🕌🕌"Хазрати Усмон" жоме масжиди🕌🕌

Фазилатда тенгсиз Рамазон

Аллоҳ таоло Ўзининг ҳикмати олийсига кўра, халойиқни замон ва макон жиҳатидан бир-биридан афзал қилди. Баъзи маконларни бошқаларидан ва баъзи замонларни бошқаларидан фазилатли қилиб қўйди.
Ана шундай замонлардан бири бу – Рамазон. У ойлар ичида энг афзалидир. Аллоҳ таоло марҳамат қилади: «Рамазон ойи шундай ойки, унда Қуръон нозил қилинган. У одамлар учун ҳидоят, ҳидоятнинг баёнлари ва ҳақни ботилдан ажратувчи далилдир» (Бақара сураси, 185-оят).

@xazrati_usmon

🌙 РЎЗАНИНГ 8 ҲИКМАТИ

▫️1. Ихлос ва тақво

Рўза – Аллоҳ учун қилинган ибодатдир. Унда риё ва намойишкорлик бўлмайди, чунки рўза тутган одамни фақат Аллоҳ билади. Қуръонда бундай дейилган: “Эй иймон келтирганлар! Сиздан олдингиларга фарз қилинганидек, сизга ҳам рўза фарз қилинди. Шоядки, тақволи бўлсангиз!” (Бақара, 183).

▫️2. Сабр ва ирода кучини мустаҳкамлаш

Рўза инсонни нафсига қарши мустаҳкам қилиб, унинг иродасини кучайтиради. Очлик ва чанқоққа сабр қилиш орқали киши ҳаётдаги бошқа синовларга ҳам чидамли бўлади.

▫️3. Шукр ва қадриятни англаш

Инсон одатда неъматларнинг қадрини уни йўқотганда билади. Рўза тутиш орқали киши таом, сув ва бошқа неъматларнинг аҳамиятини ҳис қилади ва Аллоҳга шукр қилишни ўрганади.

▫️4. Ҳақиқий бойлик тақвода эканини тушуниш

Рўза тутган одам, хоҳ у бой ёки камбағал бўлсин, бир хил аҳволга тушади. Бу эса инсонга моддий бойликдан кўра маънавий бойлик муҳимроқ эканини кўрсатади.

▫️5. Соғлиқ ва тиббий фойдалари

Рўза организмни тозалайди, ҳазм тизимини дам олдириб, турли касалликлардан ҳимоя қилади. Илмий тадқиқотлар рўзанинг токсинларни йўқотишга ва метаболизмни яхшилашга ёрдам беришини кўрсатган.

▫️6. Рўза ва ижтимоий бирдамлик

Камбағаллар ва муҳтожларнинг аҳволини ҳис қилиш орқали инсонда меҳр-оқибат, хайрия ва закот бериш ҳисси уйғонади. Бу жамиятда ҳамдардлик ва бирдамликни мустаҳкамлайди.

▫️7. Дуоларнинг қабул бўлиши

Рўзадорнинг дуоси рад этилмайди, чунки у Аллоҳ учун сабр қилиб, унинг розилигини истаган ҳолда ибодат қилади. Расулуллоҳ соллаллоҳу алайҳи васаллам: “Учта одамнинг дуоси рад этилмайди: рўзадорнинг ифтор вақтидаги дуоси, одил подшоҳнинг дуоси ва мазлумнинг дуоси” (Имом Термизий ривояти).

▫️8. Руҳий покланиш

Рўза нафақат жисмоний, балки руҳий покланишдир. У инсонни гуноҳлардан тийишга, яхши хулқ-атворга, гуноҳ ва ёмонликлардан узоқлашишга ўргатади.

Рўза инсон ҳаётининг барча жабҳаларига ижобий таъсир кўрсатувчи улкан ибодатдир. У нафақат савобли амал, балки инсонни маънавий ва жисмоний жиҳатдан юксалтирувчи буюк ҳикматдир.

🤲 Аллоҳ барчамизга рўзанинг ҳақиқий ҳикматларини англаб, уни чуқур ҳис қилишни насиб этсин!

@xazrati_usmon

Қарз!

Муҳаммад ибн Абу Ҳотим раҳимаҳуллоҳ айтадилар:
Абу Абдуллоҳ Бухорийдан қарздор бир киши бор эди. Хабар келдики, у Омилга келибди. Биз ўшанда Фарбарда эдик. Шунда биз Абу Абдуллоҳга: Омилга бориб қарзингизни талаб қилиб олсангиз бўлар эди, дедик. Шунда Бухорий: йўқ уни қўрқитиб юборамиз, дедилар. Сўнгра қарздор киши биз турган Фарбарга келди деб эшитдик. Ундан чиқиб Хоразимга кетди. Биз Бухорийга: Омилнинг волийси Абу Салама Кушонийга айтинг, Хоразмга мактуб юборсин, қарзингизни олиб бериши учун, дедик. Агар мен уларга мактуб ёзсам, кейин улар ҳам мендан умидвор бўлиб қолади, мен ҳеч қачон динимни дунё учун сотмайман, дедилар. Ҳар қанча уринсак ҳам у кишини кўндира олмадик. Охири ўзимиз у кишига билдирмай султонга айтдик. У Хоразмга хат ёзди. Абу Абдуллоҳ бундан хабар топгач, жуда қаттиқ сиқилди ва: сизлар менга ўзимдан кўра шафқатлироқ бўлаолмайсизлар, дедилар ва мактуб ёзиб, биз юбортирган мактубни бекор қилишни сўрадилар. Шундан кейин Хоразимдаги баъзи биродарларига хат ёзиб, қарздор кишига ҳеч қандай ёмонлик қилмасликка, аксинча яхши муомалада бўлишликларини тайинладилар. Кейин қарздор киши Омилга қайтиб келди. Марвнинг чекка бир ноҳиясига боришни қасд қилди. У ерда тижоратчиларнинг йиғини бўлди. Султонга Имом Бухорий қарзини олиш учун қарздорнинг олдига боряпти деган хабар юборилди. Шунда султон қарздорга қаттиқ тегмоқчи бўлди. Аммо, Абу Абдуллоҳ буни истамадилар. Қарздор билан ҳар йили ўн дирҳамдан қарзини қайтаришга келишиб олишди. Қарзининг ҳаммаси йигирма беш минг дирҳам эди. Шу маблағдан бир дирҳами ҳам қайтмади.
("Шамоил Бухорий" китобидан)


Азизлар! Савоб ва ажр бўлсин, дўстларингизга ҳам улашинг.
Каналга аъзо бўлиш: 👇🏻👇🏻👇🏻
@xazrati_usmon

🌙 РАМАЗОН ОЙИ МУБОРАК БЎЛСИН!

🤲Аллоҳ таоло ушбу ойни барчамиз учун хайр-баракотли қилсин, бу ойда ҳаммамизни ‎ибодатда, зуҳду тақвода, тавбаю истиғфорда, зикру тасбеҳда бардавом айласин.

Муборак Рамазон ойини мўмин ‎бандалари учун бу дунёда қилинган барча гуноҳ ва хатоларига қалқон қилган, рўзани ‎Исломнинг фарз ибодатлари қаторига қўшган Аллоҳ таоло шу ойнинг ҳурматидан гуноҳларимизни мағфират ‎қилсин.

🌙✨🌟🌙✨🌟🌙✨🌟🌙✨🌟🌙

Яқинларингизга ҳам улашинг
👇👇👇👇👇👇👇👇

@xazrati_usmon