Консультациямга рўзғорнинг маъсулиятидан жуда чарчаган аёллар кўп келишади. Биласизми табиатан аёлга кўп зимма юкланганлиги учун хам, Аллох аёлларга кўп вазифаларни бир вақтнинг ўзида бажара олиш қобилиятини хам берган. Аммо доимий мияда минг хил вазифаларни ушлаб, хаммасига улгуришга харакат қилиш, уни рухан жуда чарчатади. Бу эса уни энергиясини тортиб олади. Бу эса натижада агрессивлик, тушкунлик ва қайғули холатга солиб қўяди. Буни олдини олиш учун оила аъзолари хаммаси ўз маъсулият зонасига эга бўлиши ва уни мустақил бажариши керак. Мустақил деганда, масалан эркак киши ахлатни хар куни ташлаб келишини олсак, у буни 2 хил йўл билан қилиши мумкин:
1) Ўзи буни бажариши кераклигини, бу уни маъсулиятида эканини хис этиб бажариш;
2) Яна аёл кишини челакни доимий назорат қилиб, унга эслатиш орқали.
Иккинчи айнан аёлни яна масъул шахсга айлантириб қўяди. Бунақа бўлиши керак эмас.

Бу видео орқали хамма ўз эслатмаларига эга бўлиб, катта инсон позициясида хамма нарсага муносабат билдириши кераклиги яхши кўрсатилган. Хулоса ўзингиздан.