Yon Daftarim

Los Angeles.

Biz yoqtirganlarga balo kelsa sinov, yoqtirmaganlarga jazo deb o'ylash noto'g'ri.

Bo'lar ish bo'ldi, albatta Allohning irodasi bilan. Lekin jazo yoki sinov ekani bizga qorong'u.

Shartlar kamaysa, sabablar ko'payadi

Savol bersangiz yoki tanqid qilsangiz, gapni boshqa tomonga aylantiradigan insonlarni kundalik hayotda uchratganingiz aniq. Bu narsa Whataboutism deyiladi.

Whataboutism texnikasi biror muammoni hal qilish o‘rniga e’tiborni boshqa mavzuga chalg‘itish uchun ishlatiladi. Tanqidga javoban, “Boshqalar-chi?”, “Boshqa joylarda ham shunday-ku?” kabi savollar bilan asosiy masaladan chalg‘itishga harakat qilinadi.

Misol:
Shaxs A: “Davlat X inson huquqlarini poymol qilmoqda.”
Shaxs B: “Davlat Y-chi? U yerda ham ahvol yomon-ku.”

Asosan chalg‘itish va noto‘g‘ri taqqoslash orqali bir noto‘g‘ri harakat boshqasining oqlanishiga bahona qilinadi.

Bunday texnikaga nisbatan qanday javob berish mumkin?

— “Bu haqiqat bo‘lishi mumkin, lekin birinchi muhokama qilayotgan masalamizga qaytaylik.”
— "Bu yerda whataboutism ishlatyapsiz. Keling, birinchi navbatda asl muammoni muhokama qilamiz”

Ushbu atama Sovuq urush davrida ommalashgan. Ayniqsa, Sovet Ittifoqining targ‘ibot mashinasi G‘arb davlatlari, xususan AQShning muammolarini ta’kidlab, o‘zlariga qaratilgan tanqidlardan chalg‘itishga uringan.

Xullas, shosha-pisha ergashib ketishdan avval, bildirilayotgan fikrlar qanchalik sog'lom yoki yo'q ekanini tekshirib olishni unutmang.

Kitob deganda faqat badiiy asarlarni tushunsangiz, uni o'qimayotganingizdan ortiq o'zingizni koyimang.

Boshqa foydaliroq ish bilan shug'ullanayotgan bo'lsangiz, shuning o'zi yetadi.

Yorugʻlik tezligi tovush tezligidan anchagina katta.

Balkim shu sabab insonlar ba’zida chiroyli koʻrinishadi, gapirib boshlagunlaricha. ~

“People aren’t good or bad. They’re good and bad.” ~ Leila Hormozi

Everyone carries both light and shadow - it’s what makes us human. Understanding this is the key to empathy.

We all have a dark side that we hide. Some have better control over it, some are just good at pretending, and some simply don't care.

Hammasi “lekin…” dan keyin boshlanadi

... Chunki ular bilan bir xil fikrlasak, ular bilan bir xil yashashimizga to'g'ri keladi.

Yoziqlarim haqida sun'iy intellektdan o'zim xohlagan izohlarni ololmay charchadim. U tabiiy baho bera olmaydi, nima bo'lganda ham qarshisidagi insonni xafa qilib qo'ymaslikka harakat qiladi. Achchiq-achchiq tanqid qilishga uncha usta emas.

Bu borada sizning, haqiqiy intellekt egalarining yordami kerak. Agar malollanmasangiz kanal haqidagi quyidagi savollarga batafsil javob bersangiz degandim. Albatta, shu yerdamisiz demak kanalning sifati yaxshilanishini ham xohlaysiz deb o'ylayman.

1. Fikrlarimni o'qiganda siz asosan qanday pozitsiyada bo'lasiz? Ularni qo'llab-quvvatlaysizmi yoki qarshi argumentlar hayolingizga keladimi?

2. Qaysi post sizga eng ma'qul keldi va qaysi birini umuman yoqtirmadingiz? Nega?

3. Postlar uzun bo'lganda sizga ma'noni tushunish qulaymi yoki qisqa?

4. Postlar uzun bo'lganda sizga yoqimliroqmi yoki qisqa?

5. Bir kanalni mutolaa qilishda undan aynan qanday mavzudagi fikrlarni kutishimiz ko'pincha aniq bo'ladi. Bu kanaldan ayan qanday mavzudagi postlar kutasiz? Qisqacha aytganda, bu kanalni nimasi uchun kuzatasiz?

6. Nega kanalni arxivlab tashlamagansiz? Agar arxivlangan bo'lsa, nega haligacha chiqib ketmadingiz?

Javoblarni istasangiz izohda, istasangiz anonim tarzda yuborishingiz mumkin:
https://t.me/QuestionUZ_Robot?start=62066246248

Oldindan rahmat)

San'at asarlaridagi ma'no — paradoks.

