🖋 Xabaringiz bor, joriy yil 14-fevral kuni davlat rahbari ishtirokida yoshlar bilan o‘tkazilgan ochiq muloqotda bir qator muhim tashabbuslar ilgari surilgan edi. Ushbu tashabbuslarning huquqiy asosini mustahkamlash maqsadida 26-mart kuni PF-61-son Prezident farmoni qabul qilinib, tashkilotlar va rahbarlar zimmasiga aniq vazifalar yuklatildi.

💳 Shuningdek, 60, 61 va 62-son Prezident qarorlari imzolanib, yoshlarning bandligini ta’minlash, tadbirkorlik faoliyatini qo‘llab-quvvatlashga doir keng ko‘lamli imkoniyatlar yaratildi.

🆔 Mazkur yo‘nalishlar ijrosi va kelgusidagi rejalarni muhokama qilish maqsadida Mahallalarda yoshlar bilan ishlashni muvofiqlashtirish bo‘yicha Respublika komissiyasi yig‘ilishi o‘tkazildi. Unda vazirlik va idoralar vakillari, hokim o‘rinbosarlari hamda tegishli tashkilot rahbarlari ishtirok etdi.

🔎 Yig‘ilishda yoshlar jinoyatchiligini oldini olish, ishsiz yoshlarni rahbarlarga biriktirish, “Shijoat va g‘ayrat” harbiy-sport musobaqalari, “Talabalar bahori” festivali hamda yoshlar tadbirkorligini rivojlantirishga doir masalalar atroflicha muhokama qilindi.