Продам канал с доходом 138090

Всего за 55 000. Срочно нужны деньги.

Статистика Избранное

Safoyev Fikri ️

Гео и язык канала: Узбекистан, Узбекский

Категория: Познавательное

Билимнинг чегараси бор,
Аҳмоқлик эса чек-чегарасиздир!

Связанные каналы | Похожие каналы

Гео и язык канала

Узбекистан, Узбекский

Категория

Познавательное

Статистика

Избранное

Фильтр публикаций

Скрывать удаленные

Скрывать репосты

Safoyev Fikri ️

14 Jan, 12:23

“ҚЎРҚУВНИ БОШҚАРСА БЎЛАДИ, МУҲАББАТНИ ЭСА ЙЎҚ”
АҚШ давлат котиби Генри Киссинжер Оқ уйда Никсон давридаги кўплаб жанжаллардан соғ-омон чиққанди. Киссинжер моҳир дипломат бўлганлиги учун эмас – музокараларни унда яхшироқ олиб борадиган бошқа бир дипломатни топса бўларди; Никсон билан тил топишиб кетганлиги учун ҳам эмас – президент билан кўп масалаларда қарма-қарши позицияда турарган. Бунинг сабаби – у кўплаб сиёсий структуралар ишига шунчалик чуқур сингиб кетган эдики, уни лавозимидан олиб ташлаш бошбошдоқликни келтириб чиқарарди.
Бошқаларни ўзингизга боғлаб қўйишда хуфиёна тарзда сир-синоатларни билиб олиш тактикасини ҳам қўллаш мумкин. Атрофдагиларнинг биров билиши шарт бўлмаган сирини билиб, ахборотга эга бўлиб сиз ўз тақдирингизни уларнинг тақдири билан боғлайсиз. Сиз дахлсиз одамга айланиб қоласиз. Махфий хизмат ва полиция министрлари ўз мансабларида узоқ ўтириб қолишади. Чунки улар кимнидир қирол қилиб кўтаришлари мумкин, қиролни эса тахтдан ағдаришлари мумкин. Бироқ, бундай мансаб қиролда, атрофдагиларда мансаб эгасига нисбтан кучли шубҳа, доимий ишончсизлик ва пинҳоний нафрат уйғотадики, охир-оқибат бундай ҳокимиятнинг инсон учун қадри қолмайди. Ўйлаб кўринг – махфий хизмат бошлиғи бўсангиз-у, кечалари тинч ухлай олмасангиз. Руҳий осойишталик, ҳузур-ҳаволат бағишламайдиган бундай ҳокимиятнинг маъноси борми?
Охирги огоҳлантириш: ҳукмдорнинг сизга боғланиб қолганлиги – энди сизга унинг меҳр-муҳаббати ҳам кучаяди дегани эмас. Аслида у сиздан ҳадиксираб юради. Бироқ, Макиавелли айтганидек, муҳаббат уйғотгандан кўра, қўрқув уйғотган афзалроқ. Қўрқувни бошқарса бўлади, муҳаббатни эса йўқ.

Мўътабар фикр. Одамларни сенга боғланиб қолишга мажбур қил. Тобеликдан миннатдорликка қараганда кўп нарса ютиш мумкин. Чанқоғини қондирган одам дарров қудуққа тескари қарайди. Тобелик йўқолиши билан – мулойимлик ва одоб, кейинчалик эса ҳурмат ҳам йўқолади. Тажриба сенга ўргатадиган биринчи сабоқ мана бундай: одамларга умид бағш эт, аммо умидлари ушалишига йўл берма, тахтда ўтирган ҳомийинг ҳам доимо сенга эҳтиёж сезсин.
Бальтазар Грациан
Роберт Грин. “Ҳокимиятнинг 48 қонуни”.
Жалолиддин САФОЕВ таржимаси.
Телеграм каналимизни кузатиб боринг ва дўстларга улашинг:
https://t.me/Safoyev_Fikri

Safoyev Fikri ️

Билимнинг чегараси бор, Аҳмоқлик эса чек-чегарасиздир!

