Bilim olishga eng katta to'siq nima?

Yuqoridagi izohni qoldirgan bu darslarimiz qatnashchisi - o'zlari ham ingliz tilidan dars beradila.

Ustozlik qilib turganda boshqa ustozga borib bilimizni oshirishga harakat qilish bu sizdagi kibr va manmanlikni sindira olganizni belgisi hisoblanadi. Ba'zida o'ziz maktab-litseyda yoki universitetda dars berib turgan o'quvchilariz bilan bir guruhda o'qishizga to'g'ri kelishi ham mumkin, albatta.

Bizga juda ko'plab ustozlar kursga qatnashish maqsadida murojaat qilib turishadi va ba'zilari alohida o'qishni xoxlashadi. Bunga sababni so'ralganda "guruhizda o'zim dars beradiganlar bo'lishi mumkin" degan javob odatga aylandi. Bundan tashqari ma'lum natija chiqqanda buni e'lon qilmasligimizni ham iltimos qiladiganlar kam emas. Yana masala borib "balimdan uyalaman" degan gapga taqaladi va biz shu sababli ko'plab natijalarimizni e'lon qila olmaymiz.

Izohni qoldirgan Nargiza ustozda esa biz shu holda yosh o'quvchilardan uyalishni, yokida bilmaganlarini tan olishda ikkilanishni sezmaganmiz. Darslarda yosh o'quvchilar bilan qatnashishlariga to'g'ri kelsada, o'zlarini juda qulay his qilgan holda, kibr alomatlarisiz, ustozga boshqa yosh o'rganuvchilar kabi yoki undanda yuqori darajadagi bo'ysinish bilan o'rnakli qatnashar edilar.


Gapni post kallasini aytkanda, ustozdan biz shuni o'rgandik:

Kibr - bilim olishga to'sqinlik qiladi. Kamtarlik esa - insonni kamolotga yetaklaydi.


✍ T. Isroilov