GENERALISSIMUS

АСКУГ ақлли газ ҳисоблагичларининг батарейкаси ўтириб қолаётгани ҳақида

Энг қизиғи, батарейка алмаштирилганидан сўнг ҳисоб-китоблар кунма-кун эмас, маълумот узатилмаган кунлар учун жамлаб битта ойлик қилиб ҳисобланаётган, бунинг натижасида лимитдан ошиб кетилмоқда экан.

Менинг уйимдаги АСКУГ ҳисоблагичининг ҳам батарейкаси ўтирган. Ўн марталар айтдим алмаштиринглар, деб (Ҳаттоки «Ҳудудгазтаъминот» матбуот котибидан посвойски ёрдам сўрадим).

Самарқанд шаҳарнинг ўзида 25 мингта счётчик «ўтириб» қолганини айтишди. Манга ҳали-вери навбат келмаса керак.

Журналист Шуҳрат Шокиржонов

@generalissimo_marshal

Одамлар машинадан тўйинди, пул эса анча тортилган, кўриниши ғишт ёки буханка нонга ўхшаш машинани эса сотувга чиқаришдан чарчашмаяпти.

@generalissimo_marshal

Фарғонада бўлган портлаш фонида бир таклиф

Таклифим шундан иборатки, ҳозирги машиналарнинг аксарияти метан ёки пропан газ билан юради, уларга ўрнатилган газ балонларнинг ҳам яроқлилик муддати бор, бироқ аксарият машиналарда муддати ўтган бўлсада, шаҳарларимиз ичида "бомба" бўлиб юрибди. Ҳайдовчиларининг ўзида масъулияти йўқ.

Шуларни масъуллар назоратга олиб тафтишдан ўтказишни кучайтирсин. Айрим такси "Нексия-1"лар шалағи чиқиб кетган 1996 йилда чиққан бўлиб, қачон қай тартибда газ балони синовдан ўтган, билмаймиз.

Бундан ташқари, ёқилғи қуйиш шохобчаларини аҳоли пункти ва хизмат кўрсатиш объектларидан узоқроқда қуриш ҳам лозим.

@generalissimo_marshal

Яқинда БААга кириш қийинлашган эди, энди Россия ҳам шундай қилиши мумкин.

Кўп нарса фуқароларимизнинг билими, хулқ-атвори ва дунёқарашига боғлиқ бўлиб қолмоқда.

Тадбиркорларимиз учун сунъий тўсиқлар яратишмаса бўлди эди.

@generalissimo_marshal

Ўзбекистон Республикаси томонидан хорижий давлат судининг қарорини тан олиш ва ижрога қаратиш

Хорижий давлат судининг қарори ЖПКда белгиланган тартибда ва Ўзбекистон Республикасининг халқаро шартномаларига мувофиқ қуйидаги ҳолларда Ўзбекистон Республикасида тан олиниши ва ижрога қаратилиши мумкин:

1) хорижий давлатда озодликдан маҳрум этиш тарзидаги жазога ҳукм қилинган ва жазони ўтаётган Ўзбекистон Республикаси фуқароси — жазони Ўзбекистон Республикасида ўташни давом эттириш учун қабул қилиб олинганда;
2) хорижий давлат ҳудудида ақли норасолик ҳолатида ижтимоий хавфли қилмиш содир этган ёки ушбу қилмишни содир этганидан кейин руҳий ҳолатининг бузилиши юзага келган Ўзбекистон Республикаси фуқаросига нисбатан хорижий давлат судининг тиббий йўсиндаги мажбурлов чорасини қўллаш тўғрисидаги қарори мавжуд бўлса, — мажбурий даволашни Ўзбекистон Республикасида давом эттириш учун қабул қилиб олинганда;
3) хорижий давлат суди томонидан ҳукм қилиниб, жазони ўтамаган шахс хорижий давлат томонидан Ўзбекистон Республикасига ушлаб берилганда;
4) хорижий давлат суди томонидан ҳукм қилинган Ўзбекистон Республикаси фуқаросини хорижий давлатга ушлаб бериш рад этилганда;
5) Ўзбекистон Республикасининг халқаро шартномаларида назарда тутилган бошқа ҳолларда.

ЖПК 610-модда

@generalissimo_marshal

Пропан, метанни тақиқлаб, арзон ва сифатли бензин билан халқни таъминлаш имкони йўқми?

Имкони йўқ бўлса, ёқилғи қуйиш шохобчаларини аҳоли пунктидан узоқда қуриш имкони бордир?

