Статистика Избранное

Сүйүү саптары. Поэзия.

Гео и язык канала: Узбекистан, Узбекский

Категория: Книги

"Жыргалда жашабаган таза сүйүү,
Ырларда жашаганын баары билет!"
Элмирбек Иманалиев🖋
сиз издеген сүйүү ырлары бизде!

Реклама жана кызматташуу боюнча👇
@UlukbekTalkanbaev
@erkinbek_kyzy_meerim жазыңыз

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Сүйүү саптары. Поэзия.

14 Apr, 16:56

МЕН ӨЗҮҢДҮ ТАНДАДЫМ

Айтайын ичке каткан сырымды,
Олтурамын кээде чегип чылымды.
Ойлорумду арбап алдың карындаш,
Жан дүйнөмө бир жылуулук урунду.

Сага арнап жазам түндө ырымды,
Ашыктыктан ашып өтөм кылымды.
Мен ашыкмын бир өзүңө карындаш,
Сен да айткын ичке катпай чыныңды.

Нечен ойлуу атып жатат тандарым,
Колго калем, ак баракты кармадым.
Ойлорумдан такыр кетпей элесин,
Ырлар жазып ак сүйүүмдү арнадым.

Бул өмүрдө эриш-аркак жолдордо,
Мен өзүңдү, жалгыз сени тандадым.

Бекмырза Шукурали уулу

1.8k 0 9 5 37

Сүйүү саптары. Поэзия.

5 Apr, 05:15

Асыл жан, сенин жүрөгүң кандай,
Ааламдай баарын батырган.
Ачылбас каалга, ачкычы– сүйүү,
Аруулук анда катылган.

Алгырым, сенин көңүлүң кандай?
Жарыгын чачкан мага да.
Жарпымды жазган тааныган сайын,
Дарыгер болдуң жарама.

Кырааным, сенин мүнөзүң кандай,
Айкөл да ачык, сабырдуу.
Жигиттик сыпат сендеги бүгүн,
Жаныма жакты жалынды.

Жарыгым, сенин көздөрүң кандай?
Океан, деңиз, көл өңдүү.
Байланып улам, бай(ы)р алып, менде,
Башкача сезим төрөлдү...

Акылдуум, сенин мамилең кандай?
Арбаган мени, башканы.
Өзүнчө дүйнө. Дүйнөдөй жансың,
Асмандуу, булак, аскалуу.

Шайырым, сенин күлгөнүң кандай?
Шаң ырым сымал жаңырган.
Мынчалык жылуу туюмга мурда,
Болбогон чыгар кабылган.

Жолуктум сага, жолумда азыр,
Бакты бар, арман– бирге-бир.
Сезимтал дилге сүйүүнү сепкен,
Сен жайлуу ушул билгеним.

Бийигим, сендик махабат кандай,
Бул жайлуу бирок билбедим...

ЭРКИНБЕК КЫЗЫ МЭЭРИМ.
02.05.2022.

4.1k 0 4 6 43

Сүйүү саптары. Поэзия.

2 Apr, 04:17

КҮНДӨ ЭМИ

Тагдырдын бул тар жолунда жарышып,
Тириликтин арабасын чаңытып.
Акча табам деп келип, ай талаага кептелип,
Теплицадан калдык мынтип таанышып.

Турмуштун бул соккулары оңойбу?
Менден бир топ, кичүүлөр да чоңойду.
Курусун бул акчаң да, эми бакыт тапканда,
Кадамымды түйшүктөрү торойбу?

Кудай буйруп, максатыма жетээрмин,
Жашмын да азыр, шүгүр аман-эсенмин.
Күйүп жанайын десем, сүйүп калайын десем,
Сен карындаш, а мен акең экенмин.

Көздөрүңдөн көрүп жаштык, жалынды,
Кулагыма сүйүү ыры жаңырды.
Күндөн дагы жылуубу, Айдан дагы сулуубу?
Жүрөк байкуш махабатка кабылды.

Чолпон жылдыз сыяктуусун түндөгү,
Жүрөгүмө чок салды го күлгөнү.
Гүлүм, айым, күнүм деп, менин таза сүйүүм деп,
Сезимимди арнай берем күндө эми.

Автор: Дамир Кадыр уулу
01.04.2024-ж.

4.5k 0 4 7 37

Сүйүү саптары. Поэзия.

