Sifatli ta'lim

Oliy ta'limga e'tibor qaratsak, bir necha yillardan buyon "super kontrakt"  "giper kontrakt" kabi jumlalar ommalashmoqda. Puling bormi, qonuniy qilib o'qishga kirsang bo'ladi...
Aslida 60 ball yig'ding, kirish bali 105 bo'ldi orasidagi 45 ballni sotib olasan. Bu kamida 70 mlndan ko'proq degani.Men eshitganlarim ichida eng ko'pi 350 mln (giper kontrakt).Shunda aslida nechi ball to'plagan bo'ladi?Juda qiziq imtihonga bormagandur balki... Bilimi yo'q, puli borlar kirsin deyishyapti-da! Otasining cho'ntagiga baraka bersin  endi.Chunki hali oldinda sessiyalar, ishga joylashish va boshqa masalalar ham bor.18 yil o'qimagan bola, talaba bo'lgandan so'ng yaxshi o'qib keta oladimi? Albatta yo'q, pul bilan o'qishga kirdi, pul bilan bitiradi vanihoyat yana millionlar yordamida yaxshi ishga joylashar.Joylashib oldi shuncha pul sarfladi endi ularni qanday bo'lmasin qaytarib olishi kerak.Korrupsiyani yo'qotamiz deb, yo'l ochib berishibdiku.Aytaylik, birdaniga 50 millionlab to'lay olmaydi, tayyor xususiy institutlar bor-ku. Yana bir masala ota-onalar farzandini qanday bo'lmasin o'qitishni o'z oldilariga maqsad qilib olishgan, shuningdek qancha bo'lsa shuncha to'lashga ham tayyor. Biroq farzandlarida o'qishga bo'lgan ishtiyoq ham yo'q shunchaki diplom kerak yoki ota onasining so'zini qaytara olmaydi.
Xulosa qilib aytganda, super kontrakt bo'lsin, lekin hamma narsada me'yor bo'lgani yaxshi-da..
3-5 ballgacha yetmaganlargina qo'shimcha tarzda pul to'lab o'qishga kirishsin.Chunki ular haqiqatda tayyorlanishgan, ball yetmay qolgani esa kichik bir omadsizlik)

Shu o'rinda ustozimning aytgan gaplari esimga tushadi: 《Hamma ham ilm odami emas, o'qishga kirish yoki kira olmaslik hayot-mamot masalasi ham emas.Dunyodagi eng mashhur boylarda hatto diplom yo'q.Lekin bu diplom umuman kerak emas deganimas.Ular o'zlari uchun kerakli bilimni egallashgan va kerakli paytda ishlata olishgan.Mana o'qish nima uchun kerak!? Hamma narsani o'z o'rnida ishlatishni bilish va o'zi uchun kerakli ilmni egallash uchun 》

Fikr va mulohazalaringizni maxsus botimiz orqali yozib qoldiring: @forcommunucationym_bot
Bu mavzuga fikr bildirmasangiz bo'lmaydi endi...


@s_talim

Endi taʼlim tili oʻzbek tili boʻlmagan sinf bitiruvchilari ham davlat tilidan imtihon topshiradi

Maktabgacha va maktab taʼlimi vazirining 2025-yil 20-fevraldagi 65-sonli buyrugʻi bilan umumiy oʻrta taʼlim muassasalarida yakuniy davlat attestatsiyasi oʻtkazish tartibi belgilandi. Mazkur hujjatga asosan umumiy oʻrta taʼlim muassasalarida yakuniy davlat attestatsiyasi oʻtkaziladigan fanlar roʻyxati va imtihon oʻtkazish shakllari, umumtaʼlim fanlari hamda xorijiy tillarni bilish darajasini baholovchi milliy va xalqaro tan olingan sertifikatlar roʻyxati tasdiqlandi.

Unga koʻra, 9-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika fanidan – yozma;
➖Oʻzbekiston tarixi fanidan – yozma/ogʻzaki;
➖Jismoniy tarbiya fanidan – amaliy shaklda oʻtkaziladi.

11-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika (Asosiy) / Matematika (Chuqurlashtirilgan) fanidan – yozma;
➖Tarix fanidan – yozma;

Oʻquvchining tanlovi boʻyicha:

➖ Ona tili va adabiyoti (qoraqalpoq, rus, qozoq, turkman, tojik, qirgʻiz tilida taʼlim boʻlgan sinflar uchun), Biologiya, Fizika, Kimyo, Davlat huquq asoslari, Geografiya fanlaridan – yozma;
➖ Chet tili fanidan yozma/ogʻzaki shaklda oʻtkaziladi.

Ma’lumot uchun, 2025-yilidan boshlab taʼlim o‘zbek tilida olib borilmaydigan umumiy o‘rta ta’lim muassasalarining 11-sinf bitiruvchilari uchun ham Davlat tilidan yakuniy nazorat imtihonlarini topshirish majburiy bo‘lishi belgilanmoqda.

Oʻzgarishlar haqida batafsil maʼlumotlar vazirlikning ijtimoiy tarmoqlari orqali beriladi.

@hilola_umarova