Marketing va sotuv - farqi nimada?

Ko‘pchilik marketing va sotuvni bir narsa deb o‘ylaydi, lekin ular turli jarayonlardir. Marketing – bu mahsulot yoki xizmatga bo‘lgan talabni shakllantirish, mijozlarni jalb qilish va ularga qiziqish uyg‘otish jarayoni. Sotuv esa shu qiziqish bildirgan mijozlarni haqiqiy xaridorga aylantirishdir.

Agar marketing bo‘lmasa, mijozlar sizning mahsulotingiz haqida bilmaydi. Agar sotuv bo‘lmasa, mijozlar harakat qilmaydi va natijada daromad bo‘lmaydi.

Misol: Tasavvur qiling, siz yangi ochilgan kafe egasisiz.

✅ Marketing – Instagram va Telegram orqali mazali ovqatlaringizni ko‘rsatib va mijozlarga chegirmalar taklif qilib ularni jalb qilishdir.

✅ Sotuv – mijoz kafe eshigidan kirganida, uni offisiyantingiz yaxshi kutib olib eng yaxshi ovqatlaringizni sotish va unga yoqimli xizmat ko‘rsatishdir.

Nima uchun marketing va sotuv birga ishlashi kerak?

Ko‘plab kichik biznes egalari marketing yoki sotuvga alohida e’tibor beradi. Lekin haqiqiy natija olish uchun ikkalasini ham birga yo‘lga qo‘yish kerak.

▫️Agar faqat marketing qilsangiz, lekin mijozlarni sotib olishga undash bo‘lmasa, daromad bo‘lmaydi.
▫️Agar faqat sotuvga e’tibor bersangiz, lekin marketing bilan yangi mijozlarni jalb qilmasangiz, mijozlar bazasi torayib boradi.

Shuning uchun kuchli biznes qilish uchun marketing mijozlarni olib kelishi, sotuv esa ularni haqiqiy xaridorga aylantirishi kerak!

🔹🔸@msd_academy