Психологическая игра

Прокачай позволение внутри и удвой доход. Бесплатно!

Продам канал с доходом 138090

Всего за 55 000. Срочно нужны деньги.

Статистика Избранное

Сүйүү саптары. Поэзия.

Гео и язык канала: Узбекистан, Узбекский

Категория: Книги

"Жыргалда жашабаган таза сүйүү,
Ырларда жашаганын баары билет!"
Элмирбек Иманалиев🖋
сиз издеген сүйүү ырлары бизде!

Реклама жана кызматташуу боюнча👇
@erkinbek_kyzy_meerim
@Dal_oshol_Bakai жазыңыз

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Сүйүү саптары. Поэзия.

21 Jan, 13:14

АЛМАШТЫРБАЙМ БАШКАГА

Сага жетпес бул жарыктын Ай, Күнү,
Саптап жазган Акын, Ырчы кайрыгы.
Бүт Ааламды сунса дагы алмашпайм,
Булар сендей унуттурбайт кайгыны.

Үлбүрөгөн жүзүң нурлуу сүйүктүү,
Үзбөйм такыр сага болгон үмүттү.
Жок жок жаным барбайм такыр башкага,
Жок кыла албайт сенден башка күйүттү.

Сен жок кезде кечтим далай мазакты,
Сезим алсыз карегимден жаш акты.
Көздөрүңдө мендик сезим жашаса,
Көтөрөмүн сен деп бардык азапты.

Жазылса да депутаттын айлыгы,
Жамалбастыр жарты көңүл айрыгы.
Жаным сени алмаштырбайм эчкимге,
Жалгыз өзүң, жан дүйнөмдүн байлыгы.

Ай, жылдызды сунса дагы алмашпайм,
Алар сендей унуттурбайт кайгыны.

ТЕГИН

2.2k 0 10 4 35

Сүйүү саптары. Поэзия.

21 Jan, 08:25

*БИЗДИН АЙЫЛ СЕНИ КҮТӨТ*!

Жамалыңдан жылдыз учат, ай жылат,
Жылмайышың акыл-эстен тайдырат.
Назданасың жакын жуутпай эч кимди,
Сага жетпей нечен жигит кайгырат!

Күн шооласын сага чачып койгондой,
Кыялданам кээ күндөрү ой толгой.
Узун түндө көрсөм сени түшүмдө,
Уктай бергим келе берет ойгонбой!

Аруу дилиң мөлтүр таза булактай,
Абалымды сезсең боло суратпай.
Коңгуроодой жанга жагым дабышың,
Караңгыда жарык берген чырактай.

Барасыңбы кайтарбастан демимди?
Бапыратып сүйүнтөйүн элимди.
Белестеги жоогазындай кулпурган,
Биздин айыл күтөт сендей келинди!

*МАЛИК НАЗАРМАТОВ*!!!

2.3k 0 5 1 29

Сүйүү саптары. Поэзия.

12 Jan, 07:26

ЭХ СҮЙҮҮ

Бир чоочун, сулуу кыздын караганы,
Сезимди кытыгылап, аралады.
Жылдыздуу көздөрүнөн от чачырап,
Заматта жүрөгүмдү жаралады.

Сүйлөсө, бал тамгандай илебинен,
Сыйкырдуу нур чачырайт гүл өңүнөн.
Ал менин жүрөгүмдү ээлегендей,
Мен да анын, орун алсам жүрөгүнөн.

Кийгени, өзүнө куп жарашыптыр,
Кулпуруп, бойго жетип баратыптыр.
Күлгөнү, сүйлөгөнү өз ордунда,
Кудайым, кемтиги жок жаратыптыр.

Шок жана эрке мүнөз, ай чырайлуу,
Сулуулар суктандырбайт кайсыңарды?
Магдырап, бир көргөндө сүйүп калган,
Мага окшош жигиттер оо, барсыңарбы?

Ай сымал, жан дүйнөмдү жарык кылды,
Ажарлуу келбети да жагып турду.
Арбалып калганымды байкадыбы,
Көз кырын, тынбай мага салып турду.

Тааныштык, бийге түштүк, кобурашып,
Тиктештик, үнсүз күлүп, жоодурашып.
Ал түнү "таң атпачы"- деп, тилене,
Бараттык айлуу түндө чогуу басып.