@generalissimo_marshal

Раддия: Энергетика вазирлиги электромобилларни зарядлаш станцияларини тармоқдан узиш бўйича ҳеч қандай топшириқ бермаган. Ижтимоий тармоқларда тарқатилган хабарлар мутлақо асоссиз

Бугун бир қатор ижтимоий тармоқлар ва ахборот сайтларида электромобилларни қувватлаш станциялари ҳеч қандай ҳуқуқий асос кўрсатилмаган ҳолда ўчириб қўйилаётгани ҳақида хабар тарқалди. Айтилишича, қувватлаш станцияларини электрдан узиш бўйича вазирлик топшириқ берган.

Ўзбекистон Республикаси Энергетика вазирлиги мазкур хабар ҳақиқатга тўғри келмаслигини маълум қилади. Таъкидлаш керакки, айни пайтда мамлакатимизда генерация, яъни электр энергияси ишлаб чиқариш бўйича ҳеч қандай муаммо йўқ. Ишлаб чиқарилаётган электр энергияси эса ўз эҳтиёжимизни тўлиқ қоплашга етади.

Энергетика вазирлиги қувватлаш станцияларини тармоқдан узиш бўйича топшириқ бермаган.

Шуни алоҳида айтиш керакки, Энергетика вазирлиги экологиямизни асрашга катта ҳисса қўшадиган электромобилларни Ўзбекистонда оммалаштириш тарафдори.

Шу ўринда электромобилларни қувватлаш станцияларини ўрнатган тадбиркорлик субъектларининг қонуний фаолиятларига тўсқинлик қилиш ҳолатларига дуч келсангиз, Энергетика вазирлигининг +99871-231-16-61 (ички 7037, 7046 ва 7057) рақамли "Ишонч телефонлари"га мурожаат қилишингизни сўраймиз.

@generalissimo_marshal

Тергов судьяси лавозими ташкил қилинди, лекин деган жойи бор....

Тергов судьяси томонидан процессуал қарорларга берилган санкциялар фақатгина апелляция инстанциясида, вилоят ва унга тенглаштирилган суд судялари томонидан якка тартибда кўриб чиқилиши назарда тутилмоқда.

Яъни, апелляция инстанциясининг ажрими узил-кесил. Бу дегани, қарор қатъий, шикоятга ўрин йўқ.

Мисол учун, тергов судьяси томонидан қамоққа олиш учун асоссиз равишда санкция берилди, бу қарор устидан фақатгина апелляция тартибида шикоят бера оласиз, апелляция ажрими устидан эса шикоят бера олмайсиз.

Менимча, Конституция даражасида кафолатланган шикоят қилиш ҳуқуқини фақатгина битта босқич орқали чеклаб қўйиш нафақат Конституцияга, балки халқаро қонунчиликка ҳам зид ҳисобланади.

❗Чунки, фуқароларнинг шикоят қилиш ҳуқуқи доимо кафолатланиши керак.

Адвокат Шоҳруҳ Мирзабеков

@generalissimo_marshal

Заҳарланиб вафот этганларнинг яқинлари БПни нотўғри маълумот тарқатганликда айбламоқда!

Бош прокуратура қонуний никоҳдан ўтмасдан яшаб келган деган келин-куёв “загс”дан ўтган бўлиб чиқди.

Марҳум куёвнинг акаси тақдим этган ҳужжатга кўра, келин-куёв жорий йилнинг 10 декабрь куни Пискент тумани ФҲДЁ бўлимидан қонуний никоҳдан ўтган. 14 декабрь куни эса никоҳ маросими бўлиб ўтган. Орадан бир кун ўтиб, 15 декабрь куни келин-куёв номаълум моддадан заҳарланиб вафот этган.

“Давлат идораси қандай қилиб ёлғон маълумот бериши мумкин. Уларга ишонадиган одамлар қанчалигини билмайдими? Тарқалган хабарларнинг изоҳларини ўқисангиз, ҳамма қонуний никоҳсиз яшагани учун шундай бўлган, деб ёзяпти. Ахборот бераётганда олдин ўрганиш керак эмасми? Шу ахборотни тарқатганлар устидан тегишли жойларга арз қиламиз”, дейди келин-куёвнинг яқинлари.

@generalissimo_marshal

Parkentdagi Lion Park hayvonot bog‘i xodimi sher qurboni bo‘ldi

Sherlar qafasdan park hovlisiga chiqib ketib, qorovulga tashlangan va yetkazilgan tan jarohatlari sababli qorovul voqea joyida vafot etgan.

Sherlar ushlanib, qafasga joylashtirilgan.

Prokuratura tomonidan mutaxassislar ishtirokida tekshirish harakatlari olib borilmoqda.

@generalissimo_marshal