⚡️Allohim! Ushbu muborak kechada Senga yaqinlashishni istaganlar Senga yuzlanmoqda, maqsad qilganlar Sen tomonga intilmoqda, fazlu karaming va yaxshiliklaringni talab qilganlar umid qilmoqda. Ushbu kechada Sening maxsus in’omlaring, mukofotlaring, hadiyalaring va sovg‘alaring mavjuddir. Ularni Sen o‘z xohishing bilan istagan bandalaringga ato qilasan va Sendan bo'lgan inoyatga loyiq bo'lmaganlardan esa man qilasan.

Mana men Sening faqir bandang, Sen tomonga muhtoj holda yuzlangan va Sening fazlu karamingga umid qilgan holda iltijo qilmoqdaman.Agar Sen, ey Rabbim, ushbu kechada biron bir bandangga inoyat ko‘rsatsang va unga o‘z karamingdan hadya qilgan bo‘lsang u holda, ey Rabbim, Muhammad sollallohu alayhi va sallamga, uning oilasiga va sahobalariga salovot va salomlar yuborgin va menga ham o‘z karamingdan ulug‘ ne’matlaringni ato qilgin!"⚡️