliy ta’lim muassasalari Kengashi belgilaydi. Bunda talaba yotoqxona to‘lovidan qisman yoki to'liq ozod etilishi mumkin.

Quyidagilar yotoqxona to‘lovidan to'liq ozod etiladi:
— ko‘z kasalliklari bo‘yicha 1-2-guruh nogironligi borlar;
— chin yetimlar (ota-onasining har ikkisi vafot etgan) va yetimlar (ota-onalaridan biri vafot etgan);
— mehribonlik uyi tarbiyalanuvchilari;
— ijtimoiy himoyaga muhtoj talabalar.

Quyidagilarga umumiy to‘lovdan 50 foiz chegirma beriladi:
umumiy kasalliklar bo‘yicha 2-guruh nogironligi borlar;
vazifasini namunali bajarayotgan talabalar Kengashi raisi, qavat sardori hamda yotoqxona kutubxonasi uchun mas’ul talabalar.

486 0 2

🛡ADOLAT (huquqiy maʼlumotlar kanali)

15 Feb, 11:43

#savoljavob

Savol: Davlat organlarining murojaatlarni ko‘rib chiqish muddati necha kundan iborat?

Javob: Ariza yoki shikoyat masalani mazmunan hal etishi shart bo‘lgan davlat organiga, tashkilotga yoki ularning mansabdor shaxsiga kelib tushgan kundan e’tiboran 15 kun ichida ko‘rib chiqiladi.

Qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda - 1 oygacha bo‘lgan muddatda ko‘rib chiqiladi.

22 0 0

Показано 20 последних публикаций.

55

подписчиков

Статистика канала

Язык сайта

Заработок с телеграм-канала

Деньги с телеграм-канала

Заработай на своём тг боте!

🛡ADOLAT (huquqiy maʼlumotlar kanali)

Гео и язык канала

Категория

55

Популярное в канале