🧳🧳🧳🧳🧳🧳
“Turbay” koni – kombinatning istiqbolli konlaridan biri
👉Navoiy kon-metallurgiya kombinatining mineral resurs bazasini tashkil etadigan oltin konlarning aksariyati Qizilqum sahrosi kengliklarida joylashgan. Tomdi tumanidagi “Turbay” koni Markaziy kon boshqarmasi tarkibiga kiradigan istiqbolli konlardan biridir.👉Konni o‘zlashtirish ishlari investitsion loyiha asosida 2022-yilda boshlangan. Loyiha doirasida konda yiliga 2 mln. tonnadan ortiq oltin tarkibli maʼdan qazib olinmoqda. Xususan, 2023-yilda 2,3 mln. tonna maʼdan qazib olingan bo‘lsa, 2024-yilning o‘tgan o‘n oyida esa bu ko‘rsatkich 2,6 mln. tonnani tashkil etdi.
👉“Bugungi kunda konda 350 nafardan ortiq ishchi-xodim mehnat qilmoqda. Kondan qazib chiqarilgan maʼdan 50 kilometrlik temir yo‘l orqali 5-gidrometallurgiya zavodiga qayta ishlash uchun tashib keltirilmoqda. “Turbay konining bosqichma-bosqich o‘zlashtirilishi natijasida uzunligi 1,5 kilometr, kengligi 1 kilometr, chuqurligi qariyb 200 metrga teng bo‘ladigan karyer shakllanadi, - ma'lum qiladi kon boshlig‘i Ilhomjon Xudaynazarov.
👉Maʼdan qazib olish hajmini oshirish maqsadida investitsion loyihalar asosida zamonaviy og‘ir yuk tashuvchi avtoag‘dargichlar va tog‘-kon texnikalari keltirilmoqda. Bugungi kunda konda “Hitachi” va “Liebherr” rusumli gidravlik ekskovatorlar, “Sandvik” va “Epiroc” rusumli burg‘ulash uskunalari, “Komatsu” va “Catarpillar” rusumli avtoag‘dargichlar va turli yordamchi texnikalardan keng foydalanilmoqda.
👉O‘tgan vaqt mobaynida korxona ishchi-xodimlari uchun qulayliklar va munosib mehnat sharoitlarini yaratish maqsadida hududda vaxta usulida ishlaydigan ishchilar uchun 300 o‘rinli yotoqxona, 90 o‘rinli oshxona barpo etildi. Shuningdek, elektr energiya sarfini kamaytirishda muhim o‘rin tutadigan qayta tiklanuvchi energiya manbalaridan foydalanish uchun konda quvvati 1 MW bo‘lgan quyosh fotoelektr stansiyasini qurish ishlari olib borilmoqda.
👌
Navoiy viloyati hokimligi
Axborot xizmati 📝📝📝
“Турбай” кони – комбинатнинг истиқболли конларидан бири👉Навоий кон-металлургия комбинатининг минерал ресурс базасини ташкил этадиган олтин конларнинг аксарияти Қизилқум саҳроси кенгликларида жойлашган. Томди туманидаги “Турбай” кони Марказий кон бошқармаси таркибига кирадиган истиқболли конлардан биридир.
👉Конни ўзлаштириш ишлари инвестицион лойиҳа асосида 2022 йилда бошланган. Лойиҳа доирасида конда йилига 2 млн. тоннадан ортиқ олтин таркибли маъдан қазиб олинмоқда. Хусусан, 2023 йилда 2,3 млн. тонна маъдан қазиб олинган бўлса, 2024 йилнинг ўтган ўн ойида эса бу кўрсаткич 2,6 млн. тоннани ташкил этди.
👉“Бугунги кунда конда 350 нафардан ортиқ ишчи-ходим меҳнат қилмоқда. Кондан қазиб чиқарилган маъдан 50 километрлик темир йўл орқали 5-гидрометаллургия заводига қайта ишлаш учун ташиб келтирилмоқда. “Турбай конининг босқичма-босқич ўзлаштирилиши натижасида узунлиги 1,5 километр, кенглиги 1 километр, чуқурлиги қарийб 200 метрга тенг бўладиган карер шаклланади, - маълум қилади кон бошлиғи Илҳомжон Худайназаров.
👉Маъдан қазиб олиш ҳажмини ошириш мақсадида инвестицион лойиҳалар асосида замонавий оғир юк ташувчи автоағдаргичлар ва тоғ-кон техникалари келтирилмоқда. Бугунги кунда конда “Hitachi” ва “Liebherr” русумли гидравлик эксковаторлар, “Sandvik” ва “Epiroc” русумли бурғулаш ускуналари, “Komatsu” ва “Catarpillar” русумли автоағдаргичлар ва турли ёрдамчи техникалардан кенг фойдаланилмоқда.
👉Ўтган вақт мобайнида корхона ишчи-ходимлари учун қулайликлар ва муносиб меҳнат шароитларини яратиш мақсадида ҳудудда вахта усулида ишлайдиган ишчилар учун 300 ўринли ётоқхона, 90 ўринли ошхона барпо этилди. Шунингдек, электр энергия сарфини камайтиришда муҳим ўрин тутадиган қайта тикланувчи энергия манбаларидан фойдаланиш учун конда қуввати 1 МW бўлган қуёш фотоэлектр станциясини қуриш ишлари олиб борилмоқда.
👌
Навоий вилояти ҳокимлиги
Ахборот хизмати🧠
Veb Sayt |✈️
Telegram | 🌐Facebook | 📸Instagram | ▶️ Youtube
