Продам канал с доходом 138090

tanga.uz — moliyaviy yangiliklar

Гео и язык канала: Узбекистан, Узбекский

Категория: Новости и СМИ

Iqtisod, biznes, fintech, bank-moliya tizimiga oid O'zbekiston va jahon yangiliklari hamda tahlillar
Murojaat uchun: @tanga_aloqa_bot

Связанные каналы

Гео и язык канала

Узбекистан, Узбекский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

tanga.uz — moliyaviy yangiliklar

11 Jan, 12:05

2025-yilning 11-yanvar holatiga ko'ra, davlat OTMlarida 995 551 ta, nodavlat OTMlarida esa 515 634 ta talaba tahsil olmoqda.

Nodavlat OTMlarida o'quvchi talabalarning 70 foizi yoki 363 mingdan ortig'i sirtqi ta'limda tahsil olishadi.

Hozirda O'zbekistonda OTMlar soni 208 ta bo'lib, ulardan 108 tasi davlat, 70 tasi nodavlat hamda 30 tasi esa xorijiy OTMlarni tashkil etadi.

Barcha talabalar soni 1 550 823 tani tashkil qilib, bunda
➖ayollar soni 816 639 ta (52,66%) ,
➖erkaklar soni esa 734 184 ta (47,34%).

Eng ko'p talabaga ega top 5 ta OTM:

1. Toshkent davlat iqtisodiyot universiteti (Davlat) — 47 140;

2. Toshkent Kimyo xalqaro universiteti (Nodavlat) — 35 666;

3. O'zbekiston Milliy universiteti (Davlat) — 34 450;

4. ISFT instituti (Nodavlat) — 29 561;

5. Toshkent amaliy fanlar universiteti (Nodavlat) — 28 345.

Eslatib o'tamiz, 2023-yilning fevral oyidan beri xususiy OTMlar faoliyati uchun litsenziya berilishi to'xtatilgan.

@tangauzb

2.8k 3 24 1 4

tanga.uz — moliyaviy yangiliklar

11 Jan, 09:33

“Brio Group” AJ (“Oson” brendi egasi) ustav kapitalini oshirish uchun 5 mlrd so‘mlik qo‘shimcha 288 mln dona oddiy aksiyalarni chiqardi.

Bu emissiya oʻtgan yilning dekabr oyida ILMA tomonidan davlat ro‘yxatidan o‘tkazilgan va yagona aksiyadorga joylashtirilishi ko‘zda tutilgan.

Shunday qilib , “Oson”ning ustav jamg‘armasi 25 mlrd so‘mga yetkaziladi. Bu oxirgi 12 oy ichida kompaniyaning ustav kapitalidagi uchinchi o‘zgarish bo‘ldi.

@tangauzb

160 0 1 2

tanga.uz — moliyaviy yangiliklar

10 Jan, 14:44

Saneg tomonidan Sirdaryoning Baxt shahrida O'zbekistondagi birinchi o'z-o'ziga xizmat ko'rsatish terminaliga ega KAYOQSh* ochildi.

Unda zamonaviy o‘z-o‘ziga xizmat ko‘rsatish terminali mavjud bo‘lib, haydovchilarga tezkorlik va qulaylik bilan yonilg‘i quyish imkonini beradi.

Terminalda HUMO va UZCARD bank kartalari yordamida naqd pulsiz to‘lovlarni amalga oshirish mumkin.

*KAYOQSh — ko'p yoqilg'ili avtomobillarga yoqilg'i quyish shoxobchasi.

@tangauzb

176 0 1 5

tanga.uz — moliyaviy yangiliklar

10 Jan, 14:05

Dollar kursi ko’tarildi

13-yanvardan dollarning so’mga nisbatan rasmiy kursi 12 957 so’m etib belgilandi.

@tangauzb

168 0 2 9 1

tanga.uz — moliyaviy yangiliklar

10 Jan, 11:47

Odiljon Bastamqulov UzAuto Motors kompaniyasiga bosh direktor vazifasini bajaruvchi etib tayinlandi.

Yangi direktor tayinlangunga qadar kompaniyaga Odiljon Bastamqulov rahbarlik qiladi. Ilgari u avtomobil oynasi ishlab chiqaruvchi "Avtooyna" kompaniyasini boshqargan.

Avvalroq, Saidazim Gulyamov UzAuto Motors Powertrain kompaniyasiga direktor vazifasini bajaruvchi etib tayinlangani haqida yozgandik.

