Soʻnggi vaqtlarda oddiy harakat yoki qanaqadir ayyorlik bilan muvaffaqiyatga erishish haqida kitoblar va treninglar rosa moda boʻldi. Bitta kitob oʻqiysan yoki uch oylik treningga qatnaysan va muvaffaqiyatli insonga aylanasan.

Asaxiy Books da kitob tarjima qilganda ham mana shunaqa yolgʻon taassurot beradigan kitoblarni tarjima qilmaslikka harakat qilyapmiz. Asaxiy tarjima qilgan kitoblar odatda muvaffaqiyat yoki boy boʻlish uchun uzoq yoʻldan oʻtish, oʻz ustida ishlash, ilm izlash kerakligini koʻrsatadi.

Mavzuga qaytsak, odamni muvaffaqiyatli qilib qoʻyadigan alohida kitob yoki trening yoʻq. Muvaffaqiyat, bu xoh boy boʻlish, xoh sanʼat asari yaratish, xoh ilmiy kashfiyot qilish boʻlsin, u yillab qilingan mehnat natijasidir. Maqsad yoʻlida qattiq tartib, oʻz ustida doimiy ishlash va hissiy muvozanatgina qaysi sohada boʻlmasin bizga uzoq davom etadigan asosli natijalar olib kelishi mumkin.

Tartib, oʻz ustida doimiy ishlash va hissiy muvozanat.

@allaevuzb