➖➖ 🧠 ➖➖
Meni telefondan qutqaring ona
Go'dakman bilmayman menga ne afzal
Yig'lasam qo'limga ushlatib yana
Demang: berayapsan menga ko'p halal!
Meni telefondan qutqaring ona
Bilasizmi menga asli ne kerak?
O'ylaysiz telefon, berasiz: "mana..."
Men bilan gaplashing, o'qiylik ertak.
Meni telefondan qutqaring ona
Kelajagim uchun ushlating kitob.
Video o'yinlardan olmay tarbiya,
Siz o'rgating menga chiroyli odob.
Meni telefondan qutqaring, ona.
Peshonamga go'zal taqdirni yozing.
"Jim!" demang Hofizi Qur'onimsan deng,
Ayting : bunchalar ham go'zal ovozing!
Meni telefondan qutqaring, ona!
Menga bu dunyoni taniting, ona!
Menda uxlab yotar ne ne iste'dod...
Keling, o'shalarni uyg'oting ona...

Muallif:@dildora_abdukarimova

Manba: @Suratdagi_falsafa

https://t.me/+TmBQ0bDLN6EzMzEy