@tangauzb

159 0 1 1 1

tanga.uz — moliyaviy yangiliklar

10 Jan, 08:47

Markaziy Osiyo sun’iy intellekt assotsiatsiyasi 2024-yilgi nufuzli Al-Xorazmiy nomidagi AICA Awards mukofotiga arizalar qabul qilishni boshladi.

Ushbu mukofot Markaziy Osiyoda sun’iy intellekt sohasidagi eng yaxshi yutuqlarni aniqlash va taqdirlashga qaratilgan.

Arizalar sun’iy intellekt sohasida faoliyat yurituvchi kompaniyalar va loyihalardan qabul qilinadi. Nomzodlar tomonidan taqdim etilgan barcha arizalar muddati tugaganidan so‘ng, Markaziy Osiyo davlatlarining yetakchi ekspertlari va tadbirkorlari tomonidan ko‘rib chiqiladi.

Mukofot egalari quyidagi 11 ta nominatsiya bo‘yicha taqdirlanadi.

Ishtirok etishni istovchi kompaniyalar va loyihalar 2024-yil 30-yanvargacha quyidagi havola orqali ro‘yxatdan o‘tishlari mumkin.

Avvalroq, TechCrunch Disrupt 2024'da O'zbekistondan 8 ta startap qatnashgani haqida yozgandik.

@tangauzb

165 0 1 1

tanga.uz — moliyaviy yangiliklar

9 Jan, 17:38

Turkiyada KFC'ning 283 ta fililai hamda Pizza Hut'ning 254 ta restoranlari yopilmoqda.

Ushbu brendlarning egasi AQSHning "Yum! Brands" kompaniyasi hisoblanadi. "Yum! Brands" Turkiyada mazkur franshizalarni realizatsiya qilish bo'yicha "IS Gida" kompaniyasi bilan tuzilgan shartnomani bekor qilishini e'lon qildi.

Bunga turk kompaniyasi brendlar bo'yicha ayrim standartlarni ta'minlay olmagani sabab bo'lgan. Shu sababga ko'ra, Turkiyada KFC va Pizza Hut'ning filiallari vaqtincha yopiladi.

"Yum! Brands" Turkiyadagi sotuvlar o'rtacha global ko'rsatkichlardan ancha pastligini hamda restoranlarning yopilishi brendning umumiy daromadiga sezilarli ta'sir ko'rsatmasligini aytgan.

Ma'lumot uchun, so'nggi yillarda KFC hamda Pizza Hut sotuvlari Turkiyada keskin kamaygandi. Bunga kompaniyaning Turkiya aholisi tomonidan baykotlanishi ham sabab bo'lgan bo'lishi mumkin.

@tangauzb

186 0 3 2

tanga.uz — moliyaviy yangiliklar

9 Jan, 15:52

5-8 yanvar kunlari Janubiy Koreyaning "MAXUM Co LTD", "EZENNA Co LTD", "Mirae Cell Farm Co LTD" va "COSBALL Co LTD" kompaniyalari delegatsiyasi Qashqadaryoga keldi.

Ular viloyatda tibbiyot, sanoat va maishiy rezina qo‘lqoplar hamda kosmetika mahsulotlari ishlab chiqarishni yo‘lga qo‘yishni rejalashtirmoqda.

Bunda kompaniya delegatsiyasi Qarshi shahridagi bir necha korxonalarda bo‘lib, ular bilan hamkorlik imkoniyatlarini muhokama qildilar. Uchrashuv yakunida tegishli kelishuvlar imzolangani aytildi.

@tangauzb

169 0 0 1

tanga.uz — moliyaviy yangiliklar

9 Jan, 14:35

Dollar kursi arzonladi

10-yanvardan dollarning so’mga nisbatan rasmiy kursi 12 940,44 so’m etib belgilandi.

@tangauzb

163 0 0 1

tanga.uz — moliyaviy yangiliklar

9 Jan, 14:01

Markaziy bank ma’lumotlariga ko‘ra, O'zbekistonning xalqaro zaxiralari qoldig‘i 2024-yil davomida 6,6 milliard dollarga ko'paygan.

Bunda, 2024-yil davomida rasmiy zaxiralarning umumiy miqdori 34,56 mlrd dollardan 41,18 mlrd dollargacha yoki 19,1 foizga oshgandi. Zaxiralarning o‘sishiga deyarli butun yil davomida oltin narxlarining oshib borishi sabab bo‘lgan.

