Men prezident bo'lmoqchi emasman! Men ayol ekanligimni bilaman va menga ayollik shani toptalishi mumkin bo'lgan joyda ishlash to'g'ri kelmaydi.
Men islomiy davlat quraman deyayotganim yo'q
Tarixda eng rivojlangan davlat musulmon davlati bo'lganligi ham hammangizga ayon.
Men ham shunday dinimning ravnaqi yo'lida o'z hissamni qo'shmoqchiman xolos.
Buning uchun prezident bo'lish kerak emas!
Shunchaki sizdan harakat kerak xolos.
Ayol faqat uy ishlariga qarash uchun, nasl qoldirish uchun emas!
Haqiqiy musulmon ayoli: Ummatimizga haqiqiy solih va soliha farzandlarni tarbiyalaydigan;
Umr yo'ldoshi, farzandlari din va ilm ravnaqi yo'lida bo'lishini ta'minlashi, bu yo'lda bor kuchi bilan ko'makdosh, yelkadosh bo'lishi;
Kerak vaqtda to'g'ri yo'l-yo'riq ko'rsatishi, to'g'ri maslahat bera oladigan darajaga chiqishi;
O'zi ham o'rnak sifatida doim izlanishda bo'lishi kerak!
Xuddi Hadicha (r.a) onamiz kabi!
Hadicha (r.a) onamizning din ravnaqi yo'lida qilgan mehnatlarini sanasak sanog'iga yeta olmaymiz.
U kishining o'rni beqiyos!
Oldingi musulmon oilalarda qizlarning tarbiyasini, ilm olishini qattiq nazorat qilishgan.
Hozir esa "Qiz bola o'qib dunyo olib berarmidi" deydiganlar hali bor.
Hammani shunday demayman. Alhamdulillah fakultetimizda yigitlardan qizlar ko'proq. Bundan faqat xursand bo'laman.
Allohdan qizlarimizning Hadicha (r.a) onamiz kabi bo'lishlarini so'rayman!
Allohim ilmingizni ziyoda qilsin!©
Jasmin Anarabayeva
