#Yaniliklar #Tadbir

Sharof Rashidov nomidagi Samarqand davlat universitetining Urgut filiali Iqtidorli talabalarning ilmiy tadqiqot faoliyatini tashkil etish bo‘limi, Biznesni boshqarish va tabiiy fanlar fakulteti dekani o‘rinbosari Gulshoda Nuriddinova, Xalqaro hamkorlik bo‘limi boshlig’i Abror Abdusalimov, Tadbirkorlik va innovatsion loyihalar kordinotori Sanjarbek Sayfullayev bilan birgalikda, filialning Biznesni boshqarish va tabiiy fanlar fakulteti uchun ilmiy tadqiqot faoliyatini targ‘ib qilishga qaratilgan muhim tadbirlarni tashkil etdilar.

Tadbir davomida O‘zbekiston Respublikasi Prezidenti va nomli davlat stipendiyalari, “Bo‘lajak olim” tanlovi va "Mirzo Ulug‘bek vorislari" respublika tanlovi bo‘yicha talabalar bilan tushuntirish ishlari olib borildi. Mutaxassislar yoshlarni ilm-fan yo‘lidagi yuksak marralarga erishish uchun zarur bo‘lgan imkoniyatlar haqida hamda ularni ilmiy izlanishlar olib borishga, yangi g‘oyalar ishlab chiqishga ilhomlantirdilar.

Ushbu tadbirlar, iqtidorli talabalarning ilmiy faoliyatlarini qo‘llab-quvvatlash va rag‘batlantirish, ularning bilim va salohiyatlarini yanada rivojlantirishga xizmat qiladi. Talabalar bu orqali o‘z ilmiy izlanishlarini amalga oshirishda yanada keng imkoniyatlarga ega bo‘ladilar va kelajakdagi ilmiy yutuqlariga erishish uchun mustahkam poydevor yaratadilar.

😍 Bizni ijtimoiy tarmoqlarda kuzatib boring:

🌐 Telegram 🌐 Instagram 🌐 Facebook