🗣Termiz shahrida Oʻzbekiston “Veteran” jangchi-faxriy va nogironlari birlashmasi tashkil etilganining 36 yilligi munosabati bilan bayram tadbiri boʻlib oʻtdi. 

⏺Oʻzbekiston “Veteran” jangchi-faxriy va nogironlari birlashmasi Surxondaryo viloyati boʻlimi, viloyat hokimligi hamda mutasaddi tashkilotlar hamkorligida tashkil etilgan mazkur tadbirda afgʻon urushi qatnashchilari, faxriylar hamda keng jamoatchilik ishtirok etdi.     

⏺Shundan soʻng baynalminal jangchilar uchun “Nigina” tantanalar saroyida bayram dasturxoni yozildi. Tadbirda soʻzga chiqqanlar jangchi-faxriylarni sana bilan muborakbod etib, elu yurt va yosh avlod oldidagi xizmatlarini eʼtirof etib oʻtdilar. Ularning mardligi va jasorati, shijoati, Vatanga boʻlgan mehr-muhabbati, sodiqligi kelajak avlodga hamisha oʻrnak va namuna boʻlib qolishi taʼkidlandi.     

⏺Tadbirda “Veteran” birlashmasi faollari hamda baynalmilalchi jangchi-faxriylarga esdalik sovgʻalari topshirildi. Sanʼatkorlar ijrosidagi diltortar qoʻshiqlar esa ishtirokchilar qalbiga oʻzgacha zavq bagʻishladi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram