Toyloq tuman hokimi Bahodir Bobonazarovning tuman ahliga Yangi yil bayrami tabrigi.
Qadrli tumandoshlar!
Xalqimiz 2024-yilni kuzatib, quvonchu tashvishlarini, erishgan yutuq va ayrim ulgurmagan ishlarini sarhisob etgan holda Yangi yil ostonasiga beg‘ubor orzu-umidlar bilan qadam qo‘ymoqda. Yangi yil aslida yangi quvonch, yangi shodlik va yangi istaklar ayyomidir.
Men sizlarni, sizlar orqali butun tumanimiz xalqini ushbu ulug‘ shodiyona, kirib kelayotgan 2025 yil bilan chin qalbimdan muborakbod etaman.
Shubhasiz, joriy yilimiz intihosini shukuronalik tuyg‘usi bilan kuzatishga haqlimiz. Fikrimiz dalilini esa yurtimizda hukm surayotgan tinchlik, xalqimiz farovonligi va davlatimiz iqtisodiyotining barqaror suratlarda o‘sayotganligi misolida ham ko‘rish mumkin.
Ortda qolgan 2024 yilda sizlar bilan birga salmoqli ishlarni amalga oshirdik. Tumanimizni ijtimoiy-iqtisodiy rivojlantirish dasturi asosida korxonalar, syexlar, zamonaviy infratuzilma tarmoqlari barpo etildi.
Yangi-yangi uy-joylar, bog‘cha va maktablar, shifoxonalar va sport maskanlari foydalanishga topshirilmoqda. Tadbirkorlik harakati, jumladan, xotin-qizlar va yoshlar tadbirkorligi jadal rivojlanmoqda.
Dehqon va fermerlarimiz fidokorona mehnat qilib, bu yil ham mo‘l hosil yetishtirdilar. Shahar va qishloqlarimiz kundan-kunga obod bo‘lib bormoqda.
Bilimdon va g‘ayratli yoshlarimiz katta-katta yutuqlari bilan xalqimizni yanada quvontirmoqda. Shu o‘rinda aytmoqchimanki, sportchimiz Sharfiddin Amriyev Bahraynda og‘ir atletika bo‘yicha o‘tkazilgan nufuzli musobaqada oltin medalni qo‘lga kiritib, jahon chempioni degan nomga sazovor bo‘ldi. Bu natija bizga chinakam bayram sovg‘asi bo‘ldi. Qolaversa, boshqa sohalarda ham ko‘plab yutuqlarga erishdik.
Ishonamanki, yangi — 2025 yilda ham o‘z nulloldimizga qo‘ygan ulkan maqsad hamda rejalardan og‘ishmasdan diyorimizni yanada obod va ko‘rkam qilish yo‘lida samarali mehnat qilamiz. Tadbirkorlik va xususiy mulkni qo‘llab-quvvatlash, ta’lim-tarbiya sifatini oshirish kabi ishlarni davom ettiramiz. Ehtiyojmand oilalar va yordamga muhtoj insonlarni himoya qilishga, aholi daromadlarini oshirishga e’tiborni yanada kuchaytiramiz. Xonadonlarimiz farishtasi bo‘lgan nuroniylar, opa-singillarimiz va yoshlarimizga g‘amxo‘rlik ko‘rsatish doimo bosh vazifalarimizdan biri bo‘lib qoladi.
Aziz va muhtaram do‘stlar!
Barchangizni Yangi yil bayrami bilan yana bir bor samimiy qutlayman. 2025 yil har bir yurtdoshimizga, har bir oilaga sihat-salomatlik, baxtu saodat va ulkan muvaffaqiyatlar olib kelsin!
Xalqimizning barcha orzu-niyatlari ushalsin!
Qadrli tumandoshlar!
Xalqimiz 2024-yilni kuzatib, quvonchu tashvishlarini, erishgan yutuq va ayrim ulgurmagan ishlarini sarhisob etgan holda Yangi yil ostonasiga beg‘ubor orzu-umidlar bilan qadam qo‘ymoqda. Yangi yil aslida yangi quvonch, yangi shodlik va yangi istaklar ayyomidir.
Men sizlarni, sizlar orqali butun tumanimiz xalqini ushbu ulug‘ shodiyona, kirib kelayotgan 2025 yil bilan chin qalbimdan muborakbod etaman.
Shubhasiz, joriy yilimiz intihosini shukuronalik tuyg‘usi bilan kuzatishga haqlimiz. Fikrimiz dalilini esa yurtimizda hukm surayotgan tinchlik, xalqimiz farovonligi va davlatimiz iqtisodiyotining barqaror suratlarda o‘sayotganligi misolida ham ko‘rish mumkin.
Ortda qolgan 2024 yilda sizlar bilan birga salmoqli ishlarni amalga oshirdik. Tumanimizni ijtimoiy-iqtisodiy rivojlantirish dasturi asosida korxonalar, syexlar, zamonaviy infratuzilma tarmoqlari barpo etildi.
Yangi-yangi uy-joylar, bog‘cha va maktablar, shifoxonalar va sport maskanlari foydalanishga topshirilmoqda. Tadbirkorlik harakati, jumladan, xotin-qizlar va yoshlar tadbirkorligi jadal rivojlanmoqda.
Dehqon va fermerlarimiz fidokorona mehnat qilib, bu yil ham mo‘l hosil yetishtirdilar. Shahar va qishloqlarimiz kundan-kunga obod bo‘lib bormoqda.
Bilimdon va g‘ayratli yoshlarimiz katta-katta yutuqlari bilan xalqimizni yanada quvontirmoqda. Shu o‘rinda aytmoqchimanki, sportchimiz Sharfiddin Amriyev Bahraynda og‘ir atletika bo‘yicha o‘tkazilgan nufuzli musobaqada oltin medalni qo‘lga kiritib, jahon chempioni degan nomga sazovor bo‘ldi. Bu natija bizga chinakam bayram sovg‘asi bo‘ldi. Qolaversa, boshqa sohalarda ham ko‘plab yutuqlarga erishdik.
Ishonamanki, yangi — 2025 yilda ham o‘z nulloldimizga qo‘ygan ulkan maqsad hamda rejalardan og‘ishmasdan diyorimizni yanada obod va ko‘rkam qilish yo‘lida samarali mehnat qilamiz. Tadbirkorlik va xususiy mulkni qo‘llab-quvvatlash, ta’lim-tarbiya sifatini oshirish kabi ishlarni davom ettiramiz. Ehtiyojmand oilalar va yordamga muhtoj insonlarni himoya qilishga, aholi daromadlarini oshirishga e’tiborni yanada kuchaytiramiz. Xonadonlarimiz farishtasi bo‘lgan nuroniylar, opa-singillarimiz va yoshlarimizga g‘amxo‘rlik ko‘rsatish doimo bosh vazifalarimizdan biri bo‘lib qoladi.
Aziz va muhtaram do‘stlar!
Barchangizni Yangi yil bayrami bilan yana bir bor samimiy qutlayman. 2025 yil har bir yurtdoshimizga, har bir oilaga sihat-salomatlik, baxtu saodat va ulkan muvaffaqiyatlar olib kelsin!
Xalqimizning barcha orzu-niyatlari ushalsin!