Telbalik ne oʻzi, bormi nihoya
Tunlari bedorlik qilmas kifoya
Telbalik ne oʻzi, bormi bir foyda
Muhabbat oʻrnatmas ekan qoida

Ismingni yurakka yozmoq - telbalik
Sen deya hayolga choʻmmoq - telbalik
Seni sevmayman deb ketgan bir onda
Toʻshakka mixlanib qolmoq - telbalik.

Majnundek sahroni kezmoq - telbalik
Farhoddek togʻlarni buzmoq - telbalik
Oʻzini teng qilib gʻarib bir qulga
Yorini shohga teng qilmoq - telbalik.

Alamdan koʻzyoshga suzmoq - telbalik
Ayrilsa qon qusib oʻlmoq - telbalik
Oʻzizga rozilik bergandan keyin
Oʻzizga xiyonat qilmoq - telbalik.

Hijrondan bagʻrimiz tilmoq - telbalik
Bevafo hajrida yonmoq - telbalik
Axir arzimaydi bitta soʻzizga
Uni deb asarlar yozmoq - telbalik.

Uni deb Tojmahal qurmoq - telbalik
Namozda bir uni soʻrmoq - telbalik
Faqat shuginaga dil berib qoʻyib
Sarhushdek tunlari kezmoq - telbalik.

Har kuni qoʻngʻiroq qilmoq - telbalik
Ket desa ortidan yurmoq - telbalik
Yarim tun deraza ostiga kelib
Sevishin jar solib aytmoq - telbalik.

Jafo deb zaharlar yutmoq - telbalik
Alpomish otiga minmoq - telbalik
Sevgi deb doʻstlardan voz kechib qoʻyib
Afsusda uzurlar soʻrmoq - telbalik.

Zaynabdek uvvoslar solmoq - telbalik
Nafasin uni deb olmoq - telbalik
Boshqasin qalbida qasrlar qurib,
Boshqasin umidin uzmoq - telbalik.

Koʻngilni dunyodan yuvmoq - telbalik
Hayoldan hayotni quvmoq - telbalik
Sevgi deb atalmish goʻzal tuygʻuni
Boshqa bir nomidur ekan telbalik.

✍ Maftuna Qo'ziyeva

#olindi