Mening dugonamga xalqaro ingliz tili sertifikatini maʼlum miqdordagi manfaat evaziga olib berishni vaʼda qilishmoqda. Shunday hollarda bu sertifikat qalbaki boʻlmasligini qanday tekshirish mumkin?
Agarda bu sertifikat haqiqiy deb topilmasa javobgar boʻlib qolmaydimi?
Maktabgacha va maktab taʼlimi vazirligining “Umumiy oʻrta taʼlim tizimida faoliyat yuritayotgan pedagog xodimlarga ustama belgilashda qoʻllaniladigan umumtaʼlim fanlari boʻyicha milliy va xalqaro tan olingan sertifikatlarning haqiqiyligini tasdiqlash toʻgʻrisida” 2024-yil 11-sentabr sanasida 301-son buyrugʻi tasdiqlangan.
Unga koʻra, Umumiy oʻrta taʼlim tizimida faoliyat yuritayotgan pedagog xodimlarga ustama belgilashda qoʻllaniladigan umumtaʼlim fanlari boʻyicha milliy va xalqaro tan olingan sertifikatlarning haqiqiyligini tekshirish boʻyicha ishchi guruh tarkibi tasdiqlangan va ishchi guruh tarkibida hududlar kesimida bir nafardan xodimlarni masʼul qilib belgilangan va ushbu xodimlarga xalqaro va milliy sertifikatlarni tekshirish imkoniyati Vazirlik tomonidan taqdim qilingan.
Shu bilan bir qatorda, Oʻzbekiston Respublikasi Mehnat kodeksining
278-moddasida “Mehnat nizolari yuzasidan mehnat nizolari komissiyasi chiqargan qaror, shuningdek sud chiqargan qaror asosida toʻlangan summalarni, basharti qaror xodimning bergan yolgʻon maʼlumotlariga yoki taqdim etgan soxta hujjatlariga asosan qabul qilingan boʻlib, pirovardida u nazorat tartibida bekor qilingan hollardagina, xodimdan qayta undirishga yoʻl qoʻyilishi” belgilangan.
Xususan, Jinoyat kodeksining 228-moddasida hujjatning qalbaki ekanligini bila turib, undan foydalanish bazaviy hisoblash miqdorining yigirma besh baravaridan ellik baravarigacha miqdorda jarima yoki uch yuz soatgacha majburiy jamoat ishlari yoki ikki yilgacha axloq tuzatish ishlari yoxud ikki yilgacha ozodlikni cheklash yoki ikki yilgacha ozodlikdan mahrum qilish bilan jazolanishi belgilangan.
Sizning dugonangiz ishonchiga kirish niyatida boʻlgan insonlarning aldoviga ishonib qolmasligi kerak.
Hozirda Vazirlik tomonidan ustama beriladigan barcha sertifikatlarni haqiqiyligini tekshirish imkoniyati mavjud ekanligini unutmasligingiz lozim!!!
Kanalga ulanish uchun: @xalqaro va milliy sertifikat)