253 0 6 1 12

Safoyev Fikri ️

13 Jan, 12:13

“ЎЗЛИГИНГНИ АСРА!”
Ёлғизланиб қолишдан қўрқма. Барчани кўнглини топаман деб ўзингни, ўзлигингни йўқотишдан қўрқ!
Рус тилидан таржима қилинди.
Телеграм каналимизни кузатиб боринг ва дўстларга улашинг:
https://t.me/Safoyev_Fikri

450 0 5 15

Safoyev Fikri ️

12 Jan, 11:37

“ЎЗИНГИЗДА ИНСОННИ АСРАНГ”
-Ҳаёт – бу худди фортепианога ўхшайди. Оқ клавишлар – бу муҳаббат ва бахт рамзи. Қоралари – ғам-алам ва кулфатлар тимсоли. Ҳаётнинг ҳақиқий мусиқасини эштишимиз учун унисига ҳам, бунисига ҳам қўл уришимиз керак.
- Ҳаётдаги энг қадрли ва азиз нарсалар – шундоқ ёнимизда туради. Энг муҳими биз учун энг қадрли нарса нима эканлигини ўз вақтида англаб етишимизда.
-Ҳар бир одамда ичида охирги чегара мавжуд. Ҳис-туйғуларнинг охирги чегараси. Азобларнинг охирги чегараси. Кўз ёшининг охирги чегараси. Нафратнинг охирги чегараси. Кечиришнинг охирги чегараси. Шу боис инсонлар баъзан узоқ сабр қилишлари мумкин. Узоқ вақт сукут сақлаб туришлари мумкин. Узоқ муддат хулоса чиқаришлари мумкин. Кейин эса бирданига ҳеч нарсани тушунтирмасдан ва гапирмасдан кетиб юборишлари мумкин.
-Бировлар ҳаётининг чет-чеккасида эмас, ўз ҳаётингизнинг марказида яшанг...
Ўзингизда Инсонни асранг!
Константин Хабенский, актёр
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

458 0 8 4 17

Safoyev Fikri ️

11 Jan, 08:31

“ОБРЎ БЎЛИНМАС БОЙЛИК”
“Цицерон айтганидек, унга қарши курашиб китоб ёзганларнинг мақсади, Цицеронга қарши чиқиш билан обрў орттириш, шон-шуҳрат қозонишгина бўлган. Қолган барча нарсалар умумий, ўртада; керак бўлса дўстларимиз учун молимиздан, жонимиздан кечамиз. Бироқ, бошқага ўз обрўсини бериб туриш, кимгадир шон-шуҳратини совға қилишни ҳали ҳеч ким кўрмаган, эшитмаган”.
Монтень, француз ёзувчиси ва файласуф, 1533-1592.
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

330 0 3 16

Safoyev Fikri ️

7 Jan, 17:10

“ЭРК ВА ИХТИЁРНИНГ ФАРҚИ БОР”
… Россияда эркинликни амр-ихтиёр билан кўпинча чалкаштириб юборишади. Амр-ихтиёр – бу оғзимга келганини гапираман, бошқаларнинг фикрига эса тупириб қўйгаман, дегани. Эркинлик эса – бу шундай бир нарсаки, бошқа бир одамнинг эркига халақит бериш бошланган жойда у тугайди ва яна эркинлик – бу энг аввало масъулиятдир. Мен шундай деган бўлардим: энг эрксиз инсон – бу энг масъулиятсиз инсондир ва у қулдир. У ҳеч нарса учун жавобгар эмас, унинг учун барчасига хўжайини жавоб беради. Аксинча, энг масъулиятли одам – бу фақат ўзи қарор қабул қиладиган одамдир ва шу боис у энг озод инсондир.
Владимир Познер, журналист ва ёзувчи
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

625 0 5 1 18

Safoyev Fikri ️

6 Jan, 16:20

“ЮЛДУЗ САНАБ, ОЙНИ ЙЎҚОТМА”
Сенга ҳаммадан кўра кўпроқ ғамхўрлик қилаётган одамга ҳеч қачон эътиборсизлик қилма. Ажойиб кунларнинг бирида уйқудан кўзинг очиб юлдуз санаб ойни йўқотганингни тушуниб етишинг мумкин.
Антуан де Сент-Экзюпери, ёзувчи ва шоир
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

668 0 13 2 23

Safoyev Fikri ️

6 Jan, 12:09

“ҚАЛБИМИЗДАН ЎЗИМИЗ ИСТАГАН ОДАМЛАРГА ЖОЙ БЕРАЙЛИК”
Ҳаётимизга энг керакли, биз истаган ва узоқ кутилган одамларлар уларга ўз қалбимиздан жой бўшатганимиздан кейингина кириб келади. Бу учун ўй-хаёлимизни ўтмишнинг аччиқ хотиралари, келажакнинг хавотирлари, ўзимиз ўйлаб топган тақиқлар ва қолиплардан халос этишимиз зарур. Ёлғизликда биз ҳақиқий ўзлигимизни топа олмаймиз. Ёлғизлик руҳимизни тозалашга йўл очади холос. Чин ўзлигимизни юрагимизда эзгулик, меҳр, ҳар кунги кичик мўъжизлар, қувонч ва бепоён бахт дунёсини очган одамлар орқали топамиз...
Э.М.Ремарк, ёзувчи
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

688 0 16 2 18

Safoyev Fikri ️

1 Jan, 22:47

“ЖАР ЁҚАСИДАГИ ОДАМНИНГ НИДОСИ”
Дунёда бирорта ҳам эркак ёки аёл бошига бирор синов тушмагунча ўзининг руҳий-маънавий бардоши, саботи даражасини билмайди. Минглаб одамлар ҳеч қачон жар ёққасига келиб қолмаганлари ва шу боис изтиробларини элга ошкор қилмаганлари учунгина ҳурмат ва иззатда яшаб ўтишади. Жар ёқасига келтирилган одамнинг эса аччиқ ва аламли фарёдлари вулқондай отилиб кетиши мумкин.
Елена Блаватская, файласуф ва публицист
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

946 0 8 26

Safoyev Fikri ️

22 Dec 2024, 20:35

“ОТАЛАРГА ЭНГ КАТТА СОВҒА”
Болаларим мендан туғилган кунингизга нима совға қилайлик деб сўраганларида худди отам менга айтган гапни такрорлайман: “Хонадонимизга тинчлик ва хотиржамлик совға қилинглар”. Болалигимда отамнинг бу жавоби ғашимни келтирарди, ҳеч бўлмаганда “менга папирос чекадиган трубка совға қил” деган гапни эшитгим келарди. Ўзим ҳам ота бўлганимдан сўнг отамнинг гапида қанчалик катта донишмандлик борлигини ҳис этдим. Отам бор-йўғи мен яшаб турган уйим ва бу уйда мен билан бирга яшаётганлар ҳақида ўйлашим, уларга ғамхўрлик қилишим ва хонадонимизда тинчлик-хотиржамлик бўлишини истаган экан холос.

Билл Мюррей, актёр ва кинорежиссёр
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

1.4k 1 27 2 36

Safoyev Fikri ️

22 Dec 2024, 11:50

“АНГЛАМАСЛИК ДАРАЖАСИДАГИ НОДОН”
Биров атиргулни ҳидлаб унинг хушбўй ҳидидан маст бўлади. Бошқа бир жонзот аччиқ ўсимликлар гулидан бол тўплайди. Кимгадир арзимас чойчақа берсанг бир умр эсидан чиқармайди. Кимгадир жонингни фидо қилсанг, ҳатто уни англаб етмайди.
“Афоризмы, цитаты, мудрые слова” саҳифасидан таржима қилинди.
Телеграм каналимизни кузатиб боринг ва дўстларга улашинг:
https://t.me/Safoyev_Fikri

