1. Skuter va mopedlar uchun haydovchilik guvohnomasi
2025-yil 1-martdan boshlab skuter va mopedlarni boshqarish uchun tegishli toifadagi haydovchilik guvohnomasi talab etiladi.
Shuningdek, dvigatel hajmi 25-50 sm³ yoki elektr quvvati 0,25-4 kW bo‘lgan transport vositalari davlat ro‘yxatidan o‘tkazilishi shart.

2. "Yashil to‘lov" platformalari ishga tushiriladi
Jismoniy va yuridik shaxslarning ixtiyoriy xayriyalari uchun "Yashil olam" va "Yashil to‘lov" platformalari joriy etiladi.
Ushbu mablag‘lar daraxt ekish va ekologik loyihalarga yo‘naltiriladi.

3. Mahalliy hokimiyat vakolatlari kengaytiriladi
Sotilmagan davlat mulklari tadbirkorlarga ijara asosida berilishi va xususiylashtirilishi mumkin bo‘ladi.
Xalqaro tan olingan sertifikatlarga ega bo‘lgan mutaxassislarga ta’lim xizmatlari ko‘rsatishda imtiyozlar beriladi.

4. Mobil malaka oshirish dasturlari
Uzoq va chekka hududlardagi maktabgacha ta’lim muassasalari pedagoglari uchun mobil malaka oshirish dasturlari ishga tushiriladi.

5. Harbiylarga ijtimoiy yordam
Harbiylar uchun uy-joy ijarasi bo‘yicha kompensatsiyalar oshiriladi.
10 yildan ortiq xizmat qilgan harbiylar uchun uy-joy sotib olishda ipotekaga qo‘shimcha imtiyozlar taqdim etiladi.

6. Pensiyani avtomatik tayinlash
2025-yil 1-martdan boshlab pensiya yoshiga yetgan fuqarolarga pensiya avtomatik tayinlanadi, murojaat qilish talab etilmaydi.

7. Nogiron bolalar uchun kunduzgi parvarish xizmati
Sinov tariqasida 3-18 yoshdagi nogiron bolalar uchun kunduzgi parvarish xizmatlari yo‘lga qo‘yiladi.

8. Ekologik stiker tizimi joriy etiladi
Transport vositalari ekologik holatiga qarab "yashil", "sariq" va "qizil" toifalarga ajratiladi.
"Qizil" toifaga mansub mashinalar ayrim ekologik zonalarda harakatlanish cheklovlariga duch kelishi yoki qo‘shimcha to‘lov joriy etilishi mumkin.