Toxirjon | Eslatma

#eslatma

O'zi haqida gapiruvchi erkak va boshqalar haqida gapiruvchi ayol kishidan uzoq bo'l!

#night_thoughts

Ustozimiz aytishardi:

“Majbur bo’lmaguningcha tayyor bo’lmaysan”

Tarovehga chiqadiganlarni nafslari sudrab chiqadi deb o’ylaymizmi?

Aksincha, ular nafslarini sudrab, majburlashadi.

To’g’ri oralarida nafslari bilan ibodatga shoshiladiganlari bor.

Lekin ular ham avval nafslarini sudrashgan, keyin nafslari ularni ibodatga tortadigan bo’lgan.

“Kuchim yetmaydi” deb vasvasaga tushayotgan bo’lsang, bilginki o’qiydigan 1 rakat namozni ham o’zingni kuching bilan o’qiy olmaysan!

Qachonki Allohni kuchi bilan bir ishni qilayotganingni his qilar ekansan, shunda uni oxiriga yetkaza olasan.

Seni kuching bu yerda hech kim. Har bir harakat U tomonidan ruxsat va kuch bilan yuzaga keladi.

Agar “kuchim yetmaydi” deyayotgan bo’lsang, demak sen hech narsaga yaramaydigan kuchingga tayanibsan, Uning kuchiga emas!

#eslatma

Moslashuvchan bo’l, lekin muhit o’zgargani bilan o’zingni o’zgartirma, aksincha muhitni moslab o’zgartir.

Daraxt 4 fasl o’tsa ham o’z ildizini o’zgartirmay, yuqoriga tomon o’sadi!

Laylining go’zalligini his qilish uchun, ko’rish uchun unga Majnunning ko’zi bilan boqish kerak

(Shayx Sa’diy, Guliston)

#feelings

Charchoq tushunchasi nisbiy.

Ba’zida charchab turib, quvvat olamiz.

Ba’zida charchamaganimiz uchun ham charchaymiz.

Yugurgan kishi haqiqiy charchoqdan keladigan energiyani biladi.

Ramazonda ham charchash halovatli va quvvatli!

Bu charchashni ko’p sog’ingandik!

Har yili Ramazonda qanday qilib ko’p ishlarga ulgurishimga hayron qolaman.

Har yili shu hayronligim yanada ziyoda bo’ladi.

Bu Ramazonni ham bizga barokatli qilsin!

#eslatma

Sabrsizliging tufayli, nohaqlik tufayli qo’pollik bilan tadbir qilsang, ishing hal bo’lar balki.

Lekin ishingi hal qilaman deb musulmonni qalbiga ozor berib qo’ysang, dunyoni yutib oxiratni yutqazibsan!

#eslatma

Daryo qirg'oqlari to'g'ri bo'lsa, to'g'ri oqadi,
Sening ham chegaralaring to'g'ri bo'lsa, va ulardan toshib chiqib ketmasang, manzilinga eson-omon, tiniq oqimda yetib borasan.

#night_thoughts

Yoki Himmatinga yarashasini qil, (undayi yo’q)
Yoki Niyatingga yarasha himmat va tavfiq so’ra!

Erkak kishisan - oson yo’l yo’q. Shunday ekan yoki qiyini tanlaysan yoki undan battar qiyinini!

Himmatdan so’z qoqasan, lekin Oliy Himmat zotlarning amallari so’zlaridan oldin ekanin unutasan.

Sattor sifatli Robbing bo’lmaganida, eng yaqinlaring ham senga “Hayf” deb yuz o’girishgan bo’lardi

Aqlingni tanibsanki, nafsing va niyatlaring o’rtasidagi jangdasan.

Qaysi biri yutishi esa, qaysi birini baquvvat oziqlantirishinga bog’liq!

Yigit kishiga zaifligi aytilganda, ichidagi o’t alanga oladi.

Erkakni himmati ozayganini ayollarni qalblari bilan mashg’ulligidan bilib olaver.