835 0 12 19

Safoyev Fikri ️

19 Dec 2024, 15:41

“БИЗ КИММИЗ?”
Биз балконда – психологмиз, ошхонда – политологмиз (сиёсатшуносмиз), ижтимоий тармоқларда – файласуфмиз.
Ҳаётда эса қандай аҳмоқ бўлсак, шундай аҳмоқлигимизча қолганмиз.
“Мудрые мысли | Цитаты великих” саҳифасидан таржима қилинди.
Телеграм каналимизни кузатиб боринг ва дўстларга улашинг:
https://t.me/Safoyev_Fikri

984 0 14 1 28

Safoyev Fikri ️

18 Dec 2024, 19:39

“СЕН ЁЛҒИЗ ЭМАССАН!”
Бизниг энг қора кунларимизда бизга фикр-мулоҳазалар ёки маслаҳатлар даркор эмас. Бундай пайтда оддий инсонга хос муносабат, ёнимизда унсиз кимнидир бўлиши, меҳрли бир қўл бошимиз силашини истаймиз ва унга интиламиз. Бу кичик ишоралар – ҳаёт жуда оғир бўлиб туюлган дақиқаларда бизни суяб турадиган умидга айланади. Менинг дардим - бу менинг ғам-ташвишим, менинг курашим, - ҳа фақат меники. Аммо сизнинг ёнимда бўлишингиз чексиз бу оламда, баъзида қўрқувга соладиган дунёда ёлғиз эмаслигимни эслатиб туради. Бундай ўзингизни эслатиб туришингиз, ҳатто мен энди синдим деган чоғда ҳам мен муҳаббат лойиқ эканлигимни билдириб туради. Сизнинг сўзсиз қўллаб-қувватловингиз – бу сиз менга беришингиз мумкин бўлган энг қимматли туҳфадир. Бу муҳаббат ўзимни кимлигимни эслашимга ёрдам беради – ҳатто ўзлигимни унутган вақтимда ҳам.
Эрнест Хемингуэй, ёзувчи, Нобель мукофоти лауреати
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

683 0 7 23

Safoyev Fikri ️

16 Dec 2024, 18:38

“НОДОН ИЗЗАТГА АРЗИМАС”
Арслонлар меҳрибон, бағри кенг бўлган жойда шақоллар сурбетлашиб ҳаддидан ошади.
Аль Пачино, актёр
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

1.6k 0 22 1 15

Safoyev Fikri ️

16 Dec 2024, 10:35

“СЕНДАН ҲАРАКАТ – МЕНДАН БАРОКАТ”
Кунларнинг бирида донишманддан сўрашди: -Ҳаётимизни яхши томонга ўзгаришини узоқ кутишимиз керакми?
Донишманд:- Фақат кутадиган бўлсаларинг – ҳақиқатан ҳам узоқ кутишларингга тўғри келади.
Рус тилидан Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

1.2k 0 14 2 17

Safoyev Fikri ️

15 Dec 2024, 12:00

“ҲАЁТ – “МЕҲМОНХОНА”
Тибет анъаналарида ҳаётга меҳмонхонада бор-йўғи икки кунга тўхтаган саёҳатчи кўзи билан қараш керак деган ақида бор: сайёҳга меҳмонхона ҳам, ўзи яшайдиган хона ҳам жуда ёқади, аммо буларга ҳаддан зиёд боғланиб қолмаслиги ва меҳр қўймаслиги лозим – чунки у тез орда “меҳмонхона”ни тарк этади.
Сангье Кхадро
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

1k 0 8 6 21

Safoyev Fikri ️

14 Dec 2024, 17:22

“ЭКЗЮПЕРИНИ ЎҚИШДАН ҲОСИЛ БЎЛГАН ХУЛОСА”
Оломон – ҳар қандай масъулият ва маънавий жавобгарликдан холи равишда разолат ва жаҳолат ботқоғига ботишни, оғзига келганини гапиришни эркинлик деб билади. Авомнинг бу истак-майлларига тўсқинлик қилсангиз – сизни эркинликни бўғиш ва адолатсизликда айблайди.
Жалолиддин Сафоев
Телеграм каналимизни кузатиб боринг ва дўстларга улашинг:
https://t.me/Safoyev_Fikri

855 0 4 17

Safoyev Fikri ️

13 Dec 2024, 16:38

“СЎЗ – ЙЎҚОЛМАЙДИ”

Файласуфлар сўзлар изсиз йўқолиб кетмайди деб ҳисоблашади... Улар ҳавода муаллақ осилиб, атмосферада туриб қолади.