26 Mar, 19:28

“ГҮЛҮҢ”

Таандыгың болуп табылган гүлүң,
Таң ырың сымал жаңырган гүлүң.
Бирөөлөр билбес бийикте туруп,
Бир өзүң үчүн багылган гүлүң.

Дилиңе чырак жага алган гүлүң,
Дүйнөңө түнөп, камалган гүлүң.
Сабына салды сагын(ы)чын кайра,
Сен үчүн гана жаралган гүлүң.

Жароокер бакыт көшөгөң гүлүң,
Жар болор антын өтөгөн гүлүң.
Жоготуу үчүн кайгыңды сенин,
Жолуңа жанын төшөгөн гүлүң.

Жакшысын сөздүн жыйнаган гүлүң,
Жат жанга сени кыйбаган гүлүң.
Жакшылык тилеп Кудайдан жалгыз,
Дубада сен деп ыйлаган гүлүң.

Эш тутуп, барктын теңи деп гүлүң,
Эркиңе көнөт, жеңилет гүлүң.
Буйруган күнү жазмыштын сага,
Белеги болуп берилет гүлүң.

Өзүңдөн кубат, күч алат гүлүң,
Өзгөрбөй сага тушалат гүлүң.
Түндөсү Күндү күткөндөй элдер,
Түбөлүк сени күтө алат гүлүң.

ЭРКИНБЕК КЫЗЫ МЭЭРИМ

5.5k 0 7 13 49

Сүйүү саптары. Поэзия.

19 Mar, 19:02

ЖАҢЫ ЫР:

Ырдасам, ырысыма ыр жетпеген,
Ызамды алыстаткан бир кеп менен.
Качандыр бир кеменгер келет мага,
Кирпигимдин учун да кирдетпеген.

Келет мага, нур болуп күтүлбөгөн,
Кемтигимди кетирип, бүтүндөгөн.
Көңүлүмдү мындай кой, көкөлөтүп,
Көлөкөмдү төмөнгө түшүрбөгөн.

Добушунан делөөрүп, жан жыргаган,
Кур намыска боюн эч алдырбаган.
Ишенимди бек сактап, дилим түгүл,
Жоолугумдун байламын жандырбаган.

Бейчекиде бирөөгө сыр ачпаган,
Бийик тутуп, эки өмүр кубаттаган.
Адамдыктын милдетин сезип, мени,
Аялдыктын тагынан кулатпаган.

ЭРКИНБЕК КЫЗЫ МЭЭРИМ
11.03.2024
ОШ

6.7k 0 14 4 68

Сүйүү саптары. Поэзия.

19 Mar, 19:00

КАРА-СУУЛУК КАРЫНДАШ

Жасалмасыз, чийилген каштарың жагат,
Акмаралдай керилип, басканың жагат.
Түн ичинде жылдыздар жанган сыяктуу,
Кара кундуз, уп-узун чачтарың жагат.

Карай берем суктанып, карай беремин,
Көрүү үчүн көчөңө, далай келемин.
Кара-Суулук карындаш, арбап алдың го,
Кайда жүрсөм өзүңдү самай беремин.

Тоңуп калган сезимди, жылыттың өзүң,
Татынам ай кайда, эмне кылып жүрөсүң?
Маани берсем көбүнөн кезикпей калган,
Мага жакты уялчаак, сылык мүнөзүң.

Ордолуу Ош элимдин чүрөгү белең?
Кара-Суунун туптунук, мүрөгү белең.
Жетпесем да өмүрдө, сага карындаш,
Сыймыктанам сага ашык жүрөгүм менен.

Автор: Дамир Кадыр уулу
"Поэзия Ордосу" көркөм-адабий коомдук бирикмесинин мүчөсү. 16.03.2024ж.

5.8k 0 9 1 35

Сүйүү саптары. Поэзия.

10 Mar, 20:16

БУЛ МАХАБАТ

Ай жамалың жарык нурдан, шооладан,
Жаным сени жактырбаган, жок адам.
Почему мы не встретились раньше,
Ты мне очень понравилась оо мадам.

Сылык-сыпаа, эрке мүнөз, жайдары,
Жерге түшүп алганбы, кыз айдагы?
Ты такая очаровательная,
Oh, my gentle, sweet, darling, I love you.

Жашыбызда айырма чоң билемин,
Бирок ага көнбөй жатат жүрөгүм.
Оо карындас, сезiмiмдi бағала,
Сенi ғана унатамын, сүйемін.

