#nazm
Bizni sogʻinganlar omon boʻlsinlar,
Bizni unutganni unutmoq kerak.
Mayli, feʼlimizni yomon desinlar,
Bizni kutmaganni kutmoq ne kerak?
Bizni sogʻinganga tilaymiz toʻzim,
Va bir tong yelarmiz shabboda boʻlib.
Tomogʻimda boʻzim, tirnoqda boʻzim,
Dardlar ham sitilgay bir kurtak boʻlib.
Bizni unutganni unutdik biz ham,
Garchi xohlasak-da, kelmas hushlarga.
Hatto koʻz gavhari boʻlolmas malham,
Yetti uxlasak-da kirmas tushlarga.
Unutmoq matonat, unutmoq azob,
Xotira umidlar jangida talash.
Faqat bizga baxtdir, bizga iztirob,
Bizga ichikkanga ichikib yashash....
✍Farida Afro'z
Bizni sogʻinganlar omon boʻlsinlar,
Bizni unutganni unutmoq kerak.
Mayli, feʼlimizni yomon desinlar,
Bizni kutmaganni kutmoq ne kerak?
Bizni sogʻinganga tilaymiz toʻzim,
Va bir tong yelarmiz shabboda boʻlib.
Tomogʻimda boʻzim, tirnoqda boʻzim,
Dardlar ham sitilgay bir kurtak boʻlib.
Bizni unutganni unutdik biz ham,
Garchi xohlasak-da, kelmas hushlarga.
Hatto koʻz gavhari boʻlolmas malham,
Yetti uxlasak-da kirmas tushlarga.
Unutmoq matonat, unutmoq azob,
Xotira umidlar jangida talash.
Faqat bizga baxtdir, bizga iztirob,
Bizga ichikkanga ichikib yashash....
✍Farida Afro'z