Эхх сүйүү...
Кандай соонун, кереметсин,
Мен сени, таза абага теңемекмин.
Бирөөгө убагынан эрте келдиң,
Бирөөгө кечиксең да келе элексиң.

Автор: Дамир Кадыр уулу
12.01.2025-ж.

4.6k 0 13 16 49

Сүйүү саптары. Поэзия.

11 Jan, 18:13

* * *

Сизден кабатыр болдум. Жел куйрук улап,
Шамал тозоңго айланар убак...
Жылдыздар үшүгөн узун түндөрдө,
Түйшөлткөн ой-санаа тизилер чубап.

Сизден кабатыр болдум. Көөдөн кирдеген,
Үшкүрүк дилимди өрттөп жиберер.
Кабатыр болдум да, анан кантейин,
Көңүлдүн көйнөгү жука желбирек.

Сизден кабатыр болдум, чечим чыгарган –
Ушул дүйнөнүн курч миздүү соту.
Туманга чулганып, солк этпей турган,
"Асманга көпүрө – эң бийик чоку".

Сизден кабатыр болдум, оорубаңыз эч,
Ушул дүйнөнүн күлгүн курагы...
Жаман сөз, жаман көз урулбасын дейм.
Мени көп кыйнаган көңүл сурагы.

Сизден кабатыр болдум, сырттагы суук,
Көңүлдү үшүтпөсүн, дилдирейт барик.
Күзөтүп турамын, баса бериңиз,
Айтылбай калган бир сөз эми карып...

АШИРА КУЛИШЕВА

4.2k 0 4 3 20

Сүйүү саптары. Поэзия.

5 Jan, 15:42

ОРТОМЧУЛУК КЫЛААР ДЕП....

Жазга айлантып көңүлдөрдү гүлдөтүп,
Жайначу элек сөз калтырбай сүйлөшүп,
Азыр болсо жөн таанышка айландык,
Анда-санда ал сурашып үндөшүп.

Артык көрүп мени өзүңдүн жаныңдан,
Ардактаган сөз айтчу элең жалынган.
Ошол кезде күндө шайдоот жүрчү элем,
Оргуп чыккан булак өңдүү чамынган.

Басып жүрүп, жаздын жашыл килемин,
Бар болсун деп сага тилек тиледим.
Балким бизге ортомчулук кылаар деп
Жумшап койдум жылуу шамал илебин.

Клара Ниязова

5.6k 0 13 2 55

Сүйүү саптары. Поэзия.

1 Jan, 19:40

"Сен деги кандай жансың?”

Сен деги кандай жансың?
Ойлорумдан такыр эле кетпей койгон.
Кайда барсам эсимден чыгара албайм,
Адаштырдың акылымдан эстен,ойдон.

Сен деги кандай жансың?
Күндүз ойдо түндөсү түшүмдөсүң.
Билгизбеймин а бирок кызганамын,
А сен аны сезбейсиң түшүнбөйсүң.

Сен деги кандай жансың?
Жипсиз эле өзүңө байлап алган.
Мейли ишен,ишенбе өзүң билгин,
Мен эмесмин сүйүүдөн пайдаланган.

Сен деги кандай жансың?
Балким азыр сүйүүгө сөз бере элексиң.
Минтип айтып турган менен өзүм дагы,
Сүйүүнүн даамын татып сезе элекмин.
Дүйнөнүн керемети жети болсо,
Сен мага сегизинчи кереметсиң!!

Автор: Ачылбек уулу Нурзаман

6.4k 0 16 5 50

Сүйүү саптары. Поэзия.

1 Jan, 14:33

КЫЗЫЛ КӨЙНӨК

Аралап Оштун гүл багын
Ар түнү боздоп ырдадым
Ажарың козгоп санаамды
Арманым болдуң Гүлданым!!!

Кызгалдак белең жайнаган
Кышта да бүчүр байлаган
Күкүгү болдум гүлзардын
Кеч кирген кезде сайраган!!!

Жубайым болсо болмок деп
Жаш акты көздөн көлмөктөп
Атыңды билбей оболу
Атадым *Кызыл көйнөк* деп!!!

Асманда жанган ай белең?
Агарып аткан таң белең
Ар ойго салган дүйнөмдү
Арзуудан бүткөн жан белең?!!!

Бейишим болуп сен менин
Башаты болдуң термемин
Жансың го элден бөлөкчө
Жалжалым *Кызыл көйнөгүм*!!!