Бул махабат сезимдерди аралайт,
Улутуңа, жашыңа да карабайт.
Ак сүйүүнүн кадыр-баркын чынында,
Жан дүйнөсү өлүк адам баалабайт.

Автор: Дамир Кадыр уулу
"Поэзия Ордосу" көркөм-адабий коомдук бирикмесинин мүчөсү. 24.02.2024-ж.

7.1k 0 18 8 53

Сүйүү саптары. Поэзия.

10 Mar, 20:15

Азыр сенден Күндү издебейм,
Көздөрүңдөн көрбөйм асманды.
Улам өчүп үмүт "биз" деген,
Унутканы мына, аз калды.

Толкунунан тагдыр күтүнгөн,
Сен эмессиң эми деңизим.
Көргүм келбейт сени түшүмдө,
Чоочун болдуң бүгүн мен үчүн.

Үнүңдү уксам, дүйнө тынч алып,
Бейпил болбойт бала кыялым.
Сагынычым, ыза, мынча бук,
Бүгүн чындап бүттү сыягы...

Санаа тартпай калдым негедир,
Оюмда да түгөл жоктойсуң.
Түшүнгөндөй болдум мен эми,
Көптүн эле бири окшойсуң.

Көпөлөктөй арзуу айланып,
Жолдоруңа коошпойт жолдорум.
Багытыңды тапсаң байыр алып,
Бактылуу бол деймин болгону.

Эркинбек кызы Мээрим

6.6k 0 13 2 36

Сүйүү саптары. Поэзия.

6 Mar, 07:00

___Кут болсун
_
Ат салышкан талапкердин ичинен,
Тандап алдым мен өзүңдү көргүнүң. Түшүндүрөм азыр бардык нерсесин,
Тыңда анда, айтканыма көнгүнүң.

Кызмат ордуң башкаруучу эркимди,
Өздүк канааң жүрөк болот макул де.
Кызматыңа кыянаттык кылбагын,
Өз бөлмөңдү алмаштырба батирге!.
_
Бекем болгун, жаап алгын эшигин,
Ал канаада кирди, чыкты болбосун.
Бир өмүргө таза кызмат кылгының,
Жумушуңда сүйүү сени колдосун!
_
Көргөн жандар суктанышып сөз кылчу,
Көргөзөлү ашыктардын турмушун.
Жүрөгүмдү бөлөп салгын мээримге,
Сүйдүр, сүйгүн ошол сенин жумушуң.
_
Көп сагынтпа кусалыка жол бербе,
Бир болуунун изде, тапкын аргасын. Кызганчтын сурагын көп жүргүзбө,
Байкуш жүрөк жүдөө тартып калбасын.
_
Бакыт балы, бакыт ыры айтылган,
Бактылуунун улап жазгын жомогун.
Кызмат акың жумуш үчүн берилген,
Сенин энчиң, келечегиң боломун!
_
Анда сага каалганым ийгилик,
Кадамыңа бакыт менен кут толсун!
Кыйынчылык жолтоо болбой ишиңе,
Аркалаган кызмат ордуң кут болсун!
____ Атабекова Н.

7.6k 0 4 48

Сүйүү саптары. Поэзия.

5 Mar, 10:04

Сезимдин жалынына от болуп жанып анан,
Өзүңө жагуу үчүн өзүмдү жаңылагам.
Өмүрдө өзүң менен шериктеш болуу үчүн,
Өзүмдү өзүм жасап кайрадан жаңыланам.

Жакшыбы жаман болсун жактырат көз көргөнүн,
Сүйүлүү үчүн сага билесиң өзгөргөмүн.
Түбөлүк сени менен бир болуу үчүн эми,
Миң түркүн себеп издеп мен дагы өзгөрөмүн.

Өзүмдөй болбой анан өзүмдөн баштарткамын,
Барымды сага арнап, өзгөгө баш бакпадым.
Өмүрлүк жарың болуп, жаныңда болуу үчүн,
Эркимди байлап алып, мен сага башкарткамын.

Жакшыбы жаман болсун жактырат көз көргөнүн,
Сүйүлүү үчүн сага билесиң өзгөргөмүн.
Барыңды жактырамын баркымды билген жансың,
Өзгөрсөм мен өзгөрөм, сен бирок өзгөрбөгүн.
_
Атабекова Н.©

6.9k 0 15 1 56

Сүйүү саптары. Поэзия.

5 Mar, 10:03

Агып кетер көз жашка кабак толду,
Өкүндүм өткөн күндөр талап болду.
Эсимде ошол күнү айткан сөзүң,
"Сабак болсун"- дегенсиң сабак болду!!
_
Талдап чыктым жакшы эле окутупсуң,
Көп эле сөздөн сүйлөм токутупсуң.
Анан дагы мугалимдик ырым кылып,
Арасында тынч отур деп коркутупсуң.
_
Билиминден берилген тарып бүттүм,
Жөн коёт белең анда кагып түрттүң.
Сабагын максатына эбак жеткен,
Токтот болду аласаңды алып бүттүң.

Иш бүтмөйүн адамда көңүл толбойт,
Бүтүрбөскө айлаң жок ишиң койбойт.
Бааңды кой да, дагы бир сөзүң бар го,-
"Ишин болбосун!" анан ишим болбойт.

Бааңды коюп сабагындан бошоткунун,
Андан кийин сен менен ишим болбойт!
_
Атабекова Н.©

6.6k 0 14 2 47

Сүйүү саптары. Поэзия.

16 Feb, 05:56

Сага арнап кат жазсам деп делдектеп,
Канча жолу колго калем кармадым,
Уч кыйырсыз тунук сүйүү элестеп,
Батпай койду ак кагазга ардагым.

Эчен ирет жыртып актай баракты,
Сени ойлоп билбейм канча таң атты.
Толкунданган сезимдерим батпаган,
Жек көрөмүн кээде аппак кагазды.

Күйүп жүрөм, май чырактай үлпүлдөп,
Тентек сезим тынчтык бербейт күн түндөп.
Булгап баштайм кайра ошол кагазды,
Кайран жүрөк кагышынан тынсын деп.

Жазып бүтүп жазганымды окусам
Айга жетпей кайткан өңдүү чокудан
Кыялымда жылдыз терип жазсам да
Жиберүүдөн сага кайра чочулайм.

АРИЕТ МЫРЗАМАТОВ

9.6k 0 11 21 67

Сүйүү саптары. Поэзия.

16 Feb, 05:53

СҮЙҮҮ...

Махабаттын тарыхы бир күн эмес,
Өмүр бою калтырат түркүн элес.
Тагдыр буйруп башкага баш кошсо да,
Башка адамды сүйүүгө мүмкүн эмес.

Көңүл койсо эгерде адамга-адам.
Бул сүйүүгө мыйзам да каралбаган.
Бирди гана сүйө алат эт жүрөгүң,
Көрүнгөндү сүйүүгө жаралбаган.

Жүрөк күлөт, сагынат, ыйлай алат,
Махабатка мас болуп, туйлай алат.
Сүйгөнүнө жашоодо жетпесе да,
Өмүрлөшүн кадырлап, сыйлай алат.

Сүйүү...
Ага сиз дагы ашыгаарсыз,
Көлдөй толкуп, шарпылдап басылаарсыз.
Кудуретин сүйүүнүн баяндоого,
Тилдер кургайт, сөз жетпейт, акыл алсыз.

Махабаттын тарыхы бир күн эмес,
Сүйгөн жанды унутуу мүмкүн эмес.

Автор: *Дамир Кадыр уулу* "Поэзия Ордосу" көркөм-адабий коомдук бирикмесинин мүчөсү. 13.02.2024-ж.

9.2k 0 50 2 61

Сүйүү саптары. Поэзия.

13 Feb, 04:07

Көздөрүң ай, көздөрүң көөдөн тешкен,
Тең келе албайт сулуулар көзөл дешкен.
Жолдорубуз жолукпай убагында,
Таш бакадай тагдырлар кечеңдешкен...

Жарыгым ай, көкүлүң-көпөлөктөй,
Көкөлөймүн көктөм кез өтө электей.
Үмүтүмдүн үлбүрчөк учу-сенде,
Үңкүрдөгү жапжалгыз көзөнөктөй...

Кайчы түшкөн жолдордун кайгысы-муң,
Перисисиң кай мезгил, кай кылымдын?!..
Көрүш үчүн өзүңдү кучагымдан,
Куну-тыйын бийликтин, байлыгыңдын!..

Шамал боздойт шыбактын учун ийип,
Шаман болдум түшүмдө учуп-күйүп.
Кулак укпас, көз көрбөс көккө жүрчү,
Шайтан баскан жер шарын бузуп ийип!..

Көккө жүрчү, чалдыкпас башка жанга,
Күнөөңдү алам, кайнайын таш казанда...
Көздөрүңдөн өбүүнүн-өзү ырыскы,
Жалам талкан сунгандай ачка жанга!..