Yil davomida oltinning fizik hajmi esa qariyb 360 ming troy unsiyaga, uning qiymati esa 7 mlrd 404,52 mln dollarga oshgan.

Bundan tashqari, 2024-yilda oltin narxlarining maksimal oshishi hisobiga O‘zbekistonning xalqaro zaxiralarida rekord darajadagi o‘sish kuzatildi. Jumladan, o‘tgan yilning noyabr oyida mamlakatning rasmiy zaxira aktivlari yil boshiga nisbatan 24,8 foizga oshib, 43 mlrd 139,1 mln dollarni tashkil etdi.

@tangauzb

156 0 3 2

tanga.uz — moliyaviy yangiliklar

9 Jan, 12:30

Gulnora Karimovaga tegishli bo'lgan, Toshkent viloyati Bo'stonliq tumanidagi Sijjak dam olish maskanini Kasaba uyushmalari tasarrufiga o'tkazildi.

Dam olish maskani Toshkent viloyati sudining 2017-yildagi qarori bilan davlat mulkiga aylantirilgan. Maskanni O‘zbekiston futbol assotsiatsiyasining mashg‘ulot bazasi sifatida foydalanish, keyinchalik Triatlon federatsiyasi balansiga o‘tkazish rejalashtirilgandi.

Ma'lumot uchun, 2020-yilning yozida Sijjakni xususiylashtirishga qaror qilingan edi. Mulk 2021-yil mart oyida, keyin 2022-yilning aprel va oktyabr oylarida kimoshdi savdosiga qoʻyilgan, biroq xaridor topishga urinishlar muvaffaqiyatsiz tugagan.

@tangauzb

169 0 3 2

tanga.uz — moliyaviy yangiliklar

9 Jan, 11:47

2024-yilning dekabr oyida KFC tarmog‘i Marg‘ilon va Sergeli tumanida yangi filiallarini ochdi.

Shunday qilib, KFC'ning respublika bo'ylab filiallari soni 28 taga yetdi.

O'tgan yilning oktyabr oyida tarmoq Farg'onada 26-filialini ochgani haqida yozgandik.

@tangauzb

159 0 0

tanga.uz — moliyaviy yangiliklar

9 Jan, 11:10

Nukus shahrida "Uzum tezkor" xizmati yo'lga qo'yildi.

Xizmat bilan shahardagi EVOS, Oqtepa Lavash, Feed Up kabi fastfood tarmoqlari, shuningdek, Caravan, Grand Lavash, Mj Lounge va boshqa mahalliy oshxonalardan ovqat buyurtma qilish mumkin.

Nukuslik yangi foydalanuvchilar uchun “TEZ3” promo-kodi mavjud bo‘lib, u dastlabki uchta buyurtmaga 20 ming so‘mgacha chegirma beradi.

2024-yilning noyabr oyida Nukusda "Yandex eats" ishga tushgani haqida yozgandik.

@tangauzb

172 0 0

tanga.uz — moliyaviy yangiliklar

8 Jan, 18:18

BAAning "Binghalib Group" elektrotexnika kompaniyasi o'z biznesining bir qismini O‘zbekistonga ko'chirishni rejalashtirmoqda.

Kompaniya vakillari bu yerda ish boshlashga ishchi kuchining nisbatan arzonligi va ularning malaka darajasi yuqori ekanligini sabab qilib ko'rsatishgan.

"Binghalib Group" yaqin 5 yil ichida O‘zbekistonda 2 mingdan ortiq ish o‘rni yaratishni reja qilgan.

@tangauzb

199 0 0 1

tanga.uz — moliyaviy yangiliklar

8 Jan, 15:37

Asakabank Toshkent shahrining Yakkasaroy tumani, Muqimiy ko‘chasida joylashgan bank binosini auksion orqali sotuvga qo‘ydi.

Ushbu binolarda avval bankning Avtotransport filiali, bank bosh ofisining bir nechta bo‘linmasi faoliyat yuritgan.

Lotning boshlang‘ich narxi (QQS bilan) 178,7 milliard so‘mni, garov miqdori esa 1,7 milliard so‘mni tashkil qiladi. Birinchi qadam bahosi 9,9 milliard so‘mdan ortiqroq.

Yer uchastkasining umumiy maydoni 1,09 gektar, binoning umumiy maydoni esa 7,7 ming kvadrat metrdan iborat.