Yusuf a.s ning iffatini so’rab duo qil!

Yengib bo’lmaydigan kuching bor: Allohga tavakkal qilish!

Ishlatmaysanmi?

Bu safarda og’ir yukni ko’tarib o’tasan. Ruhiyat kamaring esa mahkam emas!

Kuchli ruhiyat esa zaif tanada bo’lmaydi!

Ruhiy ozuqa esa tafakkur bilan, ta’ammul bilan bo’ladi. Musulmonlarning meditatsiyasi bilan bo’ladi.

Ustozing aytgan gap esingdami: “Bir fazilatli odatni ushladingmi, umuman qo’yib yuborma!“

Shu kungacha, Fevralning 6 kunini temir do’stingga termilib o’tkazibsan. Barakallo! Shunaqa davom etsang, shaytonga dars beradigan mahorat sohibi bo’lasan.

Kim seni maqtasa ham yomonlasa ham ishonma. O’zing kimligingni o’zing bilasan. U bilan faqat sen biladigan siring borku.

Wakiylim senga kifoya qiladi!

#qisqa_eslatmalar

#eslatma #xulosalar

Ayblash oson!

Bir kishi bilan tortishib qoldim. Nima desa ham aybni undan qidirar edim. Xotiramda to'planib qolgan ayblarni sochib tashladim.

Ertasiga sahardan jazosini oldim. Tezda sababini qidiridim. Topdim - aslida ayb menda bo'la turib, boshqasini ayblarga ko'mib tashlabman.

Ayblash oson ekan. Biror marta ham ayb menda emasmikan deb o'ylamabman!

Hamma ham sen kabi o'z nafsi va maqsadlari o'rtasida kurashda qiynalmoqda.

O'zinga bog'liq noxush ishlarda boshqalarni ayblash oson!

Noxush voqealarda doim 2 xil bahona bo'ladi:
1. Narsa, voqea, taqdir, odamlar - AYBDOR!
2. Men - AYBDOR!

Boshqa narsalarni ayblash, mas'uliyatni soqit qilishning eng sodda usuli.

Lekin har bir ish uchun aybni o'ziga to'nkash - murakkab lekin tekin dars beradi.

Nozik qismi - o'zinga bog'liq bo'lgangina voqealarda aybni o'zingga to'nkashlikdir.
O'zinga ma'lum bo'lmagan ishlarda ham o'zingni ayblash seni Depressiyadan boshqa narsaga tushirmaydi.

Aslida kim aybdorliging farqi yo'q. Bo'lar ish bo'ldi. Lekin shundan ham foyda olish kerakku.

Boshqalarni ayblash oson, nafsga yoqadi, lekin bemas'uliyat qiladi.
O'zingni ayblash qiyin, lekin bu holatda eng manfa'atlisi shu.

Misol uchun:
- Imtixonda yomon ball olib, "Imtixon qiyin edi o'zi, o'tilmagan mavzular tushdi" deyish juda oson
- "Nega men o'qimadim?" deb o'zingni tekshirish - qiyin, lekin foydali.
- Muhim uchrashuvga kech borsang, "Yomg'irda tirbandlikda qolib ketdim" deb ob-havo va tirbandlikka aybni to'nkab qo'yish hammani ham qo'lidan keladi
- "Nega ob-havoni oldindan ko'rib qo'ymadim, nega ertaroq chiqmadim" deyish kamchilikka xos.

Foyda olish juda oddiy:
- Aybni o'z bo'yninga olasan
- O'z ixtiyoringdagi sabablarni analiz qilasan
- Takrorlamaslik va'dasi bilan biror joyga o'yib qo'yasan (Obsidian: Mistakes journal)

#sher

Hech narsa bilmaymiz, xavotir olma,
Avliyoni "Bomsh" deb baloga qolma!

Loyqa suv yuzida - aksing ko'rinmas,
Boshqaga ham shoshib baho berilmas!
Suv tinib, loyqasi ketganda zora,
Xatolingin bilib, tutab ketib qolma!

Aslida, hammamiz bir ummat bugun
Mo'min esa mo'minga oyna bus-butun.
Gumoning qayerdan keladi, izla o'zing,
O'z ichingdan toparsan, ildizin uning!

100 sabab top, do'stingning bu qilig'iga
Shunda ham topolmasang, 101 chisin qidir *Irimiga!
Endi tan olginki, gumondan tushgan bu zang,
O'z ko'zingda ko'rinmay qolgan bir chang!

Boshqaning yuzida bir "dog'" ko'rsang,
Ko'zingni top-tozza oynak deb bilsang,
Bir bora artib ko'r, so'ng qaytadan qara,
Asl "dog'" kimdaligin ko'rarsan, ey ko'zoynakli bola!

Har kim senga oyna - toparsan o'zing,
Zohirga qarayverib yonmasin ko'zing.
Oyna bo'l, bo'lganda ham tozzasi,
Kir oynadek haqiqatni yashirmagin akasi.

Bir kishi masjidga ketayotganda o'ldi,
Narigisining so'ngi yo'li *qovoqxonaga bo'ldi,
Masjid tomon yurganin niyati edi o'marish,
Aroqxonadagasi esa - qadahlarni bo'shatish.

Shunday ekan, do'stim eshit bir bora!
Hech narsa bilmaymiz, xavotir olma!
Biladigan 1 tomchingni dengiz deb yana,
Avliyoni "Bomsh" deb baloga qolma!

Lug'at:
* Irim - salbiy natijaning oldini olish maqsadi-da qilinadigan xatti-harakat
* Qovoqxona - spirtli ichimliklar ichiladigan mayxona.

23.02.2025

Imtixonlardan yaxshi baho olish muhim
#Lekin faqat yaxshi baholar bilan hayot imtixonidan o’tib bo’lmaydi.

#eslatma

Universitetimizda bir xitoylik musulmon vafot etdi.

Kecha do'stlari bilan birga uyiga qaytib, uyquga ketgani beri turmabti.

Oxirati obod bo'lsin!

Qadirdon arab akam savol berdi: Sen shunday xotimaga tayyormisan?

Kechalari temir matoqdan zo'rga ko'zini uzadigan kishi uchun bu savol o'qdek kelib yurakka sanchildi.

#eslatma

Sarvari koinot eslatganlar:

"O'zingizga foydali bo'lgan narsaga xaris bo'ling, ojiz bo'lmang!"

Sog'liq bu - valyuta!

"Ikki ne’mat bor, ko‘pchilik ular haqida aldangan: sog‘lik va bo‘sh vaqt."
(Buxoriy)

Luqmoni Hakimning o'z farzandlariga bergan o'gitlari:
"Barcha yukni tortdim, burchdan og'irroq yuk ko'rmadim va barcha lazzatni totdim, ofiyatdan (sog'liq, tinchlik, xotirjamlikdan) chuchukroq sharbat topmadim..."

Suzish musobaqasida, suzuvchi oyoq tomiridagi og‘riq tufayli darhol suzishni to‘xtatsa, marraga birinchi kelish tugul, yetib olishi mushkul bo'ladi.

Xuddi shunday - talabadan ham. Himmat bor, niyat bor, quvvat bor, va eng noyobi reja ham bor.
Lekin shu reja bo'yicha shahdam qadam tashlayotgan talabani bir yeri og'rib qolsa, tamom.
Suzish hafzasidan tashqariga chiqib turishiga to'g'ri keladi.

Ikrom Sharif ustoz bir savolimga quyidagicha javob bergan edilar:
"Jig'ildoningizgacha bo'lgan joyni ilmga to'ldirib kelsangiz ham sog'liq bo'lmasa, bu ilmlarni ishlatishni imkoni bo'lmaydi"

1 haftadan beri men ham suzish hafzasidan tashqariga chiqib turibman. Darslarga ham qatnasha olmayapman. Bu yer juda issiq bo'lgani uchun, muz solingan ichimliklar ko'zni o'ynatgan edi, oshirib yubordim. Undan so'ng esa miyani ham chayqatdi.