Сүйүү, муңду ыр менен билдиремин,
Секетим ай, секетим. Үлбүрөгүм.
Калем жетсе, кашайгыр өмүр жетпес,
Көркүңдү ырдап канктенде үлгүрөмүн?!..

Улукбек Рысалиев

9.1k 0 12 5 46

Сүйүү саптары. Поэзия.

7 Feb, 12:40

МЕНИН СҮЙҮҮМ ЖЕТПЕДИ

Кысыласын, а бул дүйнө кеп-кенен,
Себебин сен айта албайсың кеп менен.
Сени балким кыйнап жаткан ал нерсе,
Сага менин махабатым жетпеген.

Сени сүйөм а сен болсо башканы,
Сезимдериң сени кыйнай баштады.
Неге, неге, неге мынча азап ай,
Сүйбөгөндүн көңүлүнө баш багуу.

Жалгыз өтүү азап да чын дүйнөдөн,
Арга жоктон жалгыздыкка үйрөнөм.
Эң жаманы бир жаздыкка баш коюп,
Аттиң бирок бирин-бири сүйбөгөн.

Ошондуктан жалгыздыкка ыктадым,
Жан дүйнөмдүн жалбарганын укпадым.
Билесиңби ушул сөздөр менинчи,
Жүрөгүмдү тилип-тилип чыкканын.

Бактылуу бол, тынчыңды албайм ардагым,
Тагдырымдан көрөм эми калганын.

Автор: Дамир Кадыр уулу. "Поэзия Ордосу" көркөм-адабий коомдук бирикмесинин мүчөсү. 05.02.2024-ж.

9.9k 0 20 12 60

Сүйүү саптары. Поэзия.

7 Feb, 09:48

Соолбос сезим

Жолугат деп бул куну мага бактым,
Жолдошторго белекти даярдаттым.
Колумда гүл, короздой жасандым да,
Кооз создорду кайталап бара жаттым.

Бүгүн неге сүйүүгө мастай болдум,
Бүгүн неге үйдө тынч жатпай койдум?
Үнүн угуп үмүттүү кайтсам дегем,
Үйүн таптым, үрүмдү таппай койдум.

Азыр келет салынып жоолук, курбум,
Жакшылыкка баарысын жооруп турдум.
Үшүп-тоңуп көк муздун үстүндө, кеч,
Үтүрөйүп көк муштум болуп турдум.

Эмне гана дедирбейт ойдун күчү,
— Ак сүйүүгө, деп алдым, — тойдум ушу.
Коомай басып колумдан кармаса дейм,
Коңгуроомо жооп жок... кордук ушу!

Бүгүн аны көрбөсөм, бугум артып,
Жанымды жай алдырбас бу кумар түк.
Жадакалса үрүмө суна турган,
Суук да турду гүлүмө сугун артып.

Ызгаар неге артыман түшүп алды,
Муз-кар неге алдыман күтүп алды?
Такыр кетпей көгөрүп туруп алсам,
Акыр түбү гүлүмдү үшүк алды.

Текеберлик — болду эми, кет, — деп атты,
Андай ойду жүрөгүм жектеп атты.
Таң атканда жолукту аруум, бирок,
Гүлүмдү алып, сүйүүмдү четке какты.

Бүгүн мейли баарысы кодуласын,
Бүгүн мейли башыма тоо куласын.
Соолубаган гүл болбос ырасында,
Ага болгон ак сүйүүм соолубасын.

Канат Таалайбеков
28.01.24

9.2k 0 10 48

Сүйүү саптары. Поэзия.

6 Feb, 14:50

КЫШ ВАЛЬСЫ

Мелжиген көк муздун үстүндө бий курдум, жанымда бир турдуң
өзүң гана,
Мемиреп ансайын, эзилет жаш жаным, узатса ак жалын көзүң мага.
Муз тоңгон күндөрдө, жылыбай жүргөндө, жай болуп дүйнөмдө жаралдың сен,
Мезгилдин жакшысы, өмүрдүн таттуусу жолуккан бактылуу кезим сага.

Шаттанып күлөйүн, шыктанып бийлейин, маанай шат жүрөйүн деп келгенмин,
Шааниси күлкүңдүн, шарабы миң күндүн, аткартты кыймылдын эп келгенин.
Каректер нурдалсын, жүрөктөр тушташсын, мурундар жытташсын келчи бийге,
Көңүлдөн кынашуу башталып сыр ачуу жаңырсын музасы Бетховендин.

Жаркырап бүт куту, аңкыса гүл жыты, чыгууда быт-чыты шаң дүйнөнүн,
Жүрөктү тереңден жүгөндөп ээлеген, периси элең сен кай дүйнөнүн?
Жайнатып чилдени, жарык нур чийгени, жанашып жүргөнү табылдың сен,
Жаныма он эли жакындап кой эми, жарыгы бол эми жан дүйнөнүн.

Жалындын улуусу, жандуунун сулуусу, боло көр жылуусу кар дүйнөнүн.

Жолболду СУЛТАНБЕК уулу.

8.2k 0 6 31

Сүйүү саптары. Поэзия.

6 Feb, 14:47

СҮЙҮП КАЛДЫМ

Арбап алдың сен мени кылыктанып,
Алоолонот жүрөгүм күйүп, жанып.
Байлап алдың аркансыз мени жаным,
Махабатка мас болдум сүйүп калып.

Жан дүйнөмдү жаркытып үмүт жанып,
"Сүйүп калдым" -дегим бар күлүп барып.
Махабаттын туткуну кылып алдың,
Сезимиме сездирбей бүлүк салып,

Сендик сезим, дүйнөмдү уялады,
Жүрөгүмдөн уруксаат сурабады.
Капысынан кезиккен махабатым,
Сен да мени сүйөсүң, туям аны.

Автор: Дамир Кадыр уулу. 15.01.2024-ж.

8.5k 0 36 4 64

Сүйүү саптары. Поэзия.

6 Feb, 14:46

СУКТАНАМЫН

Сен гулсун, бучурлоп, ачыла элек,
Шамалсын, бороону басыла элек.
Кунсун сен булутка жашына элек,
Ырымсын, а бирок жазыла элек.

Сен Айсын, тункусун жаркып турган,
Кайыксын, денизде калкып турган.
Жыпарсын, жагымдуу анкып турган,
Бакытсын, багымда балкып турган.

Булаксын, молтуроп тунуп турган,
Белексин, Кудайым сунуп турган.
Назиксин, назындан таш ээриген,
Аюудай жутсам гана аселинден.

Автор: Дамир Кадыр уулу 16.12.2023ж.

8.1k 0 24 4 37

Сүйүү саптары. Поэзия.

15 Nov 2023, 08:00

АКЫНДАРДЫ АЯЙМЫН

Ырларымды кысымга алып аялым:
"Аны эмнеге, муну эмнеге жазасың?!"–
Деген кезде акындарды аяймын,
Аялдары берет го деп жазасын.

Акындарды жалгыз жүрүп аяймын:
Акысы жок ашык чийин аттоого.
Ал анткени менин сүйгөн аялым,
Барган жердин баарын алат каттоого.

Акындарды мен ичимден аяймын,
Акысы жок жакшы кызды мактоого.
Ал анткени жандай көргөн аялым,
Мен мактаган кыздарды алат каттоого.

Акындарды аяган бир себебим:
Сулууларды сүйүп калат бир көрүп.
Аларды анан аяйм дебей не дейин,
Ана ошентип өмүр өтөт күндөлүк.

Оо акындар! Аяйм дайым силерди,
Ок жолундай ичке жүргөн жолуңар.
Оюн айтып, ырын арнап жиберди,
Омор деген силердин бир бооруңар.

Омор Султанов

17.1k 0 10 16 63

Показано 20 последних публикаций.

5 548

подписчиков

Статистика канала

Популярное в канале

ЖАҢЫ ЫР: Ырдасам, ырысыма ыр жетпеген, Ызамды алыстаткан бир кеп менен. Качандыр бир кеменгер к...

КАРА-СУУЛУК КАРЫНДАШ Жасалмасыз, чийилген каштарың жагат, Акмаралдай керилип, басканың жагат. Тү...

“ГҮЛҮҢ” Таандыгың болуп табылган гүлүң, Таң ырың сымал жаңырган гүлүң. Бирөөлөр билбес бийикте т...

КҮНДӨ ЭМИ Тагдырдын бул тар жолунда жарышып, Тириликтин арабасын чаңытып. Акча табам деп келип, ...

Асыл жан, сенин жүрөгүң кандай, Ааламдай баарын батырган. Ачылбас каалга, ачкычы– сүйүү, Аруулук...