Auksion savdolari oshirib borish usuli bilan o‘tkaziladi. Talabgorlar arizalarni 27-yanvargacha yuborishlari mumkin.

Avvalroq, Asakabankni xususiylashtirish 2025-yilda ham davom etishi haqida yozgandik.

@tangauzb

194 0 2 1

tanga.uz — moliyaviy yangiliklar

8 Jan, 14:30

Dollar kursi o'z rekordini yangiladi

9-yanvardan dollarning so'mga nisbatan rasmiy kursi 12 962,98 so'm etib belgilandi.

Bu dollarning so'mga nisbatan kursi tarixidagi maksimum ko'rsatkich hisoblanadi.

@tangauzb

194 0 0 2

tanga.uz — moliyaviy yangiliklar

7 Jan, 16:41

Aloqabankning affillangan shaxslari ro'yxatidan "Oʻzbektelekom" AK chiqarib yuborildi. Bu haqda openinfo.uz portalida e'lon qilindi.

Bankning rasmiy veb-saytida ko'rsatilgan ma'lumotlarga asosan, Aloqabankning 22,03% aksiyalari Oʻzbektelekomga tegishli edi.

Avvalroq, Aloqabankning qo'shimcha 500 mlrd so'mlik aksiyalarini bir-biriga aloqador 5 nafar shaxslar sotib olishi haqida xabar berilgandi.

Bundan ko’rinadiki, Aloqabank aksiyadorlari tarkibida o'zgarishlar yuz berayotgani ehtimoldan yiroq emas. Bu bankni xususiylashtirishga bo'lgan qadamlar ham bo'lishi mumkin.

@tangauzb

244 0 2 2

tanga.uz — moliyaviy yangiliklar

7 Jan, 14:27

2025-yil 1-yanvardan umumiy ovqatlanish korxonalari QQSning bir qismini qaytarib olishlari mumkin.

Bunda, korxona oylik aylanmasining naqd pulsiz qismi:

➖ 60 foizdan yuqori bo'lganda — to'langan soliqning 40 foizi;

➖ 60 foizdan kam bo'lganda esa — to'langan soliqning 20 foizi qaytariladi.

Korxona soliq hisobotini taqdim etgandan so‘ng, uch oydan kechiktirmasdan to‘langan soliqning bir qismini qaytarish uchun murojaat qilishi kerak. Yanvar oyi uchun hisobotni 20-fevraldan kechiktirmay topshirish kerak. Ya'ni, yanvar oyi uchun qaytarish to'g'risidagi arizani 20-fevraldan berish mumkin.

Korxona tomonidan to‘langan soliqning bir qismi quyidagi shartlar to‘liq bajarilganda avtomatik ravishda qaytariladi.

@tangauzb

231 0 3 2

tanga.uz — moliyaviy yangiliklar

7 Jan, 14:04

Dollar kursi ko’tarildi

8-yanvardan dollarning so’mga nisbatan rasmiy kursi 12 948,10 so’m etib belgilandi.

@tangauzb

177 0 0 4

tanga.uz — moliyaviy yangiliklar

7 Jan, 13:34

Markaziy bank tomonidan bitta jismoniy shaxsga ochiladigan bank kartalari sonini cheklash bo‘yicha vaqtinchalik tartib shu yilning 1-yanvaridan 31-dekabrigacha joriy qilinmoqda.

Endilikda banklar tomonidan bitta fuqaroga beriladigan kartalar soni bitta bankda 5 tagacha, barcha banklarda esa 20 tagacha etib belgilanmoqda.

2024-yilning noyabr oyi holatida jismoniy shaxslarning qariyb 97 foizi 5 tagacha bank kartasiga ega, 3 foiz fuqarolarda 5–20 tagacha, hamda faqat 7 ming kishida 20 tadan ortiq kartalar mavjud.

Jismoniy shaxslar nomiga ko‘p miqdorda ochilgan bank kartalarining bir qismidan (aksariyat holatlarda karta egasining xabari yo‘q) firibgarlik maqsadlarida foydalanilayotganligi aniqlangan.

Ma'lumot uchun, hozirda O'zbekistonda fuqarolar o'zlarining nomiga nechta bank kartasi ochilgani bo'yicha axborot beruvchi manba mavjud emas.

@tangauzb

179 0 0 2

Показано 20 последних публикаций.

723

подписчиков

Статистика канала

Язык сайта

Продам канал с доходом 138090

tanga.uz — moliyaviy yangiliklar

Гео и язык канала

Категория

723

Популярное в канале