Asarni yaratgan rassom yoki yozuvchining asl maqsadini bilish muhim bo'lsa-da, ko'p hollarda asarning ma'nosi tomoshabin yoki o'quvchi tomonidan qayta talqin qilinadi. Bu shunday savollarni keltirib chiqaradi:

— O'zi ma'no nima uchun kerak? Agar asar o'z-o'zidan estetik yoki hissiy ta'sir ko'rsata olsa, u holda uni chuqur tushunishga harakat qilish qanchalik muhim?

— Kimning talqini haqiqiyroq? Asarning muallifi aytgan fikrmi yoki uni iste'mol qiluvchilar his qilgan narsa?

— Abadiy ma'no bormi? Zamon, madaniyat va ijtimoiy sharoitlar o'zgargani sari bir asarning ma'nosi ham o'zgarishi mumkinmi?

Bu paradoks san'atni yanada qiziqarli qiladi. Menimcha asarning qanchalik muvaffaqiyatli chiqqani — bu asarda qancha kuzatuvchi o'zini ko'ra olgani va shaxsiy ma'nolarini kashf eta olgani bilan o'lchansa yaxshi bo'ladi.

Shaxsiy xulosam: — Asardan tushunganing bu sening o'zliging, ba'zan muallifga buning umuman aloqasi yo'q.

Boshqalarning fikrlarini miyamizda davom ettirib, o'zimiz to'qib chiqargan hayollar bilan janjallashamiz.

Keling IELTS Reading qismidagi Ture/False/Not Given savol turi misolida tushuntiraman.

False javobi tanlanadi qachonki savolda berilgan ma'lumot bilan matndagi ma'lumot bir-biriga zid bo'lsa.

Not Given tanlanadi qachonki savoldagi ma'lumot matnda umuman bo'lmasa yoki to'liq keltirilmagan bo'lsa.

Ko'pchiligimiz Not Given ma'lumotlarni ham False sifatida qabul qilib, tushunmovchiliklar keltirib chiqaramiz.

Misol uchun kimdir sizga: "Qishloqda yaxshi qizlar ko'p" — desa, siz: "Nima endi, shaharlik qizlarning aybi shaharda tug'ilganimi?" - deb o'zingizning argumentlaringizni berib ketishingiz ayni tepada aytganim yanglish fikrlashga misol bo'ladi. Vaholanki, yuqoridagi gapda shaharlik qizlar haqida hech qanday fikr aytilmagan.

Suhbatdoshimiz aytayotgan so'zlari bilan nima ma'noni anglatmoqchi ekanini shu usulda o'zimizcha noto'g'ri tahmin qilamiz. Buning oldini olish uchun ko'ngilni keng qilib, yengilroq qabul qilish kerak yoki juda bo'lmaganda nima maqsadda bu gapni gapirganini so'rab aniqlashtirib olish kerak.

Twitterda aytganimdek, "Bu fikringiz orqali nima demoqchi edingiz?" - savoli bilan Twitterdagi 50% tortishuvlarning oldini olsa bo'ladi.

“Fargʻona qizi”, 1948-yil. Filmda millatimizga yot tushunchalar ochiq targʻib qilingan ekan.

1. Aholini qulday paxta terishga ruhlantirish.
2. Paranji tashlashni ma’qullash.
3. Ayol-erkak aralash spirtli ichimlik ichish.
4. Feminizm.
5. Oʻzbek oilasining barcha qadriyatlarini toptash.

Film bir qancha tanqidlarga uchragan deyishganda xursand boʻlishga ozgina shoshilibman. “Qizil Oʻzbekiston” gazetasidagi tanqidlardan birini qarang:

Filmda kolxozning rivojlanishida partiya tashkilotlari va qishloq kommunistlarining roli ko‘rsatilmagan. Shuningdek, komsomol brigadasiga rahbarlik qiluvchi partiya tashkiloti aks ettirilmagani „katta nuqson“ sifatida qayd etilgan.

Oʻlganning ustiga tepgan qilib shunday “kamchiliklar” ham topishgan ekan.

Xullas, ham ruhan ham jismonan qullikka majburlangan shunday davrlarda oʻzligini yoʻqotmagan xalqimizga ming rahmat.

Yon daftarim 4 yoshga to'ldi.

Daftarim qadri o'zim uchun kundan-kun, xabarma-xabar oshib ketyapti.

Hayolimga kelgan fikrlarni agar biror joyga yozmaganimda, hammasini shunchaki qo'ldan chiqarardim.

Yangi yilgacha 104 ta boʻlvolsak, bu yilgi plan bajariladi)

Haqiqiy jasorat bu - jonni fido qilish emas, balki u uchun yashash.

Istasak-istamasak bir kun baribir har birimizning jonimiz chiqadi, lekin hamma ham butun umrini bag'ishlolmaydi

Kimnidir tor fikrlashda ayblashga shoshilmang. Balki siz tushunish darajangizning shiftiga yetib qolgandursiz…