Sog'liq - valyuta ekan. Bu valyutadagi foydang unga tikkan sarmoyangga bog'liq. Bu valyutani yoqib yuboruvchi omillar ham ko'p. Ularni payqab, chegara qo'yish kerak.

Statistika va Ilmiy Faktlar:

- 60% talabalar oʻqish davrida klinik darajadagi anxiety yoki depressiya belgilarini boshdan kechiradi (APA, 2023).
- Talabalarning 30% akademik bosim tufayli uyqu buzilishi yoki ovqatlanish tartibsizliklariga duchor bo'ladi. (Standford, 2022)
- Har kecha 6 soatdan kam uxlash talabalarning GPA (oʻrtacha baho) koʻrsatkichini 20% pasaytiradi (UCLA, 2021).
- "All-nighter" (tungi mashgʻulotlar) miyaning maʼlumotlarni mustahkamlash qobiliyatini **40% ga kamaytiradi (Nature, 2020).
- Kuniga 8 soatdan koʻproq oʻtirish talabalarda boʻyin va bel ogʻrigʻi xavfini 3 baravar oshiradi (WHO, 2023).
- Talabalarning 93% i "digital koʻz charchogʻi" (quruqlik, qichishish) belgilarini sezadi (AAO, 2023).
- Qarz yoki pul yetishmovchiligi tufayli 40% talaba psixosomatik alomatlar (bosh ogʻrigʻi, gastrit)ni boshdan kechiradi (Student Loan Borrower Survey, 2023).

Tadqiqotlarga Asoslangan Yeсhimlar:
- Kundalik 10 daqiqa meditatsiya (Headspace dasturi) stressni 28% kamaytiradi.
- "10-3-2-1" qoidasi:
- 10 soat oldin kofeydan voz kechish,
- 3 soat oldin ovqatlanishni toʻxtatish,
- 2 soat oldin ekranlarni oʻchirish,
- 1 soat oldin yorugʻlikni pasaytirish.
- Omega-3 yogʻ asidlari (yangi baliq, "Snack Smart"- yongʻoq...) miya funksiyasini yaxshilab, imtihon natijalarini 15% oshiradi (NIH, 2021).
- Haftada 150 daqiqa yengil jismoniy mashq (masalan, yugurish yoki yoga) akademik yutuqlarni 10-12% oshirishi mumkin (ACSM, 2022).
- Har 20 daqiqada ekrandan 20 soniya uzoqlashib, 20 metr naridagi narsaga qarash ("20-20-20" qoidasi) koʻz stressini 50% kamaytiradi.
- Haftada 2 marta doʻstlar bilan uchrashish (hatto virtual) stress darajasini 35% pasaytiradi (APA).

Sog'liqni o'zi bo'lishi, hammasi zo'r degani emas. Lekin sog'liq bo'lmasligi ...

Talabalarda imtixon ko'p, to'g'ri.
Lekin menimcha, bizning eng birinchi imtixonimiz - Sog'liq.

Rivojlanmaganlarning asosiy muammolari - Sog'liq, pul, aloqalar ... (Aziz Rahimov)

Shu guruhdan chiqish kerak endi! Buning uchun quyidagi 3 sog'liqni asrash kerak.

Sog'liqni 3ga bo'lishimiz mumkin: Aqliy, Ruhiy, Jismoniy

Qachonki shu uchchala tomonlama o'zimni Sog'lom his qilsam, men bu muammodan qutildim.

Do’stlarimni yutig’i meni ko’p xursand qiladi!

Alloh xayrli qilsin!

Murod qo’lidan kelganicha sabablarini qildi, va mana natija!

Bu hali boshlanishi. Sodiq Schooldan dunyo liderlari chiqishda davom etadi!

Mustafo va Murod do’stlarimizni tabriklaymiz! O’qishlarni ham eng kamida shunday xursandlikda tamomlash nasib qilsin!