Ayni damda Surxondaryo viloyat Qurilish va uy-joy kommunal xo‘jaligi bosh boshqarmasi binosida mahalliy pudratchi korxonalarning xalqaro loyihalarda faol ishtirokini ta’minlash, yangi imkoniyatlar yaratish hamda xalqaro tajribalarni o‘rganishga qaratilgan seminar bo‘lib o‘tmoqda.

Tadbirda Yevropa tiklanish va taraqqiyot banki (YeTTB) loyihalarini muvofiqlashtirish boshqarmasi bosh mutaxassislari Azamat Gulyamov, Kemaljan Kilich, xaridlar bo‘limi mutaxassisi Botir Asadullaxodjayev hamda mahalliy pudratchi tashkilot rahbarlari ishtirok etishmoqda.

Seminar davomida YeTTB ishtirokidagi xalqaro tender savdolarida qatnashish qoidalari, tender hujjatlarini to‘g‘ri tayyorlash tartibi hamda qurilish sohasidagi boshqa dolzarb masalalar bo‘yicha batafsil ma’lumotlar taqdim etilmoqda.

Shuningdek, YeTTB ishtirokidagi “Oqtosh va Poshxurt yer osti suv manbalaridan suv quvuri qurish yo‘li bilan Surxondaryo viloyati Muzrabod tumanining suv ta’minotini yaxshilash” loyihasi haqida ham atroflicha ma’lumot berildi.

Telegram | Facebook | Instagram | YouTube | Web-site | Twitter