Raqamli fikrlar

Boylik yaxshi - Boylik yomon

Miyada bir vaqtda ikkita teskari fikrni ushlab tura olish qiyin. Ko’pchilik, narsalar oq va qora bo’lishiga o’rganib qolgan. Lekin aynan ikkita teskari fikr sintezi ortidan juda ko’p narsalar kulrang ekanligini ko’rsatib beradi.

Boy bo’lish vaqt ko’paytirishga olib borsa yaxshi - Boy bo’lish uchun hamma vaqtim ketib qolsa — yomon.

Iqtibos Aziz Rahimovdan

❌ Sohani o’rganish, keyin soha egasi bo’lish

✅ Shu soha egasi bo’lish, keyin o’rganish

Qaysi biri hozirgi kunda aktual va sizni tezroq natijaga olib chiqadi?

Ya'ni amaliyotdan boshlash kerakmi yoki nazariyadan degan masala turibdi. Shaxsan o'zim 2 xil bosqichdan ham o'tib ko'rganman:

1. Avval kursda o'qib, bitirib keyin ishga kirdim. Ish boshlaganda esa "Bu nima o'zi? Kursda bunaqa narsa o'tilmagan ediku." kabi holatlar bo'lgan. Kursdagi teoriya bilan tajribadagi holat boshqa-boshqa ya'ni.

2. Avval ishga kirib, aynan ishda yuzaga kelayotgan muammolar bo'yicha kurs izlaganman, kitob, case study'lar o'qiganman.

Birinchi holatda o'sish va o'rganish sekin bo'lgan, ikkinchisida esa tez va esda qolarli bo'lgan.

Lekin o'rganmasdan oldin qanday qilib loyiha olish, ishga kirish mumkin?

- Albatta fundamental bilim bo'lsa yetarli, ko'p korxonalarda bilimga chanqoq, chaqqon bo'lsa bo'ldi, o'zimiz o'rgatib olamiz deganlarini eshitganman. Mutaxassislar yetishmovchiligini hisobiga bizda buni imkoni bor. Past oylik bo'lsa ham boshlanishiga birlamchi ehtiyojlaringizni qoplasa yetarli. Muhimi sifatli tajriba olish imkonini berishi kerak.

❌ Learn -> Do -> Become
✅ Become -> Do -> Learn

Istisno* - Bu usul ko'proq marketing, IT, sotuv, zamonaviy sohalarda ishlaydi.

Erkak kishi uchun mas'uliyat ham ne'mat.

Marketingga oidroq “meme” chiqib qoldi:

“Sleep is a free trial of Death.”

Free trial - bu masalan biror pulli ilovani sotib olishdan oldin sinov uchun bepul ishlatib ko’rish imkonini beradigan marketing instrument.

Yoki darsga yozilishdan oldingi sinov darslari ham misol bo’ladi.

Endi meme’dan xulosa:

Har kuni “free trial” ishlatamiz, toki “life time subscription” olgunimizcha )

"Bu ikkisi teng bo'lurmi?"

5 km yugurishdan keyin ichilgan 1 stakan suv bilan erta tongdagi 1 stakan suv bir xil emas.

15 soat ro'zadan keyingi 1 stakan suv bilan erta tongdagi 1 stakan suv bir xil emas.

Ha, 2 holatda ham suv bir xil, lekin sizning unga bo'lgan ehtiyoj, mehringiz turlicha. Huddi shunday lahzalar mehnat qilishga, sabrga, kutishga arziydi.

Mehnat, sabr, vaqt bilan barchasi o'zgacha. "Shunchaki" bilan aslo bir xil emas.

Ajoyib-a?

Shuni doim yodda saqlashga harakat qilaman:

O'zingizni alishtirib bo'lmas kadr deb hisoblamang

Sizdan, (bizdan ming chandon) zo'ri bozorda tiqilib yotibdi. Agar bugun qaysidir mavqeda bo'lsangiz (bo'lsak) aniq Allohning rizqqa bo'lgan va'dasi va marhamati va ba'zi insonlarning sizga nisbatan himmati sababdir.

