doim ham tishingizning oqini koʻrsatib, tirjayib yashashingiz shart emas! xafa boʻling, qiynaling, dardlarni hujayra-hujayrangizgacha his qiling. kerak boʻlsa, yigʻlang. hoʻngrab-hoʻngrab yigʻlashingiz mumkin. muhimi olayotgan nafasingiz, hislaringiz, bosgan izlaringiz oʻzingizniki boʻlsin!
vaqti kelganda jangchi sifatida maydonda paydo boʻling. kurashing. sizning gʻoyalar, sizga tegishli boʻlganlarni himoya qiling. fikran kurashing. halol kurashing. shaxsiyatga loy chaplayman deb, qoʻlingizni iflos qilmang.
sof insoniy gʻoyalarni ilgari suring. qoʻrqmang. hayotga bir marotaba kelamiz. shunday ekan, yo nimadir qilishga ulgurib qolamiz, yo koʻpchilik kabi sharafsizlarcha oʻlib ketamiz.
baʼzan, shunchaki, jim boʻling. indamang. yonib ketsin. kuyib ketsin. eʼtiboringizni arzimas narsalarga, insonlarga qaratmang.
– istamaysizmi?
– «yoʻq!», – deng.
– yoʻnglingiz jiz etdimi?
– xayrixohlik bildiring.
baʼzan koʻrinmay keting. oʻzingizni pana-panalarga oling. zero, topa olishmasin. va zimdan kuzating. shunda, qadringizni va haqiqiy hamrohlaringiz kimlar ekanini bilib olasiz.
– nimani xohlayapsiz?
– oʻshani qiling.
hech boʻlmaganda, katta-katta orzular qiling. ularda yashang. birozgina, bir muddat baxtni tuying. har doim baxtdan sarxush boʻling, – demayman. shunchaki, kezi kelganda uni his qila oling.
oʻzgalarning hayotida yashamang. juda taqlidchi ham boʻlmang. chunki bora-bora oʻsha taqlid qilganingizning ayni oʻzi boʻlib qolishingiz mumkin. va yana kimlardir xususida hissiyotlarga berilib fikr bildirmang. ularning hayotiga burun suqmang.
xullas, oʻzingizdek yashang! menga ham ishonmang. yozgan safsatalarimga ham. shunchaki, oʻzingizga keraklisini oling.
Behzod yozdi
🦋 @zuhurot 🌟
