Informatika va axborot texnologiya mutaxassislari uchun yangilik!!!

Oʻzbekiston Respublikasi Vazirlar Mahkamasining «Xalqaro IT-sertifikatlarga ega boʻlgan yosh mutaxassislarni ragʻbatlantirishga oid qoʻshimcha chora-tadbirlar toʻgʻrisida » 2024- yil 17-fevraldagi 95- son qaroriga asosan xorijiy tillarni bilish koʻnikmalarini oshirish va ragʻbatlantirish maqsadida IT-sertifikatlarga ega boʻlgan yoshlarning oʻqish hamda ushbu sertifikatlarni olish xarajatlarining 60 foizgacha boʻlgan qismini qoplab berish tartibi va ingliz tilida B2 va undan yuqori darajadagi sertifikatga ega boʻlgan yoshlarning xalqaro IT-sertifikatlar olish xarajatlarini toʻliq qoplab berish tartibi joriy etilmoqda.

Bunda,

-🗣Xalqaro IT-sertifikat berilgan sanadan boshlab 180 kalendar kun mobaynida mazkur sertifikatni olish xarajatlarini qoplab berishni soʻrab murojaat qilishi;

🗣xalqaro IT-sertifikat olish xarajatlarini toʻliq qoplash boʻyicha soʻrovnoma yuborish vaqtida ingliz tilini bilish darajasini belgilovchi sertifikatning amal qilish muddati tugamagan boʻlishi;

🗣 xalqaro IT-sertifikatlarni olish xarajatlarining 60 foizigacha boʻlgan qismini qoplab berishda ingliz tilini bilish darajasini belgilovchi sertifikat talab etilmasligi;

🗣xalqaro IT-sertifikatlar boshlangʻich darajada boʻlganda 30 foiz, oʻrta darajada boʻlganda 40 foiz hamda professional darajada boʻlganda 60 foiz miqdorda sarflangan xarajatlar qoplab berilishi;

🗣ingliz tili boʻyicha B2 va undan yuqori darajadagi hamda professional darajadagi xalqaro IT-sertifikatga ega boʻlgan yoshlarning xalqaro IT-sertifikatni olish xarajatlari toʻliq qoplab berilishi belgilangan.

Shuningdek, B2 darajadagi quyidagi sertifikatlar boʻlishi lozim:

1. International English Language Testing System (IELTS)
2. Test of English as a Foreign Language (TOEFL iBT)
3. Test of English as a Foreign Language (TOEFL iTP)
4. Cambridge Assessment English

Manba: https://lex.uz/docs/-6804166


Kanalga ulanish uchun: @xalqaro va milliy sertifikat