Jilmayish shaklini ko'rsatar labim..
Hayotning naqadar qiziqligiga..
Qahraton qahridan muzlasa qalbim.
Isinsam...istarang issiqligiga..

Ko'zlaring ko'zgudir fikrim o'qigan..
Bir umr yuragim ichra sig'sayding..
Bugun uchrashuvga o'zing to'qigan..
Junli shapkachangni kiyib chiqsayding..

Ismingni aytmoqlik maning uchun baxt..
Takrorlash lazzatli har bir harfini..
Va o'rab chiqsayding bo'yning oralab.
Buving senga sovg'a qilgan sharfini..

Go'yo kasal bo'lgan itday quturar..
Rutubatli qish va qahrli savdo..
Taningni men kabi isitib turar.
Tulkining yungidan tikilgan palto..

Men ham kostyum shimda chiqsam qovjirab.
-jinnisiz deb holim so'rab qo'ysayding..
Sovuqqotmang deya buving to'qigan
Junli sharfchangni o'rab qo'ysayding..

Jilmaysam hayotning qiziqligiga..
Jilmaysang hayotning qiziqligiga..
Isinsam istarang issiqligiga.
Isinsang istaram issiqligiga..

✍Faxriyor Baxtiyorov

@sevgi_haqida_sherlarimiz