Bundan boshqasi emas.

Ha, siz uhlamasdan ishlagandursiz, yorvorgandursiz, intiluvchandursiz...

Lekin, bular natijasi kafolatlangan harakatlar emas. Shundoq ham normal bir insonda bo'lishi shart bo'lgan hislatlar holos!

Manba: Sayyoh

Hammaga do'st - hech kimga do'st

Ba'zi bir mijozlar brend pozitsiya shakllantirish jarayonida "shunday pozitsiya qilaylikki, hamma bizdan sotib olsin" degan talab qo'yishadi.

6-7 xil pozitsiyalanish bor. Ko'pi bilan 2 tasini 1 biznesda umumlashtirish mumkin. Undan oshirish esa bir-birini inkor etadi.

Mijoz qancha ko'p bo'lsa shuncha ko'p daromad bo'ladi degani emas. Bo'lsa ham davomli bo'lmaydi.

Xuddi shunday qancha ko'p do'st, tanish bo'lishi doim ham muammolar oson hal bo'lishi, yoki zo'r degani emas.

Prinsiplari, dunyo qarashi sizniki bilan o'xshash bo'lganlar bilan birga qolasiz. Qolganlari esa buni inkor etadi.

Marketolog ❌
Aktyor ✅

Marketing agentligida turli yo’nalishlarda har xil loyihalar keladi. Ulardan har birining raqobatchilarini o’rganishda “maxsus rollarda” aktyorga aylanishga to’g’ri keladi.

Masalan, home textile yo’nalishida “yaqinda to’yi bo’layotgan odam”, santexnika yo’nalishida “shogird”, qurilish sohasida “uy ko’tarayotgan yosh oila” rollariga kirishib raqobatchilarni o’rganishga ulgurdim.

“Rol tanlash” da esa brendning maqsadli auditoriyasi, eng issiq segmenti kim ekanligiga e’tibor beriladi. Shunda ko’proq natija olish mumkin.

Qiziq instrumentlar, tajribalar bor. Hayotda ko’p vaziyatlarga moslash mumkin marketingda )

«Ey yigit, o‘qi-taʼlim ol, chunki johillik-ilmsizlik ordir.

Bunga esa faqat eshshak rozi bo‘ladi!»

Yaxshi ko'rgan ishingni qil*

Bilaman, bu jumlani ko'p bor eshitgansiz. Lekin to'g'rimi o'zi bu?

Istalgan ishni takror va takror qilaverganingizdan keyin baribir bir kun zerikasiz, toki odamlar siz qilayotgan ishdan mamnun bo'layotganini ko'rmaguningizgacha.

Qilayotgan ishingizning natijasi, qiymatini yaxshi ko'ring.

Eng qizig'i buni har bir ishda ko'rish mumkin. Ha, har bitta ishda.

Masalan marketingda bitta loyiha uchun raqobatchilarni o'rganish, tadqiqotlar topib o'qish, strategiya, pozitsiya ishlab chiqish juda ham uzoq va zerikarli jarayon. Lekin taqdimot vaqtida biznes egasining bitta "zo'r chiqibdi" degan iborasi barchasini yengib ketadi.

Aynan shu hissiyotni ko'rish uchun ham takror va takror zerikarli ishlarni bajaraverasiz. Chunki yuqoridagi hissiyot bunga arziydi. Shunday ekan:

Yaxshi ko'rgan ishingni qil - Qilayotgan ishing beradigan qiymat, natijasini yaxshi ko'r

*

Tahrirsiz

O’tkan kunlar kitobini o’qishdan oldin kinosini ko’rgan edim. Kitobini o’qiyotganda esa aynan kinodagi sahnalar, chehralar aks etaverar edi.

Ikki eshik orasi asarini esa yaxshiyamki hali sahnalashtirib ulgurishmagan. Undagi voqealar, obraz, chehralar adib yozganidek, mening, sizning tasavvuringizdagidek, mukammal.

