🟢Yer nazorati yo‘nalishda Kadastr agentligi Andijon viloyati boshqarmasi tomonidan olib borilgan tadbirlari davomida viloyatda 2024-yilda 7 235 ta holatda 383,4 gektar yer maydonlari o‘zboshimchalik bilan egallab olinish holatlari aniqlandi.
🟢Ushbu aniqlangan holatlarni bartaraf etish yuzasidan olib borilgan ishlar natijasida 6 457 ta yoki 89,2 foiz noqonuniy holat bartaraf etilib, yer maydonlari asl holiga qaytarildi.
🟢548 ta holat Sud tartibida ko‘rib chiqilishi uchun sud organlariga davo arizalari kiritilgan. 85 ta holatda aniqlangan yer qonunbuzilish holatlarida jinoyat alomatlari mavjud bo‘lganligi sababli huquqiy baho berish uchun Qo‘shma tartib asosida hujjatlar hududiy prokuratura organlariga taqdim etildi.
🟢Bundan tashqari, 2024-yil davomida 2 432 ta huquqbuzarlarga ma’muriy choralar rasmiylashtirildi.

🟢2024-yil davomida barcha manbalar orqali 806 ta murojaatlari kelib tushgan.
🟢Mazkur murojaatlarning 619 tasi ijobiy hal etilgan, 163 tasiga huquqiy tushuntirishlar berilgan, 9 ta murojaatlar belgilangan tartibda rad etilgan va 15 ta murojaatlar mutaxassislar tomonidan o‘rganish jarayonida.
🟢Korrupsiyaga qarshi kurashish sohasida 164 ta targ‘ibot tadbirlari o‘tkazildi. Shuningdek 2 marotaba televideniye, 87 marotaba ommaviy axborot vositalarida hamda 1 marotaba gazeta orqali korrupsiyaga qarshi kurashish mavzusida chiqishlar qilindi.

🟢Yakunlangan 2024-yil davomida yuridik va jismoniy shaxslar tomonidan kadastr pasporti shakllantirish yuzasidan kelib tushgan murojaatlarga asosan
73 ming 441 ta ko‘chmas mulk obyektlariga kadastr pasportlari rasmiylashtirildi.
🟢Shuningdek 71 ming 144 ta ko‘chmas mulk obyektlari bo‘yicha vujudga kelgan mulkiy huquqlari davlat ro‘yxatidan o‘tkazilishi ta’minlandi.
🟢Yakunlangan 2024-yil davomida viloyatda tadbirkorlik va shaharsozlik faoliyatini yuritish uchun 6 ming 118 ta bo‘sh yer uchastkalari “Yerelektron” avtomatlashtirilgan axborot tizimiga kiritildi. Natijada yil yakuniga qadar 3 ming 082 ta bo‘sh yer uchastkalari auksion savdolariga chiqarilishi ta’minlandi.

🟢O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risidagi Qonun ijrosi bo‘yicha xatlov ishlari Qonun kuchga kirgan sana yaniy 08.10.2024-yildan boshlab tasdiqlangan reja-jadvallar asosida olib borilmoqda.
🟢Qonun ijrosi yuzasidan jarayonlarga viloyatda 250 nafarga yaqin kadastr xodimlari safarbar qilingan bo‘lib, yil yakuniga qadar 8 573 ta ko‘chmas mulk obyektlari xatlovdan o‘tkazildi.
🟢Shuningdek 2024-yil davomida xatlovdan o‘tkazilgan 863 ta (bugungi kunga qadar 4 654 ta) ko‘chmas mulk obyektlarining xatlov jamlanmalari shakllantirilib, respublika ishchi guruhiga ko‘rib chiqish uchun taqdim etildi.
🟢Viloyatning barcha tuman shaharlarida xatlov ishlari davom etmoqda.