🗣️Pereyra juda xavfli, chunki u doim bosim o'tkazadi va hujumlarni ustalik bilan amalga oshiradi, qarshi hujumda esa u juda zo'r. Ankalaevga u bilan tik turib jang qilish juda qiyin bo'ladi. U jangni pastda o'tkazishni xohlaydi va ehtimol, bir necha marta teykdaun ham amalga oshiradi. Lekin u besh raund bardosh bera oladimi? Pereyra uning oyoqlariga zarba bera oladimi? Menimcha, ha. Ishonchim komilki, Aleks texnik jihatdan yetarlicha tayyorgarlikka ega, shuning uchun u Ankalaevning parterda bo‘g‘ish usuli (submission) bilan g'alaba qozonishiga yo‘l qo‘ymaydi va jangni davom ettiradi."

"Hatto agar Ankalaev uni ushlab tura olsa ham – buning uchun u yetarlicha yaxshi kurash va nazoratga ega – menimcha, u shunchaki ushlab turishga harakat qiladi, jangni muddatidan oldin yakunlashga emas. U submission usuli bilan g‘alaba qozonishi mumkin, lekin faqat Pereyra oyoqqa turayotib xato qilsa. Ammo Aleks Glover Teysheyra bilan shug‘ullanadi va men ishonamanki, u to‘g‘ri qarorlar qabul qiladi. U aqlli, bardoshli va sovuqqon jangchi, shuning uchun ham Magomed uchun parterda imkoniyat yaratish juda qiyin bo‘ladi."

"Bu jangda men Aleks Pereyraga pul tikaman – u nokaut yoki texnik nokaut bilan g‘alaba qozonadi. Uning janglarida bunday natijalar har doim ishonchli garov bo‘lib kelgan, ayniqsa, u favorit bo‘lsa. U jangni birdaniga yakunlashi mumkin, lekin men bu birinchi raundda sodir bo‘lishiga ishonmayman. Men uning texnik nokaut bilan g‘alabasini ikkinchi yoki uchinchi raundda ko'proq ehtimollik deb bilaman"!