Жообуңду укпай соолудум
Жүрөгүм туйлай оорудум
Аздектеп салчы башыңа
Апамдын аппак жоолугун!!!

МАЛИК НАЗАРМАТОВ!!!

5.7k 0 13 5 40

Сүйүү саптары. Поэзия.

30 Dec 2024, 11:58

СУКТАНАМ

Өзгөчөсүн, мыкты адам,
Өзүң менен суктанам.
Эрке жарым бол менин,
Эч жанымдан чыкпаган.

Жалжалым -деп, ырдайын,
Жаркыраган нурдайым.
Жандап менин жанымда,
Жалгыз өзүң жүр дайым.

Чертип жүрөк кылдарын,
Чер жазышып жүр жаным.
Кымындай да, сүйүүңө,
Кыянаттык кылбайын!

"Ким сүйчү эле сени"- деп,
Кир жүрөктөр демигет.
Кыйнап сени, мен антип,
Кызганбаймын жөнү жок.

Тагдырлашым бол гүлүм,
Таалайыбыз оң бүгүн.
Тамаша айтсам чычалап,
Таарынганды койгунуң.

Жагып калдың чырагым,
Жүрөгүмдөн сурагын.
Ойрон кылбай сүйүүмдү,
Ойло жаным убалын.

Автор: Дамир Кадыр уулу
29.12.2024-ж.

5.3k 0 15 2 37

Сүйүү саптары. Поэзия.

29 Dec 2024, 17:13

СЕЗИМДЕН КАЙРЫЛУУ

Мүмкүнчүлүк сунуп бизге жарыктык,
Миллион жандар арасынан табыштык.
Ойлорумда сен ганасың ар убак,
Ортобузду бөлгөн менен алыстык.

Таң чолпонум, издеп жүрүп тапканым,
Сенсиз жүрүп далай атты ак таңым.
Сага деген көкүрөктө чоң сүйүүм,
Толгон токой санааларга батпагын.

Кезигиштик, кечириштик өткөндү,
Көмдүк жерге бизден ыраак кеткенди.
Колдорубуз бекем болуп кармашып,
Кел тособуз биргеликте көктөмдү.

Короп бүтүп убакыттын сандыгы,
Кеч билинет бул жашоонун тардыгы.
Мен да жетем, сен да жеткин баркыма,
Менден эмес, сезимдерден кайрылуу.

Каныбегим

29.12.2024.
Москва шаары.

5k 0 8 2 36

Сүйүү саптары. Поэзия.

29 Dec 2024, 16:37

АППАК ТАҢЫМ

Мейкиндик, көгүлтүр асман белең,
Мен үчүн жарык нур чачкан белең?
Мени эч ким сүйдүрө албай койгон,
Сен менин сырымды тапкан белең.

Жок кылып кыйнаган, муң-зарымды,
Чыгарып эсимден, мурдагымды.
Жүрөгүм таш болуп калган эле,
Сен аны сездирбей уурдадыңбы?

Акырын жанымды арбап алып,
Жиби жок өзүңө байлап алып.
Жылыттың муздаган сезимимди,
Кылыктуу назыңды пайдаланып.

Кезиктиң сен тагдыр жолдорунан,
Садага болоюн бойлоруңдан.
Сен менин таптакыр чыкпай калдың,
Секетим жүрөктөн, ойлорумдан.

Карагат көздөрүң кара-кара,
Сыйкырлап кадалып, караба да.
Өзүм да түшүнбөй калдым жаным,
Неге анча тартылам сага гана.

Жүрөгүм туйласа, жанчыламын,
Сырымды сыр бойдон калтырамын.
А балким сен аны сезгендирсин,
Сүйүүмдү айтууга тартынамын.

Автор: Дамир Кадыр уулу
28.12.2024-ж.

5.1k 0 16 2 36

Сүйүү саптары. Поэзия.

20 Dec 2024, 06:41

Кээде өзүмө суроо берем ушундай
Махабаттын азгырыгы ушулбу ай
Билбейм Көзгө көрүнөсүн башкача
Сейрек учкан Ала-Тоонун кушундай

Көзгө толуп келишимдүү келбетиң
Таппайм сендей кыдырсам бул жер бетин
Шыңгыр күлкүң көңүлүмө элестеп
Түшкө кирип бүгүн түнү келбедиң

4.10.2021 Чымырбаев Бекзат.

6.1k 0 8 4 26

Сүйүү саптары. Поэзия.