Bu bir misol tariqasida.

Yetishmoq imkonsizdek, jondan kechibgina erishish mumkin bo’lgan lahzalar mavjud. Ko’ra olmaysiz.

Shuning uchun ham go’zal, mukammal.

Xotiralar boylikdir

Vaqt juda tez o’tayotgandek tuyuladi. Sababi kunlar bir xil o’tadi. Ish, o’qish, uy, bir xil odamlar. Yangilik yo’q.

Umr hikoya. Bir kun kelib nabiralaringiz miriqib eshita oladigan, mazmunli hikoyani yashab o’tmasangiz, yashamabsiz. Ularga “O’sha vaqtdagi eng zo’r mashinam bo’lgan. To’y qilganmiz, shuncha odam kelgan.” degan gaplar qiziq bo’lmaydi katta ehtimol bilan.

Shuning uchun yillar ishlab hashamat, to’y, markab uchun pul sarflash umrni arzon sotish va mazmuni yo’q xotiradir.

Bir insonga savol berishgan edi. “Nima uchun ishlaysiz?” deb. Avvaliga kulib “Shu, nega bo’lar edi, shu…” deb keyin chuqur o’yga tolib qoladi. Nechadir yili ish bilan o’tib ketganini sezmay qolgan edi balki…

Sayohat, yangi tajribalar, bilim, turli odamlar, millatlar bilan tanishish, amallab bo’lmas yoki qiyin biror ish qilish esda qolarli xotiralardir.

Xotiralarni ko’paytiring, ularni hikoyaga aylantiring, yozuv, rasm, tasvir, ovoz ko’rinishida. Vaqti kelib nostalgiya bo’ladi. O’tmishni eslash ikki marta yashash imkonini beradi.

Bunga badiiy kitoblarni ham misol qilish mumkin. “O’tkan kunlar”, “Ikki eshik orasi”ni hamma o’qigan bo’lsa kerak.

Ikki xil davr, odamlar boshqa, voqealar turlicha. 2 xil o’tmishni yashab ko’rdingiz.

Xotiralarni ko’paytiraylik.

Majburiyat

Bolalar, ayollar, mushuklarnigina shunchaki yaxshi ko'rish mumkin, erkaklarni emas. Hamma farishta kabi tug'iladi, erkaklar esa yoki kurashish yoki mag'lub bo'lib o'tishga majbur. Bunda o'rtani ushlash degan narsa yo'q.)

1. Shifoxonadagi ovozlar yurakni siqadigan, empatiya va bizning umumiy zaifligimiz haqida o'ylashga undaydi. U yerda navbat kutayogan odamning motivi tashxis olish, davolanish. Bu havotir va umid bilan keladi.

2. Boshqa tomondan tamaddixonadagi shovqin zavq, sabrsizlik, ijtimoiy muloqot muhitini beradi. U yerda navbat kutayotganlarning motivi esa qoniqish, yangi ta'mlarni sinab ko'rish.

Atrofimizdagi tovushlarni tinglab yurish va anglash, bizni raqamli muhitdann hozirgi lahzaga qaytaradi, o'zimiz va boshqalar haqida chuqurroq tushuncha beradi.

Yangi biznes uchun branding qilinayotganda unga nom topish, farzandga ism topishdan ham qiyinroq ish.

You are what you eat

Nima iste'mol qilsangiz shuning mahsuli bo'lasiz.

1. Sog'lom ovqatlanish - sog'lom siz.
2. Kitob, yaxshi davra, to'g'ri muhit - sog'lom siz.

3. Ikkala holatda ham qarshi immunitet shakllanadi. Ya'ni sizga zarar keltirishi mumkin bo'lgan omillarga qarshi.

Yoki uch holatda ham batamom aksi bo'lishi mumkin.*

Jism va ruh iste'moliga jiddiy e'tibor qaratish kerak, chunki immunitet shakllanganidan keyin o'zgarish qiyin bo'ladi, yoki o'zgarmaydi.