Файласуф С.Булгаков қайсидир бир хонада қарғишлар ёғилиб, ёмон гаплар айтилса – бу гаплар худди тамаки тутинидек шу хонада осилиб тураверади, дейди. Деразани очиб ва хонани шамоллатиб, бу қабиҳликларни қувиб солгинг келади.

Шундай ривоят бор. Шоир Лермонтовнинг бувиси эри ўз жонига қасд қилганини эшитиб: “ит итдек ўлим топибди” дейди. Жуда оғир гап... Кейин эса дуэльда бувининг суюкли набираси Мишенька (шоир Михаил Лермонтов) ҳалок бўлади. Ва бу хабарни эшитиб подшо худди шу гапни такрорлайди: “ит итдек ўлим топибди!”. Бувининг гапи подшонинг оғзидан сўзма-сўз такрорланган.

Акс-садо мавжуд. Айнан акс-садо қачонлардир бошқаларга айтган гапларимиз, ниятларимизни ўзимизга қайтариб олиб келади...

Кимнидир қаттиқ айблаган бўлсак, кимнингдир устидан кулган бўлсак, кимгадир хиёнат қилиб оғир вазиятда ташлаб кетган бўлсак – барчаси қайтади. Айбсиз одамни қарғаган кимсанинг қарғиши ўзига уради. Ўйламасдан бировни қоралаб, лаънатлаб гапирганлар – бу сўзлар албатта ўз ҳаётларида “ижобат” бўлганини кўришади. Ҳаётда қайтиш – акс-садо бор!
Анна КИРЬЯНОВА,
ёзувчи ва психолог

Жалолиддин Сафоев таржимаси
Oyina.uz
Телеграм каналимизни кузатиб боринг ва дўстларга улашинг:
https://t.me/Safoyev_Fikri

1.6k 0 27 16

Safoyev Fikri ️

11 Dec 2024, 09:03

“ҚУВОНЧ” ОРТИДАГИ КУЛФАТЛАР ЭШИК ҚОҚМОҚДА”
Мабодо аввал кўрмаган ва билмаган бўлсайдик ҳайкалларни бузаётган, Президент саройларини ғорат қилиб қўлга илинадиган буюм борки ташиб кетаётган одамлар қувончини қайсидир маънода тушунса бўларди. Бироқ..., бундай манзарани Ироқда, Ливияда, Афғонистонда ва дунёнинг кўплаб бошқа мамлакатларида кўрдик – оқибати нима бўлганлигини ҳам биламиз. “Баҳор”- у “бархат” деб аталган инқилоблардан мақсад нима эди-ю нимага эришилди? Чин маънода гуллаб-яшнаб турган Ҳалаб шаҳрининг бугунги қиёфасини кўриб юракларимиз ўртаниб кетади. Бундай вайроналар остида қолган шаҳар ва қишлоқлар Иорқда ҳам, Сурияда ҳам ва инқилоб нафаси теккан бошқа мамлакатларда ҳам етарли. Ироқ, Ливия сиёсий ва ҳудудий жиҳатдан бўлакларга бўлиниб кетган, энди худди шундай бўлиниш Сурия бошига тушмоқда. Сурияда “диктатор”ни ағдарган сиёсий ва диний гуруҳлар ҳокимиятни бўлишда тез орада бир ва якдил қарорга келишларига ишонасизми? Мамлакат тинч қурилиши йўлига ўтишига-чи? “Инқилобни амалга оширганлар, инқилобни бошқаролмай қолишганди. Биз инқилобнинг отасимиз, деб ўйлашарди улар. Эслаб қолайлик: инқилобнинг отаси бўлмайди. Унинг фақат ночор ва нотавон фарзандлари бўлади холос.
Инқилобни бошлаш мумкин, лекин уни қандай якунлашни ҳеч ким билмайди?!” деб ёзади Эдвард Радзинский.
Инқилобдан сўнг ғоялар кураши тўхтайди. Ҳокимият учун кураш бошланади. Ёлғон, нафрат, ўч олиш майдонга чиқади. Худди шу дамдан бошлаб инқилоб ўзи нима учун амалга оширилганлиги ҳамманинг эсидан чиқади. Зўравонлик ва террор бошланади.