20 Dec 2024, 06:06

"ЖАН" ырлар түрмөгүнөн
32

Мындай күндөр буга дейре болбогон:
кусаланам, жыргайм, ыйлайм, ойлоном.
Түндө сени бар деп уктайм мемиреп –
Таңда сени бар деп күлүп ойгоном!

Буга дейре бир үңкүйгөн неме элем,
Булбул болдум таңда, кечте безеген.
"Капка салса эгер менин делбемди,
кап да чуркап кетет беле?" - дей берем.

Эмне кылып койдуң мени, зирегим?
Мен эмнени түшүнөм да, билемин?
Барып алып сенин таман астыңа,
Балбалактап бербес белем жүрөгүм!

Тоого булут оролгондой төгүп жаш,
Толкунунда ашыгылыктын жүрөм мас.
Өзүңдү таап, аяп калдым өзүмдү,
Мерез элем өзүмдү бир барктабас.

Элмирбек Иманалиев

6.2k 0 9 20

Сүйүү саптары. Поэзия.

20 Dec 2024, 05:57

***

Жарыгым, жаным, жапжашсың,
Мөлтүрсүң, тунук, тазасың.
Апакай, аруу максаттын–
Артынан ээрчип барасың...

Ууздайсың - эрин тие элек,
Кагазсың - калем чие элек.
Туйлаттың жанды. Турганда -
турмушка жаңы тизелеп...

Асылым, эркем, татынам!
Ашыкмын... Кантип батынам?
Тагдырдын ташын сүзгүлөп,
Кете элек тагы башыман...

Аңдоосуз чыксаң жолуман,
Алдастайм, чочуйм, корунам.
Ашыктык – алтын ажыдаар,
Жаңы эле кайткам оозунан...

Элмирбек Иманалиев.

5.1k 0 6 1 16

Сүйүү саптары. Поэзия.

20 Dec 2024, 05:53

СЕН - МЕН

Кадырым - сен, сыйым – сен,
Кайнап жаткан ырым - сен. Калчылдадым вагондой,
Кайда жүрдүң мурун сен?

Медерим сен, сыйым – сен,
Мен - бечара, кыйын - сен.
Мээм айланып баратат,
Мен - жалбырак, куюн – сен!

Мен - темирмин, сен көөрүк,
Сен - делбирим, мен өрүк.
Этегиңе күбүлүп,
Эзилейин түбөлүк...

Мен – күнөөкөр, сен – бейиш,
Сенде жемиш мен жегис.
Жетер жери белгисиз,
Жел кайык - мен, сен деңиз!

Элмирбек Иманалиев.

5.1k 0 8 29

Сүйүү саптары. Поэзия.

18 Dec 2024, 21:11

Түбү жок ойлор мени байлап алып
Арманымды төккүм келди сага барып
Ичимдеги бийик тоолор урагандай
Ички дүйнөм кулап жатат майдаланып

Ач бөрү кең талааны жойлогондой
Айдарым жел көл жээгин бойлогондой
Сүйүү деген деңиз болсо суусу туздуу
Ал суудан ууртап жатам тойбогондой

Чымырбаев Бекзат.

4.9k 0 15 8 32

Сүйүү саптары. Поэзия.

17 Dec 2024, 19:34

Репост из: Айтыш Дүйнөсү

00:27

Видео недоступно для предпросмотра

Смотреть в Telegram

5k 0 6 20

Сүйүү саптары. Поэзия.

17 Dec 2024, 08:19

ПЕРИСИҢБИ

Көздөрү жылдыздардай жымыңдаган,
Көп жигит ага арнап, ыр-ырдаган.
Жамалың күн нурундай жылуу сенин,
Ким күндүн аптабына жылынбаган?

Мүнөзү ачык, шайыр, эрке, ширин,
Шимирип алмак элем, берсе тилин.
Тараса бүгүн нуруң, түндө ааламга,
Уялып чыкпай коймок, эртеси күн.

Сезимдер кытыгылап, тек ичимди,
Каалашат ак сүйүүмдү сезишиңди.
Адашып жалгыз жерге түшүп калган,
Үрлөрдүн бирисиңби, перисиңби?

Түшүнсөң кана, эмне айтаарымды,
А балким эчак эле байкадыңбы?
Мен болсо ыр жазгандан, башка дагы,
Мактайын сага жаным кайсы арымды?

