Xushnudbek Xolmuhammad

Ertaga oxiratda jannat bozori quriladi; barcha u yerda amaliga koʻra nisbatini topadi. U yerga qancha sarmoya olib borsang shunchalik koʻp ne’matga noil boʻlasan. Agar birovni haqqini yegan boʻlsang, qoʻlingga uyalishdan boshqa narsa tegmaydi!

Umringni oʻtgan kunlari endi moziyda qoldi. Ketgan orqaga qaytib kelmaydi. Hech boʻlmasa qolgan uch-besh kuningni boʻlsa ham gʻanimat bilib, qadrini bil.

Agar oʻliklarning tili boʻlganda edi, yigʻlab-yigʻlab, baqirib-chaqirib shunday derdilar:
“ — Ey tirik inson! Tiling aylanyotgan ekan Janobi Allohni zikr qil! Lablaringni yumma! Bizning vaqtimiz gʻaflat bilan oʻtdi, sen biz kabi boʻlma! Hisobli boʻlgan nafaslaringni, Allohni zikri bilan ziynatlantir va bu hayotni fursat va gʻanimat bil!..”

Rosululloh sallollohu alayhi vasallam, vafot etgan solih moʻminlarning chekkan xasrat va pushaymonligini shunday ifoda buyuradilar: “Jannat ahli, boshqa hech narsaga emas, faqatgina, dunyoda Allohni zikr qilmasdan oʻtgan onlarga xasrat va nadomat chekadilar!”

Ajabo..! Jannatga kirolmaganlarning pushaymonligi qanday boʻladi?!.

Abu Bakr al-Varroq al-Balxiy dedi:
"Rajab oyi ekin oyidir, Sha’bon oyi esa ekilgan ekinni sug‘orish oyidir, Ramazon oyi esa ekin hosilini o‘rib olish oyidir."

U kishi yana dedilar:
"Rajab oyining misoli — shamolga, Sha’bon oyining misoli — bulutlarga, Ramazon oyining misoli esa yomg‘irga o‘xshaydi."

Ba’zilar aytadila:
"Yil daraxtga o‘xshaydi. Rajab oyi uning yaproq chiqarish kunlari, Sha’bon oyi shoxlar chiqarish kunlari, Ramazon oyi esa hosilini yig‘ib olish kunlaridir. Mo‘minlar esa o‘sha daraxtning hosilini yig‘uvchilardir."

👍@xushnudbek_xolmuhammad

⚡️Hofiz Juzjoniy rahimahulloh aytadilarki: "Bandaga yetgan saodatning alomatlaridan:
–Ibodatning unga oson, qulay bo‘lishi;
–Ishlarining sunnatga muvofiq kelishi;
–Salohiyat ahli bilan hamsuhbat bo‘lishi;
–Birodarlari bilan go‘zal ahloq ila muomalada bo‘lishi;
–Xalqqa yaxshiligi yetishi, ulashishi;
–Musulmonlarning ishlariga e’tiborli bo‘lishi;
–Vaqtga rioya qilishi, behuda o‘tkazmasligi",– dedilar.

⚡️"Al-e’tisom" kitobidan.

👍@xushnudbek_xolmuhammad

⚡️Manbalarda kelgan Abu Muoviya Hozim o'z ustozi A'mashni 20 yil, Imom Abu Hanifa ustozi Hammod Ibn Sulaymonni 18 yil lozim tutdi (vafotigacha),Nuaym Mujmir 20 yil Abu Hurayraning majlisjini,Nuaym ibn Isfahoniy 35-40 yil Imom Molikning majlisini lozim tutdi deb atalgan ''bir shayxni lozim tutish ya'ni taxassus bosqichi'' mana shu tartibda davom etadi.Ulamolar buni eng kamida 20 yil deyishgan.

1.To'gri ilm hosil boladi:
Talaba o'zi musatqil talim olsa kitoblarni noto'g'ri tushunadi,xatosi ko'payadi.Shayx(ustoz) huzurida esa xatosi kam bo'ladi.

2.Vaqtdan yutiladi.
Talaba tartibni o'zi qo'ysa fanlar orasidagi bog'liqlikni yoqotadi.
Qaysi fandan keyin nima o'qish keragligini bilmaydi va natijada chalkash ilm yuzaga keladi.Tartibni bilmaslik sababidan kitoblarni notog'ri tanlaydi va umri zoye bo'ladi.

3.Odob hosil bo'ladi.
Abu Is'hoq Huvayniy: ''Agar birort odobsiz tolibi ilm yoki voizni ko'rsang bilginki,uning shayxi kitob bo'ladi.Bir ustozni lozim tutmasdan, ilmni faqatgina kitobdan olgan bo'ladi'',deydilar.

4.Hikmat o'rganadi.
Ilm boshqa hikmat esa umuan boshqa narsa.Ya'ni, ilm ko'p bo'lib, inson uni qayerda qanday ishlatishni,qayerda nimani gapirib, qayerda nimani gapirmaslik kerakligini bilmasa,unga nisbatan ''hakiym'' deyilmaydi.

5.Tajriba olinadi.
Mohir shayx bir necha o'n yillik uzoq ta'lim faoliyatidagi tajribani sizga o'rgatadi.Tajriba esa kitobdan olinmaydi,ustozdan o'rganiladi.
Imom Navaviy aytadilar:''Minglab kitoblarni o'qigandan ko'ra,mohir ustoz bilan qilingan 1soatlik suhbat afzalroqdir''.Chunki u sizga kitoblarda topilmaydigan muhim narsalarni sizga o'rgatadi.

6.''Sanad'' paydo bo'ladi.
Bu sanad orqali avval salafarga keyin xalaflarga va ular orqali Rosulullohga bog'laniladi.Natijada esa ildizi baquvvat "ilm daraxti" yetiladi.Bu daraxt esa har qanday ''fitna zamonida'' sobit tura oladi, ''turli shamollar' unga ta'sir qilmaydi.