Телеграм каналимизни кузатиб боринг ва дўстларга улашинг:
https://t.me/Safoyev_Fikri

863 0 5 14

Safoyev Fikri ️

6 Dec 2024, 12:39

“НЕГА АҲМОҚЛАРГА ТОҚАТСИЗМАН”
Менга нега сиз аҳмоқларга тоқатсизлик қиласиз, деб танбеҳ беришганида, агар аҳмоқлар ўзлари яратган муҳитда яшаганларида эди, мен бутунлай уларга бефарқ бўлардим – “ўлиб кетишмайдими” – деб жавоб бераман. Афсуски, бундай эмас-да. Улар ақл-идрок эгалари яратган муҳитда яшашади ва шундай яшашадики – бу муҳитни вайрон қилиб, ғорат этиб...
Станислав Лем, файласуф ва ёзувчи.
Жалолиддин Сафоев таржимаси.

Телеграм каналимизни кузатиб боринг ва дўстларга улашинг:
https://t.me/Safoyev_Fikri

923 0 11 1 17

Safoyev Fikri ️

5 Dec 2024, 11:57

“ЯРАТГАННИНГ ҲАСРАТИ”
Бир киши ибодат қилгани черковга кирибди.
Шу пайт бир одам келиб: “Қўлингни тўғри тутмаяпсан”, деб танбеҳ берибди.
Иккинчи бир киши келиб: “Нотўғри жойда турибсан”, дебди.
Учинчи бири эса: “ кийимларинг рисоладагидек эмас”, деди.
Орқадаги одам : “Нотўғри ибодат қилаяпсан”, деб қўрслик қилибди.
Охир-оқибат яна биттаси келиб: “Биласизми, черковдан чиқиб кетинг, аввал ибодат қоидалари китобини сотиб олиб, яхшилаб ўқингда кейин келинг”, дебди.
У черковдан чиқиб, ўриндиқда ўтириб, ўксиниб-ўксиниб йиғлабди.
Шу пайт осмони фалакдан овоз келибди: “ -черковга киргани қўйишмаяптими?”
Кимса йиғидан кўзлари шишиб кетган бошини кўтариб: “киритишмаяпти”, дебти.
-“Йиғлама, улар Мени ҳам киритишмади!!!”
Рус тилидан Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

688 0 7 22

Показано 20 последних публикаций.

1 098

подписчиков

Статистика канала

Популярное в канале

“НОДОН ИЗЗАТГА АРЗИМАС” Арслонлар меҳрибон, бағри кенг бўлган жойда шақоллар сурбетлашиб ҳаддидан...

“ОТАЛАРГА ЭНГ КАТТА СОВҒА” Болаларим мендан туғилган кунингизга нима совға қилайлик деб сўраганла...

“СЕНДАН ҲАРАКАТ – МЕНДАН БАРОКАТ” Кунларнинг бирида донишманддан сўрашди: -Ҳаётимизни яхши томонг...

“ҲАЁТ – “МЕҲМОНХОНА” Тибет анъаналарида ҳаётга меҳмонхонада бор-йўғи икки кунга тўхтаган саёҳатчи...

“БИЗ КИММИЗ?” Биз балконда – психологмиз, ошхонда – политологмиз (сиёсатшуносмиз), ижтимоий тармо...