Samarqand viloyati transport boshqarmasida shahar jamoat transportida kuzatilayotgan muammolar tashuvchi korxonalar rahbarlari ishtirokida muhokama qilindi. Unda Transport tashuvlarini muvofiqlashtirish bo‘limi boshlig‘i M. Uzoqov O‘zbekiston Respublikasi Prezidentining 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida” qarori asosida Brutto-shartnomasi imzolangan yo‘nalishlarda xizmat ko‘rsatuvchi tashkilotlar tomonidan yo‘l qo‘yilayotgan kamchiliklar tanqidiy tahlil qildi. Ish rejimining buzilishi, bekatlarda ortiqcha to‘xtab qolishlar, avtobuslarning sanitar tozaligi, haydovchilarning kiyinishi, o‘zini tutishidagi kamchiliklarga asosiy urg‘u berildi.
Muhokamada yo‘l qo‘yilgan kamchiliklar ortidan xizmat sifati buzilayotganligi, bu esa o‘z navbatida aholining e’tirozlariga sabab bo‘layotganligi ta’kidlandi. Shuningdek, bosib o‘tilgan masofa uchun haq to‘lashda sifat mezonlarining buzilishi ortidan korxonalarga jarimalar qo‘llanilayotganligi ma’lumot o‘rnida aytildi
Muhokamada yo‘l qo‘yilgan kamchiliklar ortidan xizmat sifati buzilayotganligi, bu esa o‘z navbatida aholining e’tirozlariga sabab bo‘layotganligi ta’kidlandi. Shuningdek, bosib o‘tilgan masofa uchun haq to‘lashda sifat mezonlarining buzilishi ortidan korxonalarga jarimalar qo‘llanilayotganligi ma’lumot o‘rnida aytildi