Арбадың муукам, назик үнүң менен,
Мас кылат көздөрүң да күлүңдөгөн.
Мен эле болсом керек өжөр адам,
Меники болушуңдан түңүлбөгөн.

Автор: Дамир Кадыр уулу
17.12.2024ж.

5.2k 0 9 39

Сүйүү саптары. Поэзия.

16 Dec 2024, 19:09

Репост из: Айтыш Дүйнөсү

«Ай секет».✨

Арманым бойго сыйбады, секет,
Ашыктык дарты кыйнады, секет.
Күйүтүм бойго сыйбады, секет,
Курбулук күчү кыйнады, секет.
Өзүңдү сүйдүм бир гана, секет,
Өзөгүм күйөт тим гана, секет.
Даңктайын ырдап сүйүүмдү эми,
Табалбайм башка бир даба, секет.

Жылдызы болбо жанымдын, секет,
Жыл өтпөй туруп сагындым, секет.
Айы сен болбо жанымдын, секет,
Ай өтпөй туруп сагындым, секет.
Өзгөчө кыздар элде көп, бирок
Өзүңө гана багындым, секет!

Мерседес сымал зыркырап, секет,
Мезгилдер алга умтулат, секет.
Экөөбүз гана билели эми,
Эшигин сырдын кулпулап, секет.

Сай-сайдан ылдый суу агат, секет,
Саргайып жүрөк ууланат, секет.
Самаган акын өзүңдү анан,
Сагынбай кантип тура алат, секет?
Коктудан ылдый суу агат, секет,
Козголуп жүрөк ууланат, секет.
Каалаган акын өзүң деп анан,
Какшабай кантип тура алат, секет?

Баскамын сенин артыңдан, секет,
Баргандан бирок тартынгам, секет.
Кайкалай бүткөн далыңды сенин,
Кара бир чачың жайпаган, секет.
Өрттөнүп жүрөк жанчылды, секет,
Өзүңсүң жазар жарпымды, секет.
Жылмайсаң түн да жарк этет, аттиң!
Жылдыздан түшкөн жансыңбы, секет?

Өрттөдүң күйгөн күл калды, секет,
Өмүргө келген бир жанды, секет.
Төгүлгөн кундуз чачыңды сенин,
Төшөктөн көрөр күн барбы, секет?
Күйгүздүң күйгөн күл калды, секет,
Күнүмдүк келген бир жанды, секет.
Жайкалган кара чачыңды сенин,
Жаздыктан көрөр күн барбы, секет?

Кырдан кар эрип агылар, секет,
Кыйноонун дагы жазы бар секет.
Кыса бир кармап белиңден сенин,
Кызыгым бир күн жазылар, секет.
Сайдан кар эрип агылар, секет,
Санаанын дагы жазы бар, секеи.
Саамайың сылап, бой балкып, чиркин,
Сагынчым бир күн жазылар, секет!

Саамайың сылап, бой балкып, чиркин,
Сагынчым бир күн жазылар, секет!
Сагынчым бир күн жазылар, секет!

Сөзү, обону: Элмирбек Иманалиев.

4.4k 0 24 36

Сүйүү саптары. Поэзия.

16 Dec 2024, 19:09

Сыймык_Бейшекеев — Ай секет 1997ж

4.2k 0 26 2

Сүйүү саптары. Поэзия.

16 Dec 2024, 19:09

Репост из: Айтыш Дүйнөсү

00:49

Видео недоступно для предпросмотра

Смотреть в Telegram

"Ай секет"

4.5k 0 4 1 5

Показано 20 последних публикаций.

7 586

подписчиков

Статистика канала

Популярное в канале

"Сен деги кандай жансың?” Сен деги кандай жансың? Ойлорумдан такыр эле кетпей койгон. Кайда барс...

КЫЗЫЛ КӨЙНӨК Аралап Оштун гүл багын Ар түнү боздоп ырдадым Ажарың козгоп санаамды Арманым болду...

ОРТОМЧУЛУК КЫЛААР ДЕП.... Жазга айлантып көңүлдөрдү гүлдөтүп, Жайначу элек сөз калтырбай сүйлөшү...

СУКТАНАМ Өзгөчөсүн, мыкты адам, Өзүң менен суктанам. Эрке жарым бол менин, Эч жанымдан чыкпаган...

АППАК ТАҢЫМ Мейкиндик, көгүлтүр асман белең, Мен үчүн жарык нур чачкан белең? Мени